O’zbеkistоn rеspublikаsi

fanninng anotatsiyasi

Yigirma yil ichida falsafaning mohiyati va dunyoqarashni yangicha tushunish ehtiyoji yuzaga keldi. «Falsafa tarixi» fani «Milliy g’oya, ma’naviyat asoslari va huquq ta’limi» bakalavr o’quv rejasidagi fani bo’lib, 120 soatga mo’ljallangan o’quv dasturi asosida tayyorlangan. «Falsafa tarixi» fani falsafiy dunyoqarashni kelib chiqishi va turli falsafiy ta’limotni hamda falsafani jamiyat hayotida tutgan o’rnini ilmiy jihatdan o’rganishga mo’ljallangan. Bu fan talabalarda, falsafiy dunyoqarashni shakllantirish, jamiyat, ijtimoiy taraqqiyot muammolarini to’g’ri anglash, jamiyat taraqqiyotida ro’y berayotgan tub o’zgarishlar mohiyatini xolisona idrok qilishga yordam beradi. Bu o’z navbatida bo’lajak mutaxassislarning pedagogik, ma’naviy-ma’rifiy faoliyati samaradorligiga ta’sir ko’rsatadi.

Biz ushbu majmuada ko‘rib chiqilgan falsafa tarixining har bir mavzusining ma’no-mazmunini yoritishga, ularning falsafaga, tarixga, ma’naviyatga doir bo‘lgan jihatlarini ham birmuncha ko‘rsatib berishga harakat qildik. Umuman olganda, majmuaga kiritilgan aksariyat mavzularning mazmuni va mohiyatini tushuntirishda, ilmiy-nazariy maqolalar, biz asosan Prezident Islom Karimovning asarlarida bayon etilgan g‘oyalarga asoslandik va shu bilan birga mamlakatimizning ko‘zga ko‘ringan olimlarining nuqtayi nazar va fikrlari, respublikamizda falsafa tarixi bo‘yicha chop etilgan qo‘llanma va darsliklarda ilgari surilgan yondoshuvlardan atroflicha foydalandik. Shuni ham alohida qayd etishimiz kerakki, ko‘rib chiqilgan deyarli barcha mavzularning mazmuni bo‘yicha o‘zimizning ilmiy-nazariy qarashlarimizni ham bildirishga harakat qildik. Ushbu fan falsafa tarixiga doir amaliy tavsiyalarimizni ham bayon etdik.