O‘zbeкiston respubliкasi

Ravishning tuzilishiga ko‘ra turlari. Ravish tuzilishiga ko‘ra sodda va murakkab turga bo‘linadi.
Sodda ravish bir o‘zakli bo‘ladi: bugun, indin, ertaga, ertalab.
Murakkab ravish o‘z o‘rnida uchga bo‘linadi: a) juft ravish; b) takroriy ravish; d) qo‘shma ravish.
Juft ravish ikki so‘zning juftlashishidan tashkil topadi: yana-tag‘in, eson-omon; ochin-to‘qin, oldinma-keyin, qishin-yozin; uzil-kesil, ura-sura, unda-bunda; ora-sira, ora-chora, ro‘y-rost, sal-pal, chala-chulpa, emin-erkin, oz-moz, huda-behuda; azza-bazza, apil-tapil, eran-qaran, o‘lda-jo‘lda.
Takroriy ravishda bir o‘zak takrorlanadi: galma-gal, zinhor-bazinhor, to‘g‘ridan-to‘g‘ri, es-es, o‘qtin-o‘qtin, ahyon-ahyonda.
Qo‘shma ravish birdan ortiq mustaqil so‘zning qo‘shilishidan hosil bo‘ladi: bir yo‘la, bir muncha, bir talay; bajonudil, baholiqudrat, baqadrihol; har yili, har yoq, har dam; shu zahoti, shu asnoda.