O’zbekiston respublikasi sog’liqni saqlash vazirligi tibbiy ta’lim rivojlantirish markazi

Tug'ilish ko'rsatkichi aholining nafaqat muhim demografik, balki aholini 
vujudga kelishi va hayot kechirishining tibbiy-ijtimoiy tamoyili hamdir.    
Qonunga asosan, barcha bolalar tug'ilgan kundan boshlab bir oy ichida 
tug'ilgan joyi yoki ota-onasining yashash joyiga tegishli (ZAGS- FXDYo) 
bo'limida ro’yxatga olinishi shart. ZAGS bo'limida tug'ilganlarni 103/u hujjat 
"Tug'ilganlik haqida tibbiy guvohnoma"   asosida ro’yxatga olinadi. Tibbiy 
ma'lumotnoma onaga tug’ruq jarayoni bo'lib o’tgan  muassasa tomonidan 
tug’ruqxonadan chiqib ketish oldidan beriladi. 
Tug’ruqlar  uy sharoitida bo'lib o’tgan hollarda  guvohnoma tug’ruq qabul 
qilgan tibbiy xodimning ish joyidan beriladi. Bir ayol ikki va undan ortiq bola 
tug’sa, har bir bolaga alohida guvohnoma beriladi. Tug'ilganlik haqidagi 
guvohnomani shifokor, qishloq joylarda agar u bo'lmasa tug’ruqni qabul qilgan 
akusherka yoki fel'dsher berishi mumkin. Chaqaloqlar o'limi yuz bergan hollarda 
onaga tug’ruqxonadan chiqish vaqtida 2 ta ma'lumotnoma: 103/u - bola tug'ilganlik 
haqida va 106-2/u - perinatal o'lim to'g'risida tibbiy guvohnoma hujjatlari beriladi. 

---

36 
 
Bola tirik tug'ilganligi mezonlarini aniqlashda Jahon Sog'liqni Saqlash 
Assambleyasida tasdiqlagan  tushunchasi mavjud: 
 Tirik tug'ilganlik deganda homiladorlikni davomiyligidan qat'iy nazar ona 
organizmidan chiqib mustaqil nafas olishi, hayotning ilk belgilarining namoyon 
bo'lishi, ya'ni yurak urishi, kindikda puls paydo bo'lishi kabi jarayonlar tushuniladi.