O’zbekiston Respublikasi Sog’liqni Saqlash Vazirligi Toshkent Davlat Farmatsevtika instituti

Хужжат индекси. Хужжат бланкасида сананинг ёнида жўнатиладиган хужжат рақами, ёки ички хужжатлар (баённома, буйруқ) тартиб рақами, яъни индекси учун жой ажратилган. Баённомалар ва буйруқларнинг тартиб рақамлари январдан декабргача бўлган тартибда олиб борилади. Жўнатма хужжатлар, асосан хатлар учун индекс бир нечта қисмдан таркиб топади:
хужжатни тузган тузилмавий бўлинманинг индекси;
жўнатилаётган хужжатнинг нусхаси тикиладиган йиғма жилднинг рўйхат
(номенклатура) бўйича рақами;
қайд этишда қўйилган тартиб рақами. Масалан: 03-08/116,
Бу ерда: 03- тузилмавий бўлинманинг индекси;
08 – йиғма жилднинг номенклатура бўйича рақами; 116 – хужжатни қайд этиш тартиб рақами.


Хужжатнинг келишилганлиги – тузилган хужжат лойихасининг, унинг мақсадга мувофиқлиги ва ўз вақтида тузилганлигини дастлабки баҳолашдир. Келишилганлик ҳам ташкилотнинг ичида ҳам ташкилотдан ташқарида ўтказилиши мумкин. Ички келишиш виза билан расмийлаштирилади, у
мансабдор шахснинг имзоси ва санадан таркиб топади. Визалар хужжатнинг чап қисмида ёки имзодан пастроқда жойлаштирилади. Хужжатнинг ташқи келишилганлиги маълумотнома, келишиш баённомаси ёки кўпинча “Келишилди” грифи билан расмийлаштирилади, ундан кейин хужжатнинг келишувини ўтказган мансабдор шахснинг номи кўрсатилади.
Хужжатларнинг тасдиғи – хужжатларни юридик кучга киритиш ҳамда хужжатларнинг мазмуни учун ташкилотнинг ва мансабдор шахснинг жавобгарлигини ифодалаш иборат. Хужжатлар тасдиғининг асосий усуллари – имзо, тасдиқлаш устхати, мухр қўйиш.
Имзо – хужжатни имзолаган шахс лавозимининг номи, унинг шахсий имзоси ва фамилияси, исми-шарифидан таркиб топган мажбурий реквизит. Одатда хужжатнинг биринчи нусхаси имзоланади. Юқори ташкилотларга йўналтириладиган хужжатлар, барча фармойиш хужжатлар ва ички хужжатларнинг энг муҳимлари ташкилотнинг руҳбарлари ва уларнинг ўринбосарлари томонидан имзоланади. Тузилмавий бўлинмаларнинг раҳбарлари хужжатларни ўз ваколатлари доирасида имзолайдилар. Ахборот, маълумотномавий ёки таҳлилий хусусиятга эга бўлган билдириш хатлари, маълумотномалар ва бошқа хужжатлар, агар ҳал қилинаётган масалалар ваколатлари доирасидан чиқмаса, ижрочи томонидан имзоланиши мумкин. Хужжатнинг мазмуни учун бир нечта шахс жавобгар бўлган ҳолларда икки ёки бир нечта имзо қўйилади (молиявий ҳужжатлар, далолатномалар ва бошқалар).