O’zbekiston Respublikasi Sog’liqni saqlash vazirligining 2019 yil "25"areldagi "107" sonli buyrug’ining2-ilovasi bilan fan dasturi ro’yxati tasdiqlangan

b. CHala tug’ilganlar «kechki» anemiyasi (konstitutsional) hayotning 3-4 oylarida depoda neonatal temir zahirasining kamayib ketishi natijasida rivojlanadi. Klinik manzarasi yaqqol namoyon bo’lmaydi. Laborator tekshiruvlar temir yetishmovchiligini isbotlaydi.

Alimentar va alimentar-infektsion anemiya chaqaloqlarning hayotining 2-yarim yilligida kuzatiladi. Zahiralarda temirning kamayishi bilan bir qatorda uning rivojlanishida ovqatlashtirishning buzilishi (distrofiyaga olib keladi) ham muhim ahamiyatga ega. Infektsion kasalliklar, ayniqsa O’RVI va otitlar anemiyaning og’ir kechishiga olib keladi. Klinik va laborator tekshiruvlar uning temir yetishmovchiligi ustunligi bilan kechuvchi aralash tabiatli anemiya ekanligidan darak beradi.

g. Xloroz – bu kam uchrovchi, qizlarning jismoniy voyaga yetish davridagi kasallikdir. U endokrin disfunktsiya va rejim buzilishi fonida rivojlanadi. Kasallik holsizlik, charchoq, anoreksiya, bosh aylanishi, ba’zan hushidan ketish, yurak o’ynashi, epigastral sohada og’riq, ko’ngil aynishi, qusish, ich qotishi bilan namoyon bo’ladi. «Alebastrli», ba’zi hollarda yashil tusli terining rangparligi xarakterli. SHuning uchun temir yetishmovchilik anemiyasining tarixiy nomi – «xloroz». U Barendal tomonidan XVII asrda kiritilgan. Ba’zan teri sarg’imtir mum rangda bo’ladi. Kam holatlarda sarg’imtir tus faqat og’iz atrofida seziladi («xlorotiklarning sariq mo’ylovi» - Reno De Nyussi simptomi). Yonoq qizarishi ko’pincha kuzatilmaydi.

Normada va temir yetishmovchilik anemiyasida bolalardagi temir almashinuvi va qizil qon tanachalarining asosiy ko’rsatmalari.