O’zbekiston Respublikasi Sog’liqni saqlash vazirligining 2019 yil "25"areldagi "107" sonli buyrug’ining2-ilovasi bilan fan dasturi ro’yxati tasdiqlangan

Umumiy qabul qilingan uch bosqichli temir terapiyasi sxemasi.

Bosqich	Terapiya maqsadi	Davomiyligi	Temirning o’rtacha sutkalik dozasi
1. Anemiyani to’xtatish	Gemoglobinning normal darajasini tiklash	1,5-2 oy	120-150 mg
2. To’yintirish terapiyasi	Organizmda temir zahirasini tiklash	3 oydan 5-6 oygacha	40-60 mg
3. Ushlab turuvchi terapiya	Temirning hamma zaxiralarini normal darajasini saqlash	Giperpolimen orada hayz to’xtagandan keyin 6-7 kun	40-60 mg

Hozirgi paytda ikki valentli temir tutuvchi preparatlar ko’p qo’llaniladi, chunki ular ichakda ancha yaxshi so’riladi. Ularning sutkalik dozasi katta odamlarda 100-300 mg ni tashkil etadi. Sutkalik doza terapiya bosqichiga bog’liq, tabletkalar, kapsulalar, tomchilar miqdori esa bitta tabletka yoki kapsula qancha elementar temir tutishi bilan aniqlanadi. Qisqa vaqt ta’sir qiluvchi preparatlar (gemostimulin, konferon, ferramid, ferrokalь, ferropleks, ferrotseron, fefol, fefolvit) asosan bir kunda 3 mahal ichiladi, uzoq ta’sirga ega bo’lgan preparatlar (sorbifer, durules, ferrogradument, ferrograd, tardiferon va boshqalar) – kuniga 1, ayrim hollarda 2 mahal, ularni ovqatdan 1 soat oldin yoki 2 soat keyin ichish maqulroq. Temirni askorbin kislotasi bilan birga ichish maqsadga muvofiq, chunki u 3 valentli temirni 2 valentliga o’tkazish orqali uning so’rilishini yaxshilaydi. Foliy kislotasi bilan birga ichish, shu kislota defitsiti parallel ravishda kechgan vaqtdagina maqsadga muvofiq (homilador ayollarda, enteropatiyalarda). Ularni chaynash, tetratsiklin qatoridagi antibiotiklar bilan birga ichish mumkin emas, chunki ular temirning so’rilishini yomonlashtiradi.

Temir yetishmovchilik anemiyasining kurs ferroterapiyasini doimo og’iz orqali yuboriladigan preparatlardan boshlash maqsadga muvofiq bo’ladi. Ular yetarli darajadagi dozada buyuriladi (sutkada 6 tabletkadan kam bo’lmasligi kerak). Ushlab turuvchi terapiya kichik dozalarda olib boriladi. Terapiyaga sutkasiga 100 mg dan 300 mg dozadagi antioksidantlar (vitamin Ye) qo’shish tavsiya qilinadi. Oqsil metabolizmini yaxshilash uchun qo’shimcha oqsil-sintetik terapiya, anabolik gormonlar, kaliy orotati, vitamin V₆ ni parenteral yuborish kerak.