O’zbekiston respublikasi sog’liqni saqlash vazirligi tibbiy ta’limni rivojlantirish markazi toshkent pediatriya tibbiyot instituti

Readaptatsiya dasturini amalga oshirish tamoyillari. 
- Reabilitatsiyaga ko’rsatmani ketma-ketligi. 
- Bemorni ko’ruv usuli, klinik ko’ruv, psixologik va ijtimoiy tekshirib hozirgi ahvolini 
belgilash. Reabilitatsiyani maqsad va vazifalarini belgilash, reabilitatsiya rejasini 
tuzish, uning samaradorligini va korrektsiyasini tekshirib turish. 
- Reabilitatsiyani rejalashtirilgan maqsadlariga erishish, reabilitatsion jamoani tuzish. 
- Komplekslilik (reabilitatsiya jarayonida davo va davo profilaktik masalalardagi 
muammolar echiladi, bemorning ishga yaroqliligi, uning ish bilan ta’minlanishi, 
mehnatga o’qitish va qayta malakasini oshirish, bemorni oila a’zolari va ijtimoiy 
hayot orasidagi munosabati masalalari ko’rib chiqiladi.) 
- Uzluksizlik (tiklovchi davo kasallik yoki shikastlanish boshlangandan to bemor 
ijtimoiy hayotga to’liq qaytguncha olib boriladi) 
Reabilitatsion dasturini aniqlash bosqichlari 
Reabilitatsion – ekspert diagnostikani o’tkazish. Bemor yoki nogironni to’liq 
tekshirish keyingi reabilitatsion dasturni qanday tuzish kerakligini aniqlovchi asos 
bo’ladi. Tekshirish quyidagilarni o’z ichiga oladi; shikoyatlar va anamnez yig’ish, 
klinik va instrumental tekshiruvlarni o’tkazish.
Bu tekshiruvlardan maqsad faqatgina a’zo va tizimlarni zararlanishini aniqlash 
emas balki, jismoniy nuqsonlar bemor hayot faoliyatiga uning funktsional 
imkoniyatlariga qanday ta’sir qilishini bilib olishdan ham iborat. 
- Reabilitatsion oqibatni aniqlash – bemor yo’qotgan funktsiyasini tiklashi yoki o’ziga 
hizmat qilish, ijtimoiy va professional vazifalarini bajarishi uchun reabilitatsion 
tadbirlar va texnik vositalarni tanlash. 
Reabilitatsion dastur turlari va o’tkazish sharoitlari. 
Statsionar dasturi
- Maxsus reabilitatsiya bo’limlarida amalga oshiriladi. Bu 
dastur tibbiyot hodimining doimiy qaroviga muxtoj bemorlarga o’tkaziladi.

---

7