O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

V.ILOVALAR

1. 
   Fanning namunaviy o‘quv dasturi
   

I. O’quv fanining dolzarbligi va oliy kasbiy ta’limdagi o’rni

Ushbu fan qishloq xo’jalik va uy hayvonlarini fiksasiya qilish, og’riqsizlantirish usullari, narkoz va narkotik moddalarni qo’llash texnikasi, aseptika va antiseptika qoidalarini, shuningdek, barcha organlarda o’tkaziladigan operasiyalar texnikasini, kasalliklarni xirurgik usulda davolash va oldini olish asoslari kabi masalalarni qamrab oladi. Kasalliklarni xirurgik usul bilan davolash, hayvonlarni maxsuldorligi yanada oshirishda talabalarni zarur bo’lgan bilimlar bilan qurollantiradi.

“Operativ xirurgiya” fani umumkasbiy fanlar blokiga kiritilgan kurs hisoblanib, 3-kursda o’qitilishi maqsadga muvofiq. “Operativ xirurgiya” fani mutaxassis tayyorlovchi fanlar turkumiga kiradi va Veterinariya bakalavriat ta’lim yo’nalishida o’qitiladi. Mazkur fan veterinariyada o’qitiladigan boshqa fanlarning nazariy va uslubiy asosini tashkil qilib, o’z rivojida aniq yo’nalishdagi veterinariya jarrohligi uchun zamin bo’lib xizmat qiladi.
II. O’quv fanining maqsadi va vazifasi

Fanni o’qitishdan maqsad – talabalarda chorvachilik xo’jaliklarda qo’llaniladigan xirurgik operasiyalarni o’tkazishni qoida va usullaridan foydalanish bilim, ko’nikma va malaka shakllantirishdan iborat.

Ushbu maqsadga erishish uchun fan talablarini nazariy bilimlar, amaliy ko’nikmalar, xarrohlik kasalliklarida kechadigan jarayonlarga uslubiy yondashish hamda ilmiy dunyoqarashni shakllantirish vazifalarini bajaradi.
Fan bo’yicha talabalarning bilim, ko’nikma va malakalariga quyidagi talablar qo’yiladi. Talaba:

• 
  xirurgik muolajalarni o’tkazish; operasiya elementlari va hayvonlar a’zolarini topografik joylashishi haqida tasavvurga ega bo’lishi;
  
• 
  xirurgik operasiyalarni o’tkazish tartib-qoidalari va asbob-uskunalardan to’g’ri foydalanishni;
  
• 
  operasiyalarning tavsiflanishini;
  
• 
  ommaviy operasiyalarni tashkil etish va o’tkazish texnologiyasini;
  
• 
  fiksasiya usullarini;
  
• 
  antiseptika va aseptika qoidalarini;
  
• 
  xirurgik asboblar, tikish va bog’lash materiallarini;
  
• 
  anesteziologiyani; nerv tugunlar qamali, shoxsizlantirish, traxeotomiya, traxeostomiya, rezeksiya, rumenosentez, rumenotomiya, enterotomiya, gastrotomiya utkazishni;
  
• 
  axtalash, amputasiya, uretrotomiya, uretrostomiya, sistotomiya usullarini;
  
• 
  muolaja jarayonida qulay kesim, qon ketishni to’xtatish, biriktiruvchi va maxsus choklash usullarini bilishi va ulardan foydalana olishi;
  
• 
  hayvon a’zolarining topografiyasiga asoslanib, har xil turdagi hayvonlarda xirurgik operasiyalar o’tkazish texnikasini bajarish ko’nikmalariga ega bo’lishi kerak.