Oʼzbekiston Respublikasi Sogʼliqni Saqlash Vazirligi

Annotatsiya
Ushbu o’quv qo’llamada qonuniy hujjatlarni amalga oshirishda bolalar va o’smirlar gigiyenasining vazifalari bolalar va o’smirlarning o’sishi jismoniy rivojlanishi uning qonuniyatlari, bolalar va o’smirlarning jismoniy rivojlanishida ijtimoiy gigiyenik omillarining ta’siri atroflicha izohlangan. Shuningdek maktabgacha yoshdagi maktab yoshdagi bolalarning kun tartibi ularni tarbiyalash, o’qitishning gigiyenik asoslari yosh avlodning o’sishi va rivojlanishida fiskultura va sportning ahamiyati keng asoslangan.Bolalar va o’smirlarning ovqatlantirilishini, sog’lomlashtirilishini, tashkil etish, ularni yozgi dam olish oromgohlarda sog’ligini tiklash, ishlab chiqarish va dam olish oromgohlarining gigiyenik asoslari kun tartibi atroflicha yoritilgan.Bolalar va o’smirlar muassasalariga qurilishiga yer tanlash, loyihalashtirish qurish va faoliyat ko’rsatishiga qo’yiladigan gigiyenik talablar, ushbu muassasalarda bolalar va o’smirlarga tibbiy xizmat ko’satish, bu borada tibbiy xodimlarning vazifalari, yuqumli va yuqumsiz kasalliklarni oldini olishdagi davolash proflaktik ishlarini tashkil etish belgilab berilgan.
Bolalar va o’smirlarni sog’lomlashtirish natijalarining samaradorligini baholash bolalar muassasalardagi jihozlar, bolalar kiyimlari va poyabzallariga qo’yiladigan gigenik talablar chuqur yoritilgan.
Hozirgi kunda o`zbek tilida o`quv materiallari yaratishga katta ahamiyat bermoqda. Mazkur “Bolalar va o`smirlar gigiyenasi” o`quv qo`llanma ham o`zbek tilida yozilgan bo`lib, uni tuzishda Markaziy Osiyo Respublikalaridagi tibbiyotning barcha ilmiy va amaliy yutuqlaridan foydalanildi. Avvalo o`quv qo`llanmada hozirgi zamon bolalar va o`smirlar gigiyenasining muammolariga tegishli ma`lumotlar yoritildi. Ushbu o`quv qo`llanma Respublikada tasdiqlangan o`quv dasturi va rejasiga asoslangan holda tuzilgan bo`lib, tibbiyot oliy bilimgohlarining tibbiy profilaktika, tibbiy biologiya, pediatriya va davolash fakultetlarining talabalari uchun mo`ljallangan. O`quv qo`llanma bo`lajak shifokorlarning bolalar va o`smirlarning sog`ligini muhofaza qilish, ularning jismoniy va garmonik rivojlanishini ta`minlash bo`yicha bilimlarni puxta egallashga zamin yaratadi. Keyingi yillarda bolalar va o`smirlar gigiyenasi faninig me`yoriy hujjatlari yangilandi.
O`quv qo`llanma mazmuni va bunda izohlangan ma`lumotlar bilan oldingi yillarda bu borada mavjud bo`lgan ilmiy axborotlardan batamom farq qiladi.
Bolalar va o’smirlar gigiyenasi o`quv qo`llanma IV blok faniga kiradi, ta’lim sohasi “Sog’liqni saqlash va ijtimoiy ta’minot” – 500000, ta’lim yo’nalishi “Tibbiy profilaktika ishi” - 5510300. O’quv qo’llama O’zbekiston Respublikasi Oliy va o’rta maxsus ta’lim hamda Sog’liqni saqlash vazirliklari tomonidan tahrirlangan mutaxasislarni tayyorlash Davlat standarti, fan bo’yicha o’quv dasturiga asoslangan holda yozilgan bo’lib, tibbiy-profilaktika yo`nalishi jamoat salomatligi texnikumlari talabalari uchun mo’ljallangan o’quv qo’llanma sanitariya- epideomiologiya nazorati osoyishtaligi va jamoat salomatligi boshqarmalari, maktabgacha ta’lim va xalq ta’limi vazirligi tasarrufidagi muassasalar ham foydalanishlari mumkin.
Buxoro davlat tibbiyot instituti Umumiy gigiyena va ekologiya kafedrasi mudiri, t.f.n., dotsent Qosimov Xayriddin Olimovich
Toshkent tibbiyot akademiyasi Urganch filiali Gigiyena kafedrasi mudiri t.f.n., dotsent Yusupova Orzigul tomonidan ijobiy taqriz berilgan.