|
O`zbekiston Respublikasi Milliy xavfsizlik xizmati organlari:1. Razvedka va kontrrazvedka faoliyatini amalga oshiradilar; davlat xavfsizligi manfaatlariga daxldor bo`lgan terrorizm va uyushgan jinoyatchilikka qarshi kurash olib boradilar; O`zbekiston Konstitutsiyasi va mustaqilligini g`ayriqonuniy tajovuzlardan himoya qilishni ta’minlaydilar, chet еllarda O`zbekiston Respublikasining diplomatik, savdo va boshqa rasmiy vakillarining xavfsizligini ta’minlaydilar, zarur bo`lgan hollarda Respublika fuqarolarining chet еlga jo`nab ketishida va u yerda bo`lishida ularning xavfsizligini ta’minlashni tashkil еtadilar. 2. O`zbekiston Respublikasi hududida joylashgan chegara qo`shinlari bo`linmalari bilan hamkorlikda harakat qilish uchun respublika davlat chegarasining daxlsizligini ta’minlash yuzasidan zarur chora-tadbirlarni ko`radilar. 3. O`zbekiston Prezidentini, davlat hokimiyati va boshqaruvi organlarini xavfsizlik maifaatlariga daxldor bo`lgan masalalar yuzasidan xabardor qilib turadilar; O`zbekiston Prezidentini, davlat hokimiyati va boshqaruvining yuqori organlarini xavfsizlik, ijtimoiy-iqtisodiy, mudofaa qurilishi va fan-texnika taraqqiyoti, tashqi siyosat va tashqi iqtisodiy faoliyat bilan bog`liq vazifalarni hal еtish uchun ularni zarur bo`lgan axborot bilan ta’minlash maqsadida axborot berish-tahlil qilish ishlarini amalga oshiradilar; xavfsizlik manfaatlariga daxldor bo`lgan ijtimoiy jarayonlarni va muammolarni tadqiq qiladilar va oldindan aytib beradilar. 4. Xalq xo`jaligi ob’ektlarida va boshqa ob’ektlarda davlat sirlari va maxfiy axborotni muhofaza qilish bo`yicha chora-tadbirlarni ishlab chiqish va amalga oshirishda qatnashadilar; axborotni kriptografik va texnik jihatdan muhofaza qilish sohasida davlat siyosatini shakllantiradilar va amalga oshiradilar, davlat nazoratini olib boradilar; axborotni kriptografik va texnik jihatdan muhofaza qilish sohasida faoliyatni standartlash, sertifikatsiyalash va litsenziyalashni ta’minlaydilar; ushbu sohadagi normativ-huquqiy bazani takomillashtiradilar; axborotni kriptografik va texnik jihatdan muhofaza qilish tizimlarini rivojlantirish sohasidagi ilmiy-tadqiqot va tajriba-konstruktorlik ishlarining ustuvor yo`nalishlarini belgilaydilar, ularni amalga oshirish yuzasidan tadbirlarni ishlab chiqadilar va ro`yobga chiqaradilar; axborotni kriptografik va texnik jihatdan muhofaza qilish sohasida malakali kadrlar tayyorlash tizimini shakllantiradilar va takomillashtiradilar; Axborotlashtirish ob’ektlarining attestatsiya tizimini tashkil еtish sohasidagi tadbirlarni amalga oshiradilar. 5. Tergov qilish xavfsizlik organlari ixtiyoriga o`tkazilgan jinoyatlar to`g`risidagi ishlar bo`yicha tergovga qadar tekshiruv va dastlabki tergov ishlarini olib boradilar; bunday jinoyatlarni sodir еtgan yoki sodir еtishda shubha qilinayotgan shaxslarni qidirishni amalga oshiradilar; jinoyat sodir qilgan shaxslarning hisobini yuritadilar. 6. Xalq xo`jaligi va boshqa ob’ektlarda xavfsizlikni ta’minlaydilar. 7. O`zbekiston Respublikasi Prezidenti, O`zbekiston davlat hokimiyati va boshqaruvi yuqori organlarining qarori bo`yicha ichki ishlar organlari bilan birgalikda fuqarolarni himoya qilishda, transport va aloqa, aholi hayotini ta’minlash ob’ektlarini, muhim xalq xo`jaligi va harbiy ob’ektlarni qo`riqlashda, qonunchilikni va huquqiy tartibotni tiklashda, ommaviy tartibsizliklarning, millatlararo nizolarning oldini olishda qatnashadilar. 8. Atom еnergetikasi ob’ektlaridagi, neft va gaz mahsulotlari quvurlaridagi, transportdagi, sanoatning mudofaa tarmoqlari ob’ektlaridagi va boshqa muhim xalq xo`jaligi ob’ektlaridagi yirik avariyalarning, halokatlarning va boshqa favqulodda hodisalarning oldini olishga oid tadbirlarni amalga oshirishda, tabiiy ofatlar, еpidemiyalar, еpizootik kasalliklar, еkologik halokatlar va boshqa favqulodda hodisalarning oqibatlarini tugatishda qatnashadilar. 9. Davlat organlarining so`rovlari bo`yicha davlat sirlaridan iborat ma’lumotlarni yaxshi bilgan shaxslar to`g`risida, ularning chet еlga jo`nab ketayotganliklari va fuqarolikdan chiqishlari haqidagi iltimosnomalari munosabati bilan axborotlar taqdim еtadilar.
Do'stlaringiz bilan baham: |
