O‘zbekiston respublikasi xalq ta’limi

Yoquvchilarning tayyorgarlik darajasiga qo‘yiladigan zaruriy talablar 
V sinf 
Bilimlar. 
Adabiyotning so‘z san’ati ekanligi, xalq og‘zaki ijodi shu san’atning bir 
ko‘rinishi ekanligi haqidagi dastlabki tushunchaga ega bo‘lish; maqol, topishmoq, hadis, masal, 
rivoyat, xalq ertaklari, adabiy ertaklar kabi janrlar haqida ixcham ma’lumotlarga ega bo‘lish, 
ular orasidagi farqlarni bilish; 
 
Ko‘nikmalar. 
Adabiyotning so‘z san’ati, xalq og‘zaki ijodi uning bir ko‘rinishi ekanligi 
haqida tasavvurga ega bo‘lish; hadislarning mazmuni va ma’nosini tushunish; badiiy asardagi 
asosiy fikrni anglash va his etish; badiiy asar mazmunini ilg‘ash; badiiy asar qahramoniga 
shaxsiy mulohazasini bildirish; asar mazmunini matnga yaqin tarzda hikoyalay olish. 
Turli janrlardagi badiiy matnlarni ifodali o‘qish; asarlarda aks etgan his-tuyg‘ular tasvirini 
tuyish va uni ifodalay bilish; qahramonning asosiy ma’naviy fazilat va nuqsonlarini tavsiflash; 
asardagi asosiy va ikkinchi darajali voqealarni ajratish; o‘rganilgan asarning sodda rejasini 
tuzish; shu rejaga munosib qisqa hajmli insho yozish; o‘rganilgan asarlarga tayanib, ijodiy matn 
yaratish, xalq ertaklarini adabiy ertaklardan farqlash; 
Asar obrazlari va ular orasidagi munosabatlar haqida tushunchaga ega bo‘lish, lirik 
asarlarni tushunib o‘qish, sharhlash, badiiy matndagi tasvir asosida adabiy qahramonga, o‘zi va 
o‘rtoqlariga baho berish, she’riy asarni tushunish, imlo va izohli lug‘atlardan foydalanish, asar 
qahramonlariga nisbatan o‘zida darddoshlikni his etish, topishmoq, ertak, ixcham badiiy to‘qima 
- qatra tarzidagi ijodiy matn yarata olish, so‘zdan ta’sirlanishni his etish, milliy va umuminsoniy 
qadriyatlar tasviridagi mazmun va mohiyatni tushunish, ulardagi milliy iftixor, g‘urur 
tuyg‘ularini his etish, turli vazndagi she’rlarni ifodali o‘qish.
Malakalar. 
Og‘zaki va yozma nutqda so‘zning o‘z va ko‘chma ma’nolaridan to‘g‘ri 
va unumli foydalanish; maqol, topishmoq, hadis, ertak, masal, she’r, hikoya va boshqa janrlar 
vositasida ifodalangan ezgulik va yaxshilik sifatlarini o‘z axloqiy me’yorlariga singdirish; ularda 
ifodalangan Vatan, ezgulik, go‘zallik, o‘zaro hamjihatlik tuyg‘ularini anglash; badiiy asar 
mazmunini o‘zlashtirish va hikoyalash; matnni ifodali o‘qish; badiiy matn yoki undan olingan 
parcha asosida og‘zaki va yozma reja tuzish, reja asosida qahramonning yetakchi fazilatlarini 
tavsiflash; berilgan matn asosida yangidan ijodiy matn yaratish; adabiy asardagi tasvir 
mohiyatini ongli tarzda o‘zlashtirish; asar qahramoni bilan o‘zidagi (o‘rtoqlaridagi) axloqiy-
ma’naviy sifatlarni taqqoslash; sinfdan tashqari o‘qilgan asarlarga mustaqil munosabat bildirish; 
darslikda berilgan lug‘atlar bilan ishlash; badiiy matndagi epitet, o‘xshatish, jonlantirish singari 
nisbatan sodda tasvir vositalarini topish va ularni asoslash; asardagi milliy qadriyatlar tasviriga 
e’tibor berish va ularni izohlash; ulardagi milliy iftixor tuyg‘ulariga asos bo‘ladigan holatlarni 
ilg‘ash va uni so‘z vositasida ifodalash, notanish badiiy matnni ovoz chiqarib 105-110 so‘z 
tezligida o‘qish; notanish matnni ovoz chiqarmay 150-170 so‘z tezligida o‘qish; dasturda tavsiya 
etilgan 6-7 she’rlarni yod aytib berish.