O’zbekiston respublikasi qurilish vazirligi toshkent arxitektura qurilish instituti qurilishni boshqarish fakulteti

1.2-rasm. Obyekt joylashgan joyning Sputnikdan olingan sur’ati sxemasi

1.2. Obyektning chegaradosh hududlari.

Qurilish maydonini 4-5 qavatli turar-joy binolari urab olgan bo’lib, turar-joy binolari bilan qurilish maydoni orasidagi masofa joriy me’yorlarga mos ravishda bo’lib, hudud barcha tomonlardan mahalliy yo’laklar va ariqlar bilan chegaralanadi.

Janubiy tomondan turar-joy kompleksi bo’lib, binomizga quyosh tushishi va oraliq masofalar joriy normalar talablari bo’yicha saqlangan. Loyihada hududni shamollatish rejimiga alohida e’tibor berilgan bo’lib, janubiy-g’arbiy, shimoliy-g’arbiy, shimoliy-sharqiy va janubiy – sharqiy tomonlardan ochiq muhitlar mavjud.

1.3. Atrof-muhitni baholash.

Iqlim.
Toshkent shahri subtropik va sezilarsiz-kontinental iqlim zonasi chegarasida joylashgan. Yillik yog’in miqdori 440 mm ni tashkil etib, cho’l va yarim cho’l zonalariga nisbatan, tog’larning yaqinligi hisobiga bu miqdor ancha katta hisoblanadi. Sovuq kunlar davomiyligi uzoq emas, lekin ba’zida harorat -20°S dan ham pasayishi mumkin. Yoz oylarida havoning harorati soyada 40°S dan ham oshib ketishi mumkin.
Qish oylaridagi minimal harorat -29.5°S (20 dekabr, 1930 yil), yoz oylaridagi havoning maksimal harorati 44.6°S (18 iyul 1997 yil).
Chilla deb ataluvchi 40 kunlik shamolsiz yoz oylari Toshkent shahri madaniyatining ajralmas qismiga aylanib ketgan. Bahor va kuz fasllari erta boshlanadi. Bu holat yirik tashqi suv havzalarining yo’qligi bilan, yuqori harorat va sovuq birdaniga yuz berishi bilan bog’liqdir.

• 
  Yillik o’rtacha harorat — +14,8 C°
  
• 
  Yillik o’rtachashamolning tezligi — 1,4 m/s
  
• 
  Yillik o’rtacha havoning namligi — 56 %
  

1.4. Ekologik holat.

Toshkent shahrining deyarli yarmini ko’kalamzor hudular tashkil etib, har – bir kishiga o’rtacha 69 kv.m ko’kalamzor hududlar to’g’ri keladi. Ba’zida, ayniqsa yozning issiq kunlarida Toshkent shahrida noqulay ekologik vaziyat paydo bo’ladi. Shaharda tutunli (havoning ifloslanishidan) holat vujudga keladi, bu paytlarda maksimal ko’rish uzoqligi 1.5-3.0 kmgacha kamayadi. Bu paytlarda shahardan yaqqol ko’rinib turadigan Tyan-Shan tog’lari tizmalari ko’rinmasdan qoladi yoki xiralashib qoladi.

Biroq loyihalanayotgan obyektimiz Toshkent shahrining sharqiy chekka hududida bo’lib, sharqdan Qbray tumani bilan chegaradosh. Ekologik vaziya shahar markaziga nisbatan ancha yaxshi holatda.