Оъзбекистон Республикаси

QIN ORQALI TEKSHIRISH (ICHKI)
Oraliq, chanoq tubi muskullari,uretra, qin daxlizi katta bezlari,qin devorlari va bachadon bo’yni qin qismining holatini aniqlashga imkon beradi.
Qinni tekshirish usullari;
-Ikki qo’llab tekshirish.
-Rektal va rekto-abdominal tekshirish.
-Rekto-vaginal tekshirish.


GINEKOLOGIYADA QO’SHIMCHA TEKSHIRISH USULLARI.
Kolkospiya-bachadon bo’yni qin qismini kolkoskop yordamida 10-30 baravar kattalashtirilgan holda ko’zdan kechirish.Bu rak oldi holatini aniqlashga bachadon bo’ynida rakni dastlabki darajalarida gumon qilishga,bachadon bo’ynidan nishonga olib turib biopsiya qilinadigan joyni tanlab olishga imkon beradi.Kolkoskopiyani o’tkazish uchun hamshira 2ta bankachada 3%li sirka kislotasi eritmasi va lyugol eritmasi tayyorlab qo’yish kerak.Bu kengaytirilgan kolkoskoskopiya uchun qo’llaniladi.
Bachadonga zond solish.Buning uchun bachadonning vaziyatini aniqlab bo’yni va devorlarida o’smalari yoki shikastlangan joylari bor yo’qligini bilish uchun sm larga bo’lingan maxsus metall zond ishlatiladi.Meditsina hamshirasi qoshiqsimon ko’zgular,tugmachali qisqichlar kornstang va bachadon zondi qin va bachadon bo’yni shilliq pardasini tozalash uchun paxta sharchalar bilan dezinfiksiyalovchi eritmalarni tayyorlab qo’yish kerak.
Qin orqa gumbazi orqali qorin bo’shlig’ini punktsiya qilish.
Qorin bo’shlig’idagi suyuqlik tabiatini (unda eksudat,yiring ,qon bor yo’qligini) bilish maqsadida bachadondan tashqari homiladorlik deb gumon qilinganida bajariladi.Buning uchun hamshira qoshiqsumon ko’zgu kornsang,tugmachali qisqich,teshigi keng o’tkir uzun igna va shu ignaga mo’ljallangan shpris,dezinfiksiyalovchi eritmalar,paxta sharchalar tayyorlashi kerak.
Biopsiya qilish-kesib olingan to’qimani gistologik tekshirishdan o’tkazish uchun foydalaniladi.Havfli o’sma deb gumon qilinganda,bachadon bo’yni qin hamda tashqi jinsiy a’zolar sohasidagi patologik o’zgargan joydan biopsiya olib ko’riladi.Kesib olingan to’qima bo’lagi 10% li formalin yoki spirtli bankaga solinadi,gistologik tekshirish uchun labaratoriyaga yuboriladi.Hamshira quyidagi steril asbonlarni tayyorlash kerak;qoshiqsimon ko’zgu,tugmachali qisqich,kornsang,xirurgik uzun pinsept,scalpel yoki konxotom, igna, igna tutgich,qaychilar,tikuv materiallari tamponada qilish uchun 8-10 sm steril bint,konxotom ishlatilsa elektroregulyatsiya qilinadi.