O‘zbekiston respublikasi xalq ta’limi vazirligi farg‘ona viloyati xalq ta’limi boshqarmasi farg‘ona tumani xalq ta’limi bo‘limi

IV. O‘QUVCHILARNING HUQUQ VA BURCHLARI

4.1. O‘quvchilar quyidagi huquqlarga egadirlar:

- davlat standartlariga muvofiq umumiy ta’lim olish;
- o‘z insoniy qadr-qimmatlarini hurmat qilinishi, vijdon va axborot erkinligini his qilishi, o‘z qarashlari va e’tiqodlarini erkin ifoda etish;
- ta’lim muassasasini boshqarishda qatnashish;
- turli xil ilmiy faoliyat bilan shug‘ullanish, seminarlar, anjumanlar, olimpiadalar, ko‘rgazma va tanlovlarda ishtirok etish;
- o‘quv shaklini mustaqil ta’minlash;
- qo‘shimcha (fakultativ) ta’lim olish xizmatidan foydalanish;
4.2. Maktab o‘quvchilari:
- O‘zbekiston Respublikasi Konstitutsiyasi va qonunlariga, milliy axloq-odob qoidalariga rioya qilish, respublikaning munosib fuqarosi bo‘lish, O‘zbekiston Respublikasining gerbi, bayrog‘i va madhiyasini bilish va hurmat qilish, ular bilan bog‘liq bo‘lgan marosimlarni ado etish;
- ta’lim muassasining ustavi va ichki tartib-qoidalarini so‘zsiz bajarishlari;
-mobil telefonlardan foydalanish tartibiga rioya qilish;
- davlat ta’lim standartlari hajmida umumiy o‘rta ta’lim olish uchun intilishlari;
- maktabga dars jadvali asosida o‘z vaqtida kelishi, barcha darslarda ishtirok etishi, sababsiz dars qoldirmasliklari;
- o‘quv jarayoni uchun kerak bo‘lgan barcha jihozlarni, kundalik daftari, darsliklar, o‘quv qo‘llanmalari, daftarlarni to‘liq olib kelishlari;
- Xalq ta’lim vazirligining 2020 yil 28 maydagi “Umumiy o‘rta ta’lim muassasasining ichki tartib va odob -axloq qoidalari to‘g‘risida”gi 131-son buyrug‘iga asosan maktabda zamonaiy yagona maktab formasini kiyish,tegishli Nizom tartibi hamda qo‘yilgan talablarga rioya qilishlari;
- o‘qituvchilar tomonidan berilgan topshiriqlarni o‘z vaqtida bajarilishi;
- o‘z bilimi va amaliy ko‘nikmalarini mustaqil ravishda oshirib va
mustahkamlab borishlari hamda umumlashtirish saviyalarini yuksaltirishlari;
- maktab va jamoat mulkini avaylab-asrashlari talab etiladi;
4.3. O‘qituvchilar va o‘quvchilar o‘rtasidagi murakkab vaziyatlarni va muammolarni hal qilish maqsadida maktabda jamoatchilik kengashi tuziladi. Unda ota-onalar tomonidan yozma yoki og‘zaki holda berilgan arizalar ko‘rib chiqiladi va hal etiladi.
4.4. Jamoat tartib-qoidalarini buzgan, maktab jihozlarini va mulkini ishdan chiqargan, tizimli ravishda o‘qituvchilar va maktab rahbariyatining shaxsiyatiga tegadigan xatti-harakatlar sodir etadigan o‘quvchiga nisbatan tuman hokimligi qoshidagi voyaga yetmagan yoshlar bilan ishlash komissiyasi bilan kelishilgan holda tegishli chora-tadbirlar qo‘llaniladi.
4.5. Maktabda amaldagi qonunchilikka asosan o‘quvchilar uyushmasi va boshqa jamoat tashkilotlari faoliyati ko‘rsatish huquqlariga ega.