O’zbekiston respublikasi qishloq xo’jaligi vazirligi

MUSTAQIL TA’LIM UCHUNTAVSIYALAR

O`zbekiston Respublikasi Oliy va o`rta maxsus ta’lim vazirligining “Talabalar mustaqil ishlarini tashkil etish” to`g`risidagi 2009 yil 14 avgustdagi 286-sonli buyrug`iga ko`ra oliy ta'lim muassasalari talabalarida muayyan o`quv ishlarini mustaqil ravishda bajarish, kerakli ma'lumotlarni izlab topish va tahlil qilishga o`rgatish hamda shu asosda mas'uliyatli eychimlar qabul qilish ko`nikmalarini shakllantirish va rivojlantirish, shuningdek, barcha bakalavriat ta'lim yo`nalishlari va magistratura mutaxassisliklari davlat ta'lim standartlarida ko`zda tutilgan talaba mustaqil ishi uchun belgilangan o`quv yuklamani to`liq bajarish va ilmiy-uslubiy jihatdan ta'minlash vazifasi amalga oshiriladi.

Talaba mustaqil ishini tashkil etishda ushbu fanning xususiyatlari, shuningdek, har bir talabaning akademik o`zlashtirish darajasi va qobiliyatini hisobga olgan holda quyidagi shakllardan amalga oshiriladi:

• 
  ayrim nazariy mavzularni o`quv adabiyotlari yordamida mustaqil o`zlashtirish;
  
• 
  berilgan mavzu bo`yicha axborot (referat) tayyorlash;
  
• 
  seminar va amaliy mashg`ulotlarga tayyorgarlik ko`rish;
  
• 
  nazariy bilimlarni amaliyotda qo`llash, dars ishlanmalarini tayyorlash;
  
• 
  nazariy bilimlar asosida chizmalar, diagrammalar tayyorlash;
  
• 
  amaliy mashg`ulotlarda interfaol usullardan foydalanish;
  
• 
  qonunni sharhlash;
  
• 
  huquq ijodkorligini amalga oshirishga o`rganish;
  
• 
  amaliyotdagi mavjud muammolarning echimini topish;
  
• 
  ilmiy maqola, anjumanlarga ma'ruza tezislarini tayyorlash;
  
• 
  kurs ishi (loyihasi)ni bajarish;
  
• 
  malakaviy bitiruv ishi va magistrlik dissertatsiyasini tayyorlash;
  

Huquqiy tahlil qilish (yuridik gazeta va jurnallarda chop etilgan maqolalarni huquqshunoslikning sohalariga tegishli ruknlariga ajratib olishni o`rganish; yuridik gazeta va jurnallarda chop etilgan maqolalarning mazmunini tushunish va ushbu maqola bo`yicha fikr-mulohaza bildira olishga erishish; ilmiy tilni tushunish va fikrning yozma ilmiy uslubiga o`z mulohazasini bildirish; muallif haqida ma'lumotga ega bo`lish; maqolada ko`tarilgan muammoning eychimi bo`yicha ham o`z fikrini bildirish va h.k.
Huquqiy tahlil jarayonida tanqidiy fikrlar ham bildirilishi mumkin.
Mustaqil ish muayyan fandan o`quv dasturida belgilangan hamda talaba tomonidan o`zlashtirilishi lozim bo`lgan bilim, ko`nikma va malakaning ma'lum bir qismi bo`lib, o`qituvchi maslahati va tavsiyalari asosida auditoriyada yoki auditoriyadan tashqarida bajariladi. Ushbu bo`limda talabalar mustaqil ishini bajarish yuzasidan kafedra tomonidan savol va topshiriqlar hamda ularni bajarish bo`yicha metodik tavsiyalar beriladi.
Talaba mustaqil ishni tayyorlashda muayyan fanning xususiyatlarini hisobga olgan xolda quyidagi shakllardan foydalanish tavsiya etiladi
1. Darslik va o’quv qo’llanmalarning boblari va mavzularini o’rganish. Bunday tashkiliy shakl, o’tilgan mavzular bo’yicha mustaqil bilim olishda konspekt usulidan foydalaniladi.

2. 
   Tarqatma materiallar bo’yicha ma`ruza qismini o’zlashtirish. Bunda o’qituvchi asosiy materialning bayon qilinishiga alohida ahamiyat berishi lozim bo’ladi. Tarqatma materiallar xajmi har bir ma`ruza uchun 5 — 6 sahifa bo’lishiga erishish kerak. Bunday ish natijalari reyting nazoratining muvofiq bosqichlarida tekshiriladi.
   
3. 
   Fanning boblari va ma`ruzalari ustida ishlash. Bu maxsus va ilmiy adabiyot (monografiya va maqolalar), refsratlar, bitiruv malakaviy ishlargsh bajarish chog’ida amalga oshiriladi. Uning natijalari ham reyting nazoratida aks etadi.
   
4. 
   Fanlar bo’yicha adabiyotlarni o’rganish va tahlil qilish, qo’shimcha adabiyotlar ustida ishlash hamda ularni o’rganish. Bu ish ham barcha semestrlarda amalga oshiriladi va reyting tizimida baholanadi.
   

5. 
   Talabalarning ilmiy-tadqiqot ishlarini bajarish bilan bog’liq holda fanning muayyan boblari va mavzularini chuqur o’rganish. Mustaqil ishning bu shakli barcha semestr talabalariga tavsiya etiladi.
   

Faol o’qitish metodidan foydalaniladigan o’quv mashg’ulotlari. Talabalr tomonidan ta`lim, fan va texnologiyalarning dolzarb muammolari bo’yicha tayyorlangan faol o’qitish metodlarini (munozara, aqlni charhlash, bumerang, klaster va b.) qo’llagan dars mashg’ulotlari nazarda tutiladi