O‘zbekiston respublikasi xalq ta’lim vazirligi

Onglilik va maqsadga muvofiqlik. Inson faoliyati oqilona, ongli va maqsadga muvofiq bo’ladi. «Oqilonalik – inson faoliyatining barcha turlariga amalda xos bo’lgan jihat»²⁸, deb qayd etadi E.Kassirer. Oqilonalik insonning o’z faoliyati maqsadlarini aqlga muvofiq tarzda belgilash va ularni erkin va ongli boshqarish qobiliyatini anglatadi. I.G.Fixte inson tabiat kabi zaruriyat taqozosiga ko’ra emas, balki ongli niyat bilan ish ko’rishini ta’kidlaydi. Ayni shu sababli tabiat va jamiyatni o’zgartirish insoniyatning ma’naviy burchidir²⁹.
Onglilik va maqsadga muvofiqlik – inson faoliyatini hayvonlar faolligidan farqlash imkonini beruvchi muhim xossalardir. Ammo ular «sof ko’rinish»da mavjud bo’lmaydi. Shu sababli onglilik va maqsadga muvofiqlikka zid bo’lgan xossalarni inson faoliyatining talqini doirasidan chiqarish o’rinli bo’lmaydi. Xususan, insonning barcha faoliyati ham ongli bo’ladimi, degan savol ustida mulohaza yuritib ko’raylik. Amalda faoliyat ayrim ko’nikmalar shakllanishini nazarda tutadi (kasbiy mahorat esa aksariyat ko’nikmalarni avtomatizm darajasiga ko’taradi); faoliyatda anglanmaydigan mayllar, mo’ljallar, tajriba, o’tmishda (aksariyat hollarda – bolalikda) olingan taassurotlar o’z ta’sirini ko’rsatadi. Faoliyat «onglilik – ongsizlik» qarama-qarshiligining birligidir, deb aytish uchun asoslar mavjud. Ziddiyatli vaziyatlar – mutlaqo ongsiz va ongga butunlay bo’ysungan faoliyatni hayotda juda kam uchraydigan muayyan abstraksiya sifatidagina tasavvur qilish mumkin. Shuningdek, ongga to’la bo’ysunadigan harakat ko’pincha samarasiz bo’ladi.

²⁷ Қаранг: Фихте И.Г. Назначение человека. – СПб.:2006. – С.81.

²⁸ Кассирер Э. Опыт о человеке: введение в философию человеческой культуры // Проблема человека в западной философии. – М., 1988. – С.28.
²⁹ Қаранг: Фихте И.Г. Избр. соч. Т. 1. – М., 1916. – С.402.
Faoliyatning unumliligi. Inson faoliyati unumli, aksariyat hollarda amaliydir, lekin unumsiz ham, noamaliy ham bo’lishi mumkin. Masalan, rasm-rusumlarni bajarish unumsiz hisoblanadi (ammo ba’zan muayyan vazifalarni hal qilishga qaratilgan rasm-rusumlar amaliy xususiyat kasb etishi ham mumkin).