O‘zbekiston respublikasi qishloq xo‘jalik vazirligi

Havoni isitish sektsiyasi havoni quritish uchun mo’ljallangan bo’lib, bunda havoning harorati va namligi o’zgaradi.
Tabiiy shamollatishda havo harakati printsipi issiqlik konvektsiyasi qonunlariga asoslangan. Bunda qizigan havo yuqoriga, sovuq havo esa pastga harakatlanadi, natijada tortish kuchi hosil bo’ladi.
Majburiy shamollatish tabiiy shamollatishdagi mavjud barcha kamchiliklarni bartaraf etadi, chunki bu holatda omborda havoning almashinishi uchun issiqlik konvektsiyasi o’rniga ventilyatorlardan foydalaniladi.
Faol shamollatish usulida havo butun uyum bo’ylab pastdan yuqoriga qarab yo’naltirilishi munosabati bilan saqlanayotgan mahsulot miqdorini oshirib, ombor hajmidan foydalanish koeffitsientini ko’paytiradi.
Muzxonalar — oziq – ovqat mahsulotlarini muz yordamida qisqa muddatli sovutish uchun keng qo’llaniladigan oddiy sovutish inshootlari hisoblanadi.
Ishlab chiqarish sovutgichlari — texnologik jarayonlarida foydalanish uchun mo’ljallangan bo’lib quyidagi vazifalarni bajaradi: sovutish, muzlatish va xom – ashyo va tashyor mahsulotlarni qisqa muddat saqlash.
Tayyorlov sovutgichlari mahsulot tayyorlovchi (meva, sabzavot, sut, go’sht, tuxum va h.k.) hududlarda tashkil etilib, vazifasi xom – ashyo va tayyor mahsulotga dastlabki termik ishlov berish va istehmolchiga jo’natilgunicha saqlash hisoblanadi.
Taqsimlovchi sovutgichlar ishlab chiqarish va tayyorlov sovutgichlaridan kelgan mavsumiy va kundalik oziq – ovqat mahsulotlarini saqlash uchun mo’ljallangan.
Savdo sovutgichlari mahsulotlarni realizatsiya qilish jarayonida uzoq bo’lmagan muddatda saqlash uchun ishlatiladi. Oziq – ovqat bazalarida sig’imi 100...300 tonna bo’lgan savdo sovutgichlari quriladi, savdo va umumiy ovqatlanish komplekslarida kichik sig’imli savdo sovutgichlari o’rnatiladi.
Transport sovutgichlari mahsulotlarni qisqa va uzoq masofalarga tashishda ularning sifatini saqlash uchun xizmat qiladi. Ularga avto va temir yo’l revrejiratorlari misol bo’la oladi.