O‘zbekiston respublikasi xalq ta`lim vazirligi samarqand viloyati xalq ta’limi xodimrlarini qayta tayyorlash va ularning malakasini oshirish hududiy markazi tarix fanini o‘qitish huquqini berish bo‘yicha pedagogik qayta tayyorlash kursi

Bitiruv ishi rahbari: N.Abdumannatova

Samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi “Tarix o‘qituvchisi” yo‘nalishi bo‘yicha pedagogik qayta tayyorlash kursi tinglovchisi Otamuratov Sunnat Qoraqulovichning “Tarbiyasi qiyin guruhga mansub bolalar bilan ishlash yo’llari ” mavzusidagi bitiruv ishiga

TAQRIZ

Ma’lumki, tarbiyasi qiyin o’smirlar bilan ishlash jarayoni har bir o’smirning ta’lim samaradorligiga u yoki bu darajada ta’sir etuvchi shaxslilik xususiyatlarini o’rganish va tadqiq qilish bilan bevosita bog’liqdir. Zero, ta’lim muassasalaridagi ta’lim jarayonining asosiy qatnashchilari o’quvchilar, o’qituvchilar va ota-onalardir.

Bugungi kunda ta’lim muassasalari – o’zgarib borayotgan uzluksiz ta’lim tizimining eng dinamik jabhasi hisoblanadi. Mazmuniy va tashkiliy ma’noda u o’quvchining individual ta’lim yo’nalishini shaklantirish imkoniyati hisoblanib u o’z ichiga ehtimolli-zaruriy va shu bilan birga shartli-zaruriy bilim va malakalarni qamrab oladi. Binobarin, bugungi ta’lim jarayoniga jalb qilingan o’qituvchi bilan o’quvchilar hamkorligini muvaffaqiyatli tashkil etish pedagog va har bir o’smirning psixologik qiyofasini tasniflash, ularning munosabatlaridagi psixologik muammolar, o’zaro hamkorlikni o’rnatish shart-sharoitlari, turli vaziyatlar (ham hayotiy, ham shaxsiy pozisiya)ga ularning tayyorligi, bir-birlarini shaxs sifatida qabul qilishi, o’qituvchining o’zaro munosabatlardagi kasbiy kompetentligi, o’z mavqyei, axborotlar tizimini qabul etishdagi ham individual, ham guruhiy yondashuvlari, uning o’zi va o’quvchilari bahosidagi psixologik profili, o’qitish jarayonidagi hamkorlik ko’rinishlari va fenomenologiyasini yoritish kabi masalalarga alohida e’tibor qaratilgan.

Otamuratov Sunnat Qoraqulovich tomonidan yozilgan ushbu malakaviy bitiruv ishi ikki bob, to’rt paragraf, xulosa va adabiyotlar ro’yxatidan iborat.

Ishning birinchi bobi:Ta’lim jarayonida pedagog psixokorreksion faoliyatini o’rganishning o’ziga xos xususiyatlari deb nomlangan bo’lib bunda ta’lim jarayonida pedagogning tarbiyasi qiyin o’smirlar bilan ishlashdagi kasb

kompetentligini aniqlash uslubi va tarbiyasi qiyin o’smirlardagi shaxslik xususiyatlarini o’rganish bo’yicha izlanishlar olib borilgan.

Ishning ikkinchi bobida Pedagog faoliyatining tarbiyasi qiyin o’smirlar bilan ishlash bo’yicha psixologik kompetentligi deb nomlanib unda pedagogning tarbiyasi qiyin o’smirlar korreksiyasi bo’yicha psixologik yondoshuv modeli va tarbiyasi qiyin o’smirlar bilan ishlashda pedago faoliyatining psixologik samaradorligi bo’yicha qilingan ishlar ilmiy tilda bayon etilgan.

Xulosa qismida har ikkala bob haqida talaba mavzu bo’yicha o’z fikr mulohazalarni yaxshi bayon qilgan.

Umuman olganda mazkur malakaviy bitiruv ishi mavzuga mos ravishda mazmunli qilib yoritilgan.

Yuqoridagi bayon qilingan fikirlardan kelib chiqib Otamuratov Sunnat Qoraqulovichning “Tarbiyasi qiyin guruhga mansub bolalar bilan ishlash yo’llari” mavzusidagi bitiruvishni himoyaga tavsiya etaman.