O‟zbekiston respublikasi

Suyakli labirintning ichki yuzasi pishiq suyak usti pardasi bilan qoplangan, devori esa zich tolali suyak to‘qimasidan tuzilgan. Suyakli labirint ichida uni shaklini takrorlovchi pardali labirint joylashgan. Ikkita labirint orasidagi tor bo‘shliq ichidagi tinik suyuqlik perilimfa deyiladi. Suyakli labirint nog‘ora bo‘shlig‘i bilan ichki eshituv yo‘li orasida joylashgan bo‘lib, uch qismdan - suyak yarim xalqasimon kanallaridan, chiganoqdan va daxlizdan tashkil topgan. Suyakli daxliz - yarim xalqasimon kanallari bilan tutashgan ovalsimon bo‘shliq bo‘lib, lateral devorida - daxlizning darchasi, chiganoqni boshlanish joyida esa - chiganoqning darchasi joylashgan. Daxlizning medial devorida daxlizning suv yo‟li boshlanib, piramidani orqa yuzasida ochiladi.
Suyak yarim xalqasimon kanallar uchta: oldingi, orqa va lateral yarim xalqasimon kanallar farqlanadi. Suyak yarim xalqasimon kanallar bir biriga nisbatan uchta perpendikulyar bo‘lgan tekisliklarda joylashgan: oldingi yarim xalqasimon kanal - sagittal tekislikda, lateral yarim xalqasimon kanal - gorizontal tekislikda va orqadagi yarim xakasimon kanal - frontal tekislikda yetadi. Xar bitta suyak yarim xalqasimon kanalining oldingi va orqa oegi bo‘ladi. Xar bir oyoqcha daxlizga ochilishdan oldin noksimon kengayib, ampulani xosil qiladi. Oldingi va orqa kanallarning qo‘shni oyoqchalari qo‘shilib, umumiy suyakli oyoqchani xosil qiladi. SHuning uchun uchta kanal daxlizga beshta teshiklari bilan ochiladi.
Suyakli labirint quloq daxlizida sferik va ellipsimon chuqurliklar xosil qiladi. Eliptik chuko‘ralik 5- ta teshik orqali yarim aylana kanallar bilan birikadi. Sferik chuqurlik esa chiganoq kanali bilan tutashadi.
Suyakli chiganoq ko‘ndalang joylashgan uk - do‟q atrofida 2,5 aylanadan tuzilgan suyakli spiralsimon plastinka bo‘lib, plastinka teshiklaridan daxliz-chiganoq nervi chiganoq qismining tolalari o‘tadi. Chiganoqning keng qismi asos deyiladi va ichki eshitish yo‘lini berkitadi, toraygan yuqorigi qismi chiganoq kubbasi deyiladi va nog‘ora bo‘shlig‘i tomon qaratilgan. Suyakli plastinkaning asosida yotgan spiral kanali ichida spiral nerv tuguni joylashgan. Suyakli plastinka chiganoqli yo‘li bilan birgalikda chiganoq bo‘shlig‘ini ikkiga: daxlizga olib kiruvchi daxliz narvoni va chiganoq teshigi orqali nog‘ora bo‘shlig‘iga olib kiruvchi narvonga bo‘ladi. Ikkala daxliz va nog‘orali narvonlar bir biri bilan chiganoqning kubbasida joylashan teshik orqali tutashadi.