O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Ijodiy о‘yinlar
O‘quvchilarning ijodiy izlanishi, mantiqiy fikrlashini rivojlantirish va qо‘shimcha bilim olishga bо‘lgan ehtiyojlarini qondirishda ijodiy о‘yinlar muhim ahamiyat kasb etadi.
Ta’lim jarayonida vujudga keltirilgan muammoli vaziyatlarni о‘quvchilar guruhining о‘zaro hamkorlikda avval о‘zlashtirgan bilim, kо‘nikma va malakalarini ijodiy qо‘llash va izlash orqali hal etishga zamin tayyorlaydigan didaktik о‘yinlarni ijodiy о‘yinlar deb atash lozim.
M: biologiya darslarida ijodiy о‘yinli darslardan «Organik olam evolyutsiyasining asosiy yо‘nalishlari», «Organik olam evolyutsiyasining dalillari»ni о‘rganishda foydalanish maqsadga muvofiq. Bunda о‘quvchilar guruhlarga teng bо‘linib, ularning har biriga shartli ravishda «Botaniklar», «Zoologlar», «Evolyutsionistlar» degan nom beriladi. Har bir «mutaxassislar» guruhi ijodiy izlanib, gо‘yoki fanda yangiliklar kashf etadilar. O‘qituvchi tomonidan tavsiya etilgan topshiriqlarni kо‘rgazmali qurollarga tayangan holda bajarib о‘z javoblarini asoslaydilar.
Mazkur didaktik о‘yinli darslarda hamma о‘quvchilar hamkorlikda ishlaydilar. Avval о‘zlashtirgan bilimlarini yangi vaziyatlarda qо‘llab yangi bilimlarni egallaydilar. Bu esa о‘quvchilarning о‘z bilimlariga, iqtidoriga ishonch uyg‘otadi. Natijada har bir о‘quvchi sidqidildan va jiddiy tayyorgarlik muvaffaqiyatning garovi ekanligini anglaydi va yanada kо‘proq bilim olishga kirishadi.
“O‘z о‘rningni top” metodi
Agar sinfda u yoki bu mavzu bо‘yicha tortishuvlar vujudga kelsa bu metod yordamida muammoning yechimini topish mumkin. Bunda о‘quvchilar о‘z fikrini bayon qilishi, muloqot kо‘nikmalarini qaytadan tuzatishga imkoniyatlar mavjud bо‘ladi va dars sо‘ngida о‘qituvchi tomonidan mavzuni о‘zlashtirish darajasini baholash aniq amalga oshiriladi.
1.Sinfning qarama-qarshi burchaklariga 2ta plakat osiladi. Ularning biriga “Roziman”, boshqasiga “Rozi emasman” degan sо‘zlar yozilishi kerak. Plakatlarda ba’zi bir mavzuga oid savollar bо‘yicha bildirilgan qarama-qarshi fikrlar ham yozilishi mumkin. Masalan: “Anjir gullaydi va meva tugadi ”, yoki “Anjir gullamasdan meva tugadi ”.
2. Darsni tashkil etish qoidalari muhokama qilinadi.

• 
  Qaralayotgan muammo yuzasidan о‘z fikrlariga mos keladigan plakat yoniga borish zarurligi talablarga taklif etildi.
  
• 
  Bо‘lingan о‘quvchilardan о‘z qarashlarini asoslash sо‘raladi. Bu paytda bir guruhdan ikkinchi guruhga о‘tish ruxsat etiladi va shu tariqa sinfga о‘quvchilarning hammasi jalb etiladi.
  
• 
  O‘quvchilar ichida muammo yuzasidan eng ishonchli fikr aytganini aniqlash sо‘raladi.