O`zbekiston respublikasi

KBXT FAOLIYATINI DAVLAT

 TOMONIDAN 

QO’LLAB-QUVVATLASH TAHLILI 



  Soliq imtiyozlari berish; 



  Soddalashtirilgan soliq 

tizimini joriy qilish; 



  Imtiyozli moliyalashtirish; 



  Sohaga investitsiyalarni jalb 

qilishni rag’batlantirish; 



  Bojxona imtiyozini taqdim 

etish va boshqalar. 

2. KBXT subyektlarini 

moliyaviy jihatdan qo’llab-

quvvatlash

 



 

KBXT subyeklarini tashkil 

etishni soddalashtirish 



 

Buxgalterlik hisobi va hisobotini 

soddalashtirish, topshirish muddatlari 

hamda soliq va statistika 

organlasriga tagdim qilish muddatini 

qisqartirish; 



 

Soliq turlarini qisqartirish; 



 

Soliq va boshqa tekshirishlarni 

qisqartirish; 

 

1. KBXT subyektlarini 

institutsional qo’llab-

quvvatlash 

---

46 

 

mulkdorlar  sinfining  shakllanish  manbai  sifatida  namoyon  bo`lishidadir.  Iqtisodiy 

funksiya tadbirkorlikni keng quloch yoydirish bilan bog`liq bo`lib, raqobat muhitini 

shakllantirish,  bozorni  turli  tovarlar  va  xizmatlar  bilan  to`ldirish,  soliqqa  tortish 

bazasini  kengaytirishga  qaratilgan.  Ijtimoiy  funksiya  esa,  yangi  ish  joylari  tashkil 

qilish  orqali  bandlikni  ta`minlash,  aholining  daromadini  oshirish  yo`li  bilan  uning 

turmush darajasini ko`tarishni nazarda tutadi.   

Kichik  biznes  va  xususiy  tadbirkorlikni  barqaror  rivojlantirish  uchun  zarur 

bo`lgan  qulay  shart-sharoitlar  yaratish  –  jamiyatda  samarali  amal  qiladigan  bozor 

munosabatlarini  shakllantirish,  mulkdorlar  sinfini  qo`llab-quvvatlash  hamda 

fuqarolik  jamiyatining  yangi,  demokratik  institutlarini  qaror  toptirishning  muhim 

shartidir.  Bu  muhim  vazifa  hamda  uni  hal  qilishning  butun  murakkabligi  har  bir 

mamlakatning  o`ziga  xosligidan  kelib  chiqib,  kichik  biznes  va  xususiy 

tadbirkorlikni  qo`llab-quvvatlash  va  uni  rivojlantirishga  noan`anaviy,  nostandart 

yondoshishni  taqozo  qiladi.  Shubhasiz,  bunda,  ushbu  masalaning  g`oyat  muhim 

ahamiyat  kasb  etishini  jamiyatning  barcha  a`zolari  anglab  yetishlari,  uning  davlat 

tomonidan  har  tomonlama  qo`llab-quvvatlanishi,  iqtisodiyotning  davlat  va  xususiy 

sektorlari o`rtasida barqaror sheriklik munosabatlarini qaror toptirish zarur.   

Tadbirkorlik faoliyati davomida, bozor iqtisodiyotining nimani, qanday, kim 

uchun  ishlab  chiqarish  kerak  degan  muhim  masalalari  o`z  yechimini  topadi. 

Iqtisodiy erkinlik (mustaqillik), to`liq moddiy javobgarlik, maksimal darajada foyda 

olishga qaratilgan tijorat faoliyati tadbirkorlikning eng muhim iqtisodiy tamoyillari 

hisoblanadi. Tadbirkorlikning  ikkita  muhim  turi  –  savdo-sotiqqa  asoslangan, 

narxlardagi  farqlar  hisobidan  foyda  olishni  nazarda  tutadigan  hamda  aniq 

iste`molchining  ehtiyojlariga  mos  holda  mahsulot  ishlab  chiqarish  va  sotishga 

asoslangan  faoliyatni  ajratib  ko`rsatish  mumkin.  Bozor  iqtisodiyoti  sharoitida 

mulkchilikning  barcha  shakli  –  davlat,  xususiy  (rivojlanishda  ustunlikka  ega), 

jamoa, shaxsiy hamda aralash shakllari teng huquqli tarzda taraqqiy etadi.    

O`zbekistonda  amalga  oshirilayotgan  iqtisodiy  islohotlarning  hozirgi 

bosqichi  kichik  biznes  va  xususiy  tadbirkorlikni  rivojlantirish,  unga  keng  iqtisodiy 

erkinlik  berish  bilan  tavsiflanadi.  Shu  jihatdan,  hozirgi  kunda  respublikamizda 

---

47 

 

kichik  biznes  va  xususiy  tadbirkorlik  faoliyatini  rivojlantirishga  alohida  e`tibor 

berilmoqda.  Chunki,  kichik  biznes  va  xususiy  tadbirkorlik  sohasini  rivojlantirish 

masalasiga davlatimiz iqtisodiy siyosatining strategik vazifasi sifatida qaralmoqda. 

Kichik  biznes  kapital  taqchilligi  sharoitida  ko`p  mablag`  talab  etmaydigan 

xo`jalik  faoliyati  sifatida  resurslar  aylanmasining  yuqori  sur`atlarini  ta`minlaydi, 

iqtisodiyotni  qayta  qurish,  iqtisodiy  nobarqarorlik  va  resurslar  cheklanganligi 

sharoitida iste`mol bozorini shakllantirish va uni to`ldirish muammosini tez hamda 

tejamli  tarzda  hal  etadi.  Kichik  korxonalar  iste`mol  talabining  o`zgarishiga  darhol 

moslashadi va shu yo`l bilan iste`mol bozoridagi zaruriy muvozanatni ta`minlaydi.  

Hozirgi  paytda  ushbu  soha  nafaqat  iqtisodiyotning  o`sish  sur`atlarini 

jadallashtirishda,  balki  mamlakatimiz  uchun  nihoyatda  muhim  bo`lgan  bandlik  va 

aholi daromadlarini oshirish masalalarini hal etishda ham yetakchi o`rin tutmoqda.  

Mamlakatimizda  iqtisodiy  islohotlarning  asosiy  maqsadi  iqtisodiy  o`sishga 

erishish, aholining turmush darajasini yuksaltirish, O`zbekistonning jahon iqtisodiy 

hamjamiyatida  munosib  o`rin  egallashidan  iborat.  Bozor  iqtisodiyoti  tizimida 

bunday  masalalar  tadbirkorlik  faoliyatini  tashkil  etish  va  shart-sharoitini  yaratish 

natijasida  amalga  oshirilishi  ayon.  Ayni  shu  maqsadda,  O`zbekistonda  amalga 

oshirilayotgan  iqtisodiy  islohotlarning  hozirgi  bosqichi  kichik  biznes  va  xususiy 

tadbirkorlikni rivojlantirish, unga keng iqtisodiy  erkinlik berish bilan tavsiflanadi. 

Kichik biznes va xususiy tadbirkorlikni rivojlantirish O`zbekistonda amalga 

oshirilayotgan  iqtisodiy  islohotlarning  eng  muhim  ustuvor  yo`nalishlaridan  biridir. 

O`tgan  qisqa  davr  mobaynida  mamlakatimizda  kichik  biznes  va  xususiy 

tadbirkorlikni rivojlantirishda keng ko`lamli ishlar amalga oshirildi.  

Natijada  tadbirkorlik  faoliyati  mamlakat  YaIM  hajmining  o`sishida,  shu 

jumladan  fuqarolarimizni  ish  bilan  ta`minlash  borasida  katta  o`rin  egalladi.  Kichik 

biznes va xususiy tadbirkorlikning  YaIMdagi ulushi 2001-yildagi 31% dan,  2016-

yilga  kelib  56,9%  ga  yetdi.  Shu  bilan  bir  qatorda  iqtisodiyotda  band  bo`lgan 

aholining  qariyb  78%  aynan  Shu  sohada  band  bo`lishi  uning  mamlakat  ijtimoiy-

iqtisodiy hayotida qanchalik muhim ahamiyat kasb etishidan dalolat beradi.  

---

48 

 

Tadbirkorlik  sohasida  amalga  oshirilayotgan  islohotlar  Jahon  banki,  Osiyo 

taraqqiyot  banki,  Xalqaro  moliya  Korporatsiyasi,  BMT  Taraqqiyot  Dasturi  kabi 

yetakchi  xalqaro  tashkilotlar,  shuningdek,  chet  el  hukumatlari  tomonidan  keng 

e`tirof etilmoqda. 

Xususan,  2016  yilning  27-oktyabrida  Jahon  banki  va  Xalqaro  moliya 

Korporatsiyasi  tomonidan  e`lon  qilingan  ―Biznesni  yuritish  2016:  tartibga  solish 

sifati  va  samaradorligini  baholash

26

‖  hisobotida  O`zbekiston  dunyoning  189 

mamlakati  orasida  87-o`rinni  egalladi,  bu  o`tgan  yilgi  hisobotdagi  141-o`ringa  

nisbatan  ancha  yuqori  ko`rsatkichdir.  Shu  o`rinda  respublikamiz  o`z  reytingini 

yaxshilash bo`yicha eng yaxshi ko`rsatkichga erishgan 5 ta mamlakat qatoriga kirdi.  

O`zbekiston  Respublikasining  Birinchi  Prezidenti  I.A.Karimov  tomonidan 

―Kichik  biznes  va  xususiy  tadbirkorlik  yili‖  bo`yicha  qabul  qilingan  Davlat 

dasturida  kichik  biznes  va  xususiy  tadbirkorlikni  rivojlantirishda  quyidagi  ustuvor 

yo`nalishlarga alohida e`tibor qaratish zarurligi ko`rsatib o`tiladi

27

: