O'zbekiston respublikasi

3-Mavzu: Milliy g‘oya fani ta’limini didaktik asoslari

Reja:

1. 
   Milliy g‘oya fani darsiga qo‘yiladigan didaktik talablar: ongli ta’lim, ilmiylik, ko‘rsatmalilik, o‘quvchilarni bilish imkoniyati va yosh psixologik xususiyatlari, uzviylik va uzliksizlik.
   
2. 
   Milliy g‘oyani zamon bilan bog‘lash. Ta’lim-tarbiya maqsadi va mazmuni.
   
3. 
   Didaktik jarayon.
   
4. 
   O‘quvchilarda shaklaniyotgan ma’lum sifat va xususiyatlarni baholash.
   

Milliy g‘oya fani mustaqillik yillarida shakllangan fan bo‘lib, o‘quvchi va talabalarga tushunarli, va aniq qilib etkazib berish uchun bir necha didaktik talablar qo‘yiladi. Masalan: ongli ta’lim, ilmiylik, ko‘rsatmalilik, o‘quvchilarni bilish imkoniyati va yosh psixologik xususiyatlari, uzviylik va uzliksizlik.

Ilmiylik ta’limning didaktik masalalarini belgilashda fanning abstraksiya pog‘onalaridan to‘g‘ri foydalanish hisobiga erishiladi. O‘qitish nazariyasi va o‘quv-tarbiyaviy ishlarni takomillashtirish texnikasini doimiy ravishda rivojlantirish shart. SHundagina zamonaviy ta’lim to‘g‘risida ijobiy fikrlar aytish mumkin bo‘ladi. Bu esa o‘z navbatida ta’lim-tarbiya jarayonini uzluksiz tadqiq qilishni, uning natijalarini amaliyotda qo‘llash zarurligini ko‘zda tutadi.

Zamonaviylik: Ta’lim amaliyotiga ilmiy asoslangan va tajribada tekshirilgan didaktikaga oid yangiliklar, faol metodlar va shaqllar, tartib-qoidalarni joriy etishning majburiyligi Milliy dastur g‘oyasidir. Aslida ham ta’limning taraqqiyot darajasi uning mazmuniga kiritilayotgan fan-texnika yangiliklari bilan tavsiflanadi.