O’zbekiston respublikasi sog’liqni saqlash vazirligi tibbiy ta’lim rivojlantirish markazi

Kvartalda bir marta
 stafilokokk tashuvchilarni aniqlash maqsadida tibbiy 
xodimlarni ko’rikdan o’tkaziladi. Xodimlar ish faoliyatini boshlashdan avval har 
kuni dush qabul qilishlari va vrach ko’rigidan (termometriya, turi va shilliq 
qavatlarini tekshirish) o’tishlari lozim. Tug’ruqxonada ishlovchi xodimlar shaxsiy 
sochiqlar, kiyim shkaflari bilan ta'minlanadilar. Sanitar kiyimlarini kuniga 
almashtirib turishlari, ichki infeksiya aniqlangan vaqtda 4 qavatli maskalarini har 4 
soatda almashtirib turishlari talab etiladi.  
Akusher kasalxonalar to'liq dezinfeksiya qilinishi maqsadida yilda bir marta 
yopiladi. Odatda tug’ruqxonalarda ayollarga territoriya prinsipi asosida xizmat 
ko'rsatiladi. Biroq murojaat qilib kelgan xomilador ayollarga birlamchi va 
shoshilinch tibbiy xizmat yashashi joylaridan qat'iy nazar ko'rsatilishi shart. 
Tug’ruqxonalarga xomilador ayollar (ko’rsatmalarga asosan), tug’uvchi 
ayollar  va tuqqan  ayollar tug’ruqdan so’ngi davrning boshidayoq (tug’ruqdan 
keyin  24 soat  ichida)   gospitalizasiya qilinishlari kerak.  Zamonaviy 
tug’ruqxonalarda fiziologik bo'limlarning 70% o’rinlari onalar va bolalarni birga 
bo'lishini ta'minlaydi.