O`zbekiston respublikasi qishloq va suv xo`jalik vazirligi

 

Respirator  kasalliklar.  Mo’ynali  hayvonlarning  yuqumsiz  respirator 

kasaliklari  barcha  turdagi  xo’jaliklarda  (qo’riqxona,  hayvonot  bog’i,  xonadonlar) 

kuzatilib  bu  kasaliklar  asosan  yosh  hayvonlarda  uchraydi.  Bu  holatni  yangi 

tug’ilgan  hayvonlarda  organizmning  haroratni  boshqarish  xususiyatining  to’liq 

takomilashmaganligi,  saqlash  sharoitlarining  talablar  darajasida  emasligi,  ona 

hayvonlarning  ortiqcha  bezovta  qilish  oqibatida  ularning  uyalarini  tashlab  ketishi 

sababli bolalarning sovuqda qolishi kabi omillar bilan izohlash mumkin. 

Respirator kasaliklar bilan yangi tug’ilgan hayvonlarga nisbatan 2-3 haftalik 

va undan katta yoshdagi yosh hayvonlar ko’proq kasallanadi. 

Bu  paytda  ularning  kasallanishiga  yosh  hayvonlarda  diareya  kuzatilishi 

sababli  ular  yotadigan  joylarda  namlikning  yuqori  bo’lishi  sabab  bo’ladi. 

Shamollashga  modda  almashinuvlarining  buzilishi,  ko’pchilik  tug’ma  kasalliklar 

(norkalarning junsiz tug’ilishi) sabab bo’lishi mumkin. 

Katta  yoshdagi  yirtqich  hayvonlar,  asosan  tulki  va  chiyabo’rilarda  nafas 

tizimining kasalliklari juda kam uchraydi. Qunduz, norka va sobol bu kasalliklarga 

chidamsiz bo’ladi.  

Nafas  tizimining  kasalliklari  yuqumsiz  va  yuqumli  kasalliklar  (travmalar, 

aspirasiya,  psevdomonoz,  tuberkulyoz,  pasterellyoz,  botulizm,  o’lat  va  b.) 

oqibatida ham kuzatiladi. Shuning uchun yangi tug’ilgan mo’ynali hayvonlarning 

respirator kasalliklarini oldini olish  uchun  ona hayvonlarni  bolalashga tayyorlash, 

inlar  va  yangi  tug’ilgan  bolalarni  ko’rikdan  o’tkazilib  turilishi,  katta  yoshdagi 

hayvonlarda birlamchi kasalliklar o’z vaqtida davolanishi lozim.