O‘zbekiston respublikasi sog‘liqni saqlash vazirligi

Emulsiya tipidagi linimentlarni tayyorlash. Emulsiya tipidagi linimentlar geterogen sistema bo‘lib, suvning yog‘dagi yoki yog‘ning suvdagi emulsiya tiplari ko‘rinishida bo‘ladi. Bu tipdagi linimentlarning turg‘unligini oshirish uchun ularga emulgatorlar (sirt faol moddalar) qo‘shiladi. Emulsiya tipidagi linimentlarga ammiakli yoki uchuvchan liniment (Linimentum ammoniatum seu Linimentum volatile) va oxakli liniment (Linimentum calcis) ni misol qilib keltirishimiz mumkin.

DF IX bo‘yicha tarkib:

Rp: Solutio Ammonii caustici 25,0 Acidi oleinici 1,0




⁶⁰ I.I. Krasnyuk, G.V. Mixaylova, L. I. Muradova Farmatsevtichesaya texnologiya texnologiya lekarstvennix form.-«GEOTAR-Media».- Moskva.-2011. (422 bet)

Olei Helianthi 74,0 M.DS.

Dorixatni tayyorlash uchun quruq idishga 74,0 g kungabokar moyidan va 1,0 g olein kislotasidan tortib olib to kislota erib ketguncha yaxshilab aralashtiriladi. Ustiga novshadil eritmasidan 25 ml quyib bir xil ok rangli suyuqlik hosil bo‘lguncha yaxshilab aralashtiriladi. Hosil bo‘lgan emulsiya tipidagi linimentda emulgator rolini olein kislotasining ammoniyli tuzi — oleat ammoniy utaydi.

C₁₇H₃₃COOH + NH₃ = C₁₇H₃COONH₄

Uchuvchan liniment bir xil ok-sargish rangli quyuq suyuqlik bo‘lib, kuchli ammiak hidiga ega. Saqlash davrida ammiakning uchishi hisobiga, uning miqdori kamayishini hisobga olgan holda bu liniment keragida tayyorlanadi.