O'zbekiston respublikasi

Ta’limda izchillikka rioya qilib o‘qitish lozim, toki bugun urganilgan bilimlar kecha urganilganlarni mustaxkamlasin, ertaga urganiladiganlarga zamin xozirlasin.

Ta’limning tizimli bo‘lishi uning izchil bo‘lishi bilan bog‘liqdir. Izchillikka asoslangan ta’limning xarakterli belgisi shundaki, u o‘quvchilarning oldindan o‘zlashtirgan bilim va malakalari zaminida yangi bilim, kunikma va malakalar xosil qiladi.

Tizimlilik va izchillik o‘quvchilarda xar qaysi o‘quv fanlarining bir-biri bilan o‘zviy bog‘liq bo‘lishini kursatishda ham muhim ahamiyatga ega.

Tizimlilik va izchillik qoidalari o‘zaro bog‘liq bo‘lgan aloxida o‘quv fanlarini hamda kundalik o‘quv materiallarini mantiqiy jihatdan bir-biriga mustahkam bog‘liq holda va muayyan bir tartibda o‘qitish hamda ta’lim jarayonida o‘quvchilarni tizimli ilmiy bilim, ko‘nikma va malakalarni o‘zlashtirib olishlarini ta’minlaydi.