O‘zbekiston Respublikasi Sog‘liqni saqlash vazirligi Toshkent farmasevtika instituti

Auditorlik tashkilotining majburiyatlari
Auditorlik tashkiloti faqat auditorlik faoliyati bilan shug‘ullanishi mumkin va u quyidagi majburiyatlarga ega:

• 
  auditorlik faoliyatini amalga oshirishda qonunlar va boshqa qonunchilik hujjatlari talablariga rioya qilish;
  
• 
  auditorlik tekshiruvini o‘tkazish uchun shartnomani tuzishdan oldin buyurtmachining talabi bo‘yicha auditorlik faoliyatini amalga oshirish yuzasidan tegishli litsenziyani, auditorning (auditorlarning) malakaviy sertfikatini taqdim etish;
  
• 
  xo‘jalik yurituvchi sub’ektning so‘rovi bo‘yicha auditorlik tekshiruvi bo‘yicha qonunchilikning talablari, auditorning e’tirozlariga asos bo‘lgan qonunchilik hujjatlarining me’yorlari haqida axborot taqdim etish;
  
• 
  auditorlik tekshiruvini o‘tkazish vaqtida olingan ma’lumotlarning maxfiyligini saqlash;
  
• 
  auditorlik hisobotida moliyaviy-xo‘jalik muomalalarida qonunchilikni buzish xolatlarini aks ettirish va ularni bartaraf etish bo‘yicha takliflar berish;
  
• 
  xo‘jalik yurituvchi sub’ektga uning mansabdor shaxslari va boshqa xodimlari tomonidan zarar yetkazilganligi haqida yaqqol dalolat beruvchi holatlar aniqlanganda, bu haqda xo‘jalik yurituvchi sub’ektning rahbariyatiga (mulkdorga) ma’lum qilish va auditorlik hisobotiga tegishli yozuvni kiritish. Zarur hollarda, auditorlik tekshiruvi natijalarini ma’lum qilish uchun qonunchilik bilan o‘rnatilgan tartibda ishtirokchilarning (aksiyadorlarning) umumiy yig‘ilishi chaqirilishini talab qilish. Auditorlik tashkiloti qonunchilikka muvofiq boshqa majburiyatlarga ham ega bo‘lishi mumkin.
  

Auditorlik tashkilotining javobgarligi
Auditorlik tashkilotlari auditorlik tekshiruvini buyurtmachilari, xo‘jalik yurituvchi sub’ekt va boshqa moliyaviy hisobotdan foydalanuvchilar oldida xo‘jalik yurituvchi sub’ektning moliyaviy hisoboti va boshqa moliyaviy axborotlari haqida auditorlik xulosasini noto‘g‘ri tuzishi oqibatida yetkazilgan zarar uchun javobgarlik olib boradi.
Xo‘jalik yurituvchi sub’ektga va (yoki) auditorlik tekshiruvining buyurtmachisiga auditorlik tekshiruvini sifatsiz o‘tkazilishi yoki tegishlicha o‘tkazilmaganligi oqibatida yetkazidgan zarar, olinmay qolgan foydani ham qo‘shib, qonunchilk bilan belgilangan tartibda qoplanishi lozim.