O’zbekiston Respublikasi Vazirlar Mahkamasining 011 yil sentyabrdagi «Davlat pensiyalarini tayinlash va to’lash tartibini yanada takomillashtirishga yo’naltirilgan normativ-huquqiy hujjatlarni tasdiqlash to’g’risida»

O’zbekiston Respublikasi Vazirlar Mahkamasining 2011 yil
8 sentyabrdagi «Davlat pensiyalarini tayinlash va to’lash tartibini yanada takomillashtirishga yo’naltirilgan normativ-huquqiy hujjatlarni tasdiqlash to’g’risida»gi 252-sonli qarori bilan tasdiqlangan «Davlat pensiyalarini tayinlash va to’lash tartibi to’g’risida Nizom»ining
1 va 2-ilovalariga muvofiq:

T/r	Urush nogironlariga tenglashtiriladigan shaxslar RO’YXATI
1.	sobiq SSSR va O’zbekiston Respublikasi chegaralarini qo’riqlash paytida yaralanish, kontuziya olish, mayiblanish yoki kasallanish natijasida nogiron bo’lib qolgan harbiy xizmatchilar;
2.	1941 yilning 22 iyunidan 1954 yilning 31 dekabrigacha sobiq SSSR hududida harakat qilgan hamda qiruvchi batalonlar, vzvodlar va xalqni himoya qiluvchi otryadlarda xizmat qilgan davrda yaralanish, kontuziya olish, mayiblanish yoki kasallanish natijasida nogiron bo’lib qolgan shaxslar;
3.	temir yo’lning front yaqinidagi uchastkalarida ishlagan, mudofaa inshootlari, harbiy-dengiz bazalari, aerodromlar va boshqa harbiy ob’ektlar qurilishi ishlarida qatnashgan hamda Vatan urushi yillarida urush bo’layotgan joylarda yaralanish, kontuziya olish, mayiblanish yoki kasallanish natijasida nogiron bo’lib qolgan xodimlar;
4.	Ikkinchi jahon urushi davrida partizan otryadlari va qo’shilmalari tarkibida yoki yashirin ishlarda bo’lgan davrda yaralanish, kontuziya olish, mayiblanish yoki kasallanish natijasida nogiron bo’lib qolgan shaxslar;
5.	harakatdagi armiya tarkibidagi ishlarda yaralanish, kontuziya olish, mayiblanish va kasallanish natijasida nogiron bo’lib qolgan yollangan tarkibdagi shaxslar;
6.	Ikkinchi jahon urushi davrida fashist kontslagerlarida (getto va zo’rlik bilan tutib turiladigan boshqa joylarda) bo’lgan davrda yaralanish, kontuziya olish, mayiblanish va kasallanish natijasida nogiron bo’lib qolgan shaxslar (tutqunlar, shu jumladan, bolalar);
7.	tinchlik o’rnatuvchi kuchlar tarkibida qatnashish, shuningdek, xarbiy harakatlar ketayotgan mamlakatlarda baynalmilal burchlarini ado etish tufayli yaralanish, kontuziya olish, mayiblanish yoki kasallanish tufayli nogiron bo’lib qolgan harbiy xizmatchilar, ichki ishlar organlari va milliy xavfsizlik xizmatining boshliqlar va oddiy xodimlar tarkibidan bo’lgan shaxslar;
8.	harbiy xizmatdagi vazifalarini (xizmat vazifalarini) bajarish paytida yaralanish, kontuziya olish, mayiblanish va kasallanish natijasida nogiron bo’lib qolgan harbiy xizmatchilar, ichki ishlar organlari va milliy xavfsizlik xizmatining boshliqlar va oddiy xodimlar tarkibidan bo’lgan shaxslar;
9.	o’quv mashg’ulotlari yoki tekshirish uchun yig’inlarga chaqirilgan va shu yig’inlarda o’z xizmat burchlarini bajarayotib yaralanish, kontuziya olish, mayiblanish va kasallanish natijasida nogiron bo’lib qolgan harbiy majburiyatli shaxslar.