§ 12. TABIIY OFAT TURLARI VA ULARDAN HIMOYALANISH
Reja:
12.1. Tabiiy ofat turlari.
12.2. Tabiiy ofatlarning yuzaga keltiruvchi omillar va ularning oldini olish.
12.3. Tabiiy ofatlardan himoyalanish tadbirlari.
Tayanch iboralar: Favqulodda holat, geofizik, geologik, gidrogeologik omillar, zilzila,
Rixter shkalasi, yer ko’chishi, sel, toshqin, tuproq yemirilishi (eroziya), less qatlamlari, ekzogen
jarayonlar, glyatsial, turbulent va strukturali sellar,
Foydalanilgan adabiyotlar:
1. O’zbekiston Respublikasi «Aholini va hududlarni tabiiy hamda texnogen xususiyatli
favqulodda vaziyatlardan muhofaza qilish to’g’risida»gi Qonuni. Toshkent, 20 avgust 1999.
2. O’zbekiston Respublikasi «Fuqaro muhofazasi to’g’risida» ga Qonuni. 26 may 2002.
3. Akimov N.I., Ilin V.G. «Qishloq xo’jalik ishlab chiqarish ob’ektlarida grajdan mudofaasi».
Toshkent «Mehnat» 1989
12.1. Tabiiy ofat turlari
Vatanimiz hududlarida tabiiy ofatlarning turli ko’rinishda vujudga kelishi, hududlarning
tabiiy tuzilishi bilan bog’liqdir. Har bir tabiiy ofat sodir bo’lish joyi, sababi, ko’lami, u bilan
bog’liq
bo’lgan moddiy zarar va boshqa xususiyatlari bilan ajralib turadi.
Hozirgi vaqtning eng muhim vazifalaridan biri-tabiiy ofatlarni hosil bo’lishi va
PDF created with pdfFactory Pro trial version
www.pdffactory.com
rivojlanishini prognoz qilish, oldindan davlat organlari va aholini yaqinlashib kelayotgan
ofatdan
ogoh etishdan iboratdir.
Respublikamiz hududlarida uchraydigan tabiiy ofatlarning hosil bo’lishida geofizik,
geologik, gidrogeologik, atmosfera va boshqa omillar asosiy o’rinni egallaydi. Ular oqibatida
hayot
xavfsizligi buziladi, insonlar nobud bo’ladi, xalq xo’jaligi ob’ektlariga turli darajada moddiy
zarar
etkaziladi.
Geofizik omillar - yerning fizik xususiyati (magnit, elektr, gamma faollik, issiqlik va b.)
natijasida yuzaga keladigan turli noxush vaziyatlar majmuasini sodir etadi.
Geologik omillar - yerning paydo bo’lishi bilan bog’liq yechimlarini ta’minlab beradi.
Gidrogeologik omillar - yer ichki va yuzasidagi suvlar (gidrosfera) ta’sirida bevosita
yuzaga keladigan noxush vaziyatlar tushuniladi.
Atmosfera omillari - yerning atmosfera qatlamidagi o’zgarishlar (iqlim, ob - havo,
ifloslanish, ozon qatlami va b.) natijasida xavfli holatlar paydo bo’lishiga olib keladi.
Respublikamiz hududlarida har to’rttala guro’hga taalluqli xavfli halokat va jarayonlar
uchrab turadi.
Ulardan zilzila, ko’chki, o’pirilish, suv bosish va sellar ko’proq uchraydi. Keyingi vaqtlarda
olinayotgan ma’lumot va olib borilayotgan tadqiqot ishlari va kuzatuv natijasida yildan-yilga
cho’l
hududlarida tuproqning yemirilish kabi tabiiy ofatlar ortib borayotganligi kuzatilmoqda.
12.2. Tabiiy ofatlarni yuzaga keltiruvchi omillar
va ularning oldini olish
Zilzila - tabiatda sodir bo’ladigan eng xavfli hodisalarning biri bo’lib yuzaga keladigan
iqtisodiy zarar va insonlar halokati bo’yicha tabiiy ofatlarning ichida birinchi o’rinni egallaydi.
Zilzilani qayd qilish bundan to’rt ming yil avval boshlangan bo’lib, shu vaqt mobaynida 671
ta halokatli zilzilalar qayd qilingan. Shulardan 82 tasi XX asrga to’g’ri keladi. Zilzilalarning
davriyligiga e’tibor beradigan bo’lsak bir yilda 8 balli (Rixter shkalasi bo’yicha) zilzila bitta; 7
dan
7,9 balli - 18 ta; 6 dan 6,9 balli - 120 ta bo’lishi kuzatilgan. Nisbatan kuchsiz bo’lgan zilzilalar
168
ko’proq uchraydi, ya’ni 3 - 4 balli zilzila bir yilda 49 mingtagacha bo’lishi aniqlangan.
XX asrning oxirlaridagi yirik zilzilalardan Iroqdagi (1990y.) - 50 ming kishi; Turkiyadagi
(1999y.) 45 mingdan ortiq odam shikastlanganligining o’zi tabiiy ofatlar ichida eng kam
tarqalgan
zilzila nechog’li katta kuchga ega ekanligidan dalolat beradi.
Zilzilaning hosil bo’lish sabablari turlicha bo’lib, hozirgi vaqtda mukammal o’rganilgan
bo’lishiga qaramay, zamonaviy ilm-fan taraqqiyoti qachon, qayerda, qanday kuchlanishda yer
silkinishi bo’ladi degan savolga hamon to’liq javob berolmayapti. Ilmiy ma’lumotlarga
asoslanadigan bo’lsak, seysmik faollik kuzatiladigan joylarda zilzilalar ma’lum qonuniyat
asosida
bo’lib, o’z davriyligiga ega ekanligiga amin bo’lamiz. Masalan, respublikamiz hududida
Burchmulla- 1959 yil, , Gazli -1976 yil, Nazarbek -1986 yil, v.b. Ayniqsa Toshkent zilzilasining
dahshati hali ko’pchilik aholining yodidan ko’tarilgani yo’q.
1966 yil 26 aprelda Toshkentda sodir bo’lgan zilzila natijasida shaharni bir necha daqiqada
chang-to’zon bosib, ko’pgina xalq xo’jaligi ob’ektlari, turar-joy maskanlari vayronaga aylandi.
O’sha vaqtdagi aniq asboblar, tabiiy ofatning kuchini Rixter shkalasi bo’yicha 8 ball,
magnitudasi
5,3, zilzila o’chog’i yer yuzasidan 8000 metr chuqurlikda ekanligini ko’rsatdi.
Zilzilalarni o’rganish bilan shug’ullangan olim, akademik B.Golisin "Zilzilalar yer bag’rini
bir lahza yorituvchi chiroqqa o’xshaydi", deb ta’kidlagan.
PDF created with pdfFactory Pro trial version
www.pdffactory.com
Zilzila kuchini tavsiflovchi tushunchalar (aniqlash shkalasi ballarda)
I. Sezilmaydigan zilzilalar.
II. Zo’rg’a seziluvchi zilzilalar.
III. Yerning kuchsiz tebranishi.
IV. Sezilarli tebranish.
V. O’yg’onib ketish.
VI. Qo’rquv bosish.
VII. Binolar shikastlanadi.
VIII. Binolariing kuchli shikastlanishi.
IX. Binolarning batamom shikastlanishi.
X. Inshootlarning batamom buzilishi.
XI. Talafot. Puxta qurilgan inshootlar: ko’priklar, uylar, to’g’onlar, temir yo’llar
jiddiy shikastlanadi.
XII. Yer relyefining o’zgarishi. Barcha yer usti va osti inshootlari to’liq
shikastlanadi. Yoriqlar paydo bo’lib relyef butkul o’zgaradi.
12 balli shkala mutloq shkala bo’lmasdan keyingi izlanishlar davomida takomillashtirilib
borilmoqda.
Rixter shkalasi nima? Bu seysmik energiyaning o’lchov birligiga asoslangan shkala bo’lib,
zilzila giposentrida seysmik to’lqin sifatida nurlangan energiyani o’lchaydi. O’lchov birligi qilib
magnituda qabul qilingan. Zilzila kuchlanishi 12 balli bo’lib o’zining energiyasi va kuchi tufayli
yer
yuzasi bo’yicha har xil kuchlanishda (ballda) tarqaladi. Har ikkala shkalani o’zaro solishtitirib
ko’radigan bo’lsak, quyidagi jadval ko’rinishidagi munosabatga ega bo’lamiz: Magnituda arab
raqami bilan, kuchlanish esa rim raqamlari bilan belgilanishi xalqaro miqyosda qabul qilingan.
Respublikamizda sodir bo’ladigan zilzilalarni aniqlashda MSK- 64 shkalasidan foydalaniladi.
Zilzila shkalalarini solishtirish
Rixter shkalasi bo’yicha
magnituda
4,0-4,9
5,0-5,9
6,0-6,9
7,0-7,9
8,0-8,9
MSK-64 shkala
IV-V V I-VI I UI I I- I X IX - X X I- X I I
Aholi o’rtasida zilzila to’g’risida qisman ma’lumotga ega bo’lishni ta’minlasada, lekin eng
muhimi zilziladan qanday saqlanish kerak yoki muhofazalanishning qanday chora - tadbirlari
mavjudligi, har bir fuqaro uchun juda muhim va bilishi zarur bo’lgan ma’lumotlar qatoriga
kiradi.
169
O’zbekiston shaharlarining seysmik faolligi (ballarda)
Andijon .......................9 Angren ...........................8
Gazli. .......... ................ 8 Bekobod .........................7
Guliston.... ............... ..7 Jizzax... ............... ........7
Kattaqo’rg’on .................7 Kitob... .................... ......7
Samarqand............ ........8 Sirdaryo.... .................... .7
Toshkent........... ......... . .8 Termiz. ....................... ...7
Uchqo’rg’on..... ................. 9 Urganch ...........................7
Farg’ona ....................... .8 Namangan ......................8
Nukus......... ......... ..........6 Yangiyo’l... ................... ...7
Qarshi... ........................ 7 Qo’ng’irot... .................... 5
Yer ko’chishi – surilma. Respublikamizning tog’li, tog’ oldi, daryo bo’ylari hududlarida
PDF created with pdfFactory Pro trial version
www.pdffactory.com
yashaydigan aholi va xalq xo’jaligi ob’ektlariga katta xavf tabiiy ofatlardan biri yer ko’chishi -
surilmadir.
Turli ilmiy va ilmiy - ommabop adabiyotlarda yer ko’chishi alohida yer yuzasida sodir
bo’ladigan jarayonlar toifasiga kirsada, lekin ular yer ichki harakatlari, xususan zilzilalar bilan
uzviy bog’liq holda rivojlanadi.
Dunyo bo’yicha sodir bo’layotgan yirik ko’chkilarni tahlil qilib, sababini o’rganar ekanmiz,
ularning aksariyat qismi zilziladan so’ng yoki zilzila bilan parallel hosil bo’lishiga amin
bo’lamiz.
Respublikamiz hududlarida sodir bo’layotgan yer ko’chkilarining asosiy sababi
gidrometeorologik sharoit bilan bog’liqdir. Shuning uchun bu jarayon mavsumiy xususiyatga
ega,
ya’ni atmosfera yog’inlari qanchalik ko’p bo’lsa, shunchalik yer ko’chishi xavfi yuqori bo’ladi.
Yer ko’chishi - yer yuzasi bo’lagining yonbag’ir bo’yicha gravitatsion kuch ta’sirida
surilishi, siljishiga aytiladi.
Markaziy Osiyo hududlaridagi yer ko’chishi turli shakllari va ko’lami bilan ajralib turadi.
Ular less qatlamlarida tarqalgan bo’lib, yer ostiga shimilayotgan atmosfera yoginlari ma’lum
chuqurlikkacha borib, suv o’tkazmas qatlamda ularning umumiy oqimi yonbag’ir bo’yicha
bo’ladi.
Hosil bo’lgan yuzaga siljish yuzasi deyiladi. Siljish yuzasi ustida turgan yer massasiga
gravitatsion
(tortish) kuchi ta’sir qilishi oqibatida yonbag’irda tik qoya hosil qilib uzilish paydo bo’ladi va
uzilgan bo’lak pastga siljiy boshlaydi. Harakatdagi jinslarning xajmi bir necha o’n mln.m
3
larda
bo’ladi.
Yer ko’chishi yonbag’rning qiyaligiga, tog’ jinsi tarkibiga, atmosfera yog’inlari miqdoriga
bog’liq holda rivojlanadi. Yonbag’ir qiyaligi qanchalik katta bo’lsa, ko’chkining tezligi
shunchalik
katta bo’ladi. Ko’p holatlarda ko’chki ekzogen jarayonlardan sel, jarlanish, cho’kish hodisalari
bilan
uyg’unlashib ketadi.
Yer ko’chkilari O’zbekiston Respublikasi Geologiya va mineral vositalari davlat qo’mitasi
tasarrufidagi "O’zbekgidrogeologiya" ishlab chiqarish birlashmasi tadqiqotchilari tomonidan
o’rganilib kelinmoqda. Markaziy Osiyo hududlarida tarqalgan ko’chkilarda iqlim sharoiti bilan
uzviy bog’liq bo’lishini kuzatishimiz mumkin. Masalan, 1954, 1958, 1969, 1978, 1989 va 1998
yillarda atmosfera yog’inlari me’yordan yuqori bo’lgani uchun ko’chki jarayonlari ham ko’p
bo’lgan. Respublikamiz hududlarida ko’chki jarayoni tarqalgan eng ko’p ko’chki maydonlari
Surxondaryo, Qashqadaryo, Toshkent, Farg’ona, Samarqand va Namangan viloyatlari
hududlariga
to’g’ri keladi.
Sel -suvning mexanik faoliyatidan yuzaga keladigan murakkab jarayon bo’lib, turli
omillarning (iqlim, gidrologik, geomorfologik, geologik va b.) o’zaro ta’siri natijasida vujudga
keladi. Uning tarqalishida mahalliy sharoit alohida o’rin egallaydi. Sel vujudga keladigan yoki
sodir
bo’lish ehtimoli yuqori bo’lgan joylarni sel o’chog’i deb yuritiladi. Sel o’chog’i paydo
bo’lishining
asosiy ko’rsatkichi gidrometeorologik sharoit hisoblanadi. Uzoq muddatli jala yog’ishi va
muzliklarning qisqa muddatda kuchli erishi oqibatida daryo o’zanlaridagi suv miqdori keskin
170
ko’payib ketadi. Natijada suv bilan aralashgan qum, shagal, dag’al bo’lakli jinslar oqimi paydo
bo’lishi natijasida maydonning quyi qismlarida katta kuchga ega bo’lib ko’pgina qo’poruvchilik
ishlarini amalga oshiradi. Shu sababga ko’ra sellar ikki guro’hga bo’linadi: glyatsial- muzlik va
qorlarning tez erishi va jalali - ko’p miqdorda yomg’ir yog’ishi natijasida paydo bo’ladi.
Ularni
PDF created with pdfFactory Pro trial version
www.pdffactory.com
paydo bo’lishida joyning geomorfologik tuzilishi va cho’kindi jinslar miqdori ham alohida o’rin
egallaydi.
Respublikamizning tog’ oldi hududlari va unga tutash tekisliklarida ko’p yomg’ir yogishi
natijasida paydo bo’ladigan sellar keng tarqalgan. Yirik qor va muzlik qatlamlari tarqalgan
tog’li
hududda esa glyatsial turi ko’proq uchraydi. Sel oqimlari harakat xususiyati bo’yicha turbulent
va
strukturali turlariga bo’linadi. Turbulent sellar o’zan bo’ylab, daryo va soylardagi suv miqdori
ortib ketishi natijasida oqim harakati qonuniga muvofiq vodiy yo’nalishi bo’yicha bo’ladi.
Strukturali sellar maydon bo’ylab, turli tosh bo’laklarining butun yonbag’ir bo’yicha yoppasiga
bostirib kelishi natijasida bo’ladi.
Har ikkala xususiyatga ega bo’lgan sellar daryo o’zanlari va yonbag’irlarni buzishi bilan
birga keng ekin maydonlariga katta miqdordagi oqova oqimini olib keladi. Vatanimizni o’rab
turgan tog’lar va tog’ oldi hududlari selga xavfli hududlarga kiradi. Ayniqsa, Qashqadaryo,
Namangan, Jizzax, Farg’ona, Surxondaryo va Toshkent viloyatlarida ko’proq uchraydi,
Respublikamizning sel xavfi bor joylaridagi aholini xavfsiz joylarga o’tkazish bo’yicha
Favqulodda vaziyatlar vazirligi, Boshgidrometxizmati hamda Suv va qishloq xo’jaligi vazirligi
xodimlari joylardagi mahalliy hukumat organlari rahbarlari bilan maxsus dasturlar asosida
harakat
qilmoqdalar.
Toshqin. Tabiiy ofatlar ichida katta talafotlar keltiradigan, aholini og’ir tahlikaga soladigan
va qisqa vaqt ichida shiddatli bo’ladigani suv toshqinlaridir. Toshqin - daryolar, soylar,
dengizlar,
ko’llarda suv satxining keskin ko’tarilishi oqibatida yuzaga kelib, yer yuzasining katta
maydonlarini
vaqtincha suv bosishidir.
Toshqinlar ko’p holatlarda kuchli jala, harorat ko’tarilishi bilan qor va muzliklarning keskin
erishi natijasida xavzalardagi suv miqdorining ko’payishidan paydo bo’ladi. Bundan tashqari
suv
xavzalari atrofidagi yonbag’irlarda ko’chki sodir bo’lishi, qoyalardan tog’ jinslari o’pirilishi
bilan
havzadagi suv toshib chiqishi va to’g’onlarning bexosdan buzilib ketishi oqibatida ham sodir
bo’lishi mumkin. Toshqinlarning yana bir turi shamolning katta tezligi bilan bog’liq bo’lib,
dengiz
suvini qirg’oqlarga ma’lum balandlikda bostirib kelishidan paydo bo’ladi. Lekin, toshqinning bu
turi mamlakatimiz hududlarida uchramaydi.
Respublikamizning tabiiy tuzilishi, gidrometeorologik sharoiti, muhandis - gidrogeologik
inshootlari boshqa tabiiy ofatlar kabi toshqin bo’lib turishi va uning xavfi yuqoriligidan dalolat
beradi. Ayniqsa bu hodisa suv tarmoqlari atroflarida juda ko’p tarqalgan.
Toshqinlarning hosil bo’lishi, garchan bir xil sababdan bo’lsada, ya’ni ob-havo sharoitining
keskin o’zgarishi natijasida me’yoridan ko’p yog’ingarchilik bo’lishi, aholi yashash joylari va
hududlarga turli ta’sir ko’rsatadi. Bular ichida eng kuchlisi halokatli toshqinlar hisoblanib, ular
uzoq
muddat yoqqan yomgir natijasida yuzaga keladi. Bizning sharoitda toshqinlar bilan birga sellar
doim kuzatiladi. Selli toshqinlar odatda qisqa vaqtda paydo bo’lib, asosiy xususiyatlaridan biri
shitob bilan suv kelishi oqibatida suv inshootlari atrofini, qirg’oqlarni, ba’zan to’g’on va
ko’priklarni yuvib ketadi. Misol tariqasida XX asrning oxirgi yilida Farg’ona vodiysidagi
Shohimardon fojiasini keltirish mumkin. Mazkur fojia qo’shni Qirgiziston mamlakati hududida
boshlanib Shoximardonsoy bo’yiga juda katta talafotlar keltirdi. Fojianing asosiy sababi, yoz
oylarida harorat keskin ko’tarilishi bilan Qirgazistonning O’sh viloyati tog’liklaridagi Oqsuv
daryosining yuqori qismida joylashgan qor va muzlar erishi oqibatida suv miqdori birdaniga
oshib
PDF created with pdfFactory Pro trial version
www.pdffactory.com
ketib, soatiga 200 m/sek (720km/soat) tezlikda harakat qilishi natijasida Shoximardonsoy va
uning
quyi oqimlarida sel oqovalariga aylandi.
Tuproq yemirilishi. Barqaror rivojlanishga tahdid soladigan tabiiy ofatlarni yana biri
tuproq yemirilishi, yuvilishi oqibatida yer yuzasining biologik xususiyati yo’qolib borishi
oqibatida
yerlarni cho’lga aylanish jarayonidir.
Yer yuzidagi o’zgarishlar natijasida tuproq qatlami o’z funksiyasini bajara olmasligi ham
171
tabiiy, bu inson xo’jalik faoliyati natijasida sodir bo’lmoqda. Tuproqning inson faoliyati bilan
bog’liq yemirilishiga qishloq xo’jaligini kimyolashtirish, o’rmonlarning kesilishi, yo’llarni,
kommunikatsiya tarmog’ini qurish, foydali qazilma konlarini qazib olish va boshqa tadbirlarni
misol qilib ko’rsatish mumkin.
Tuproqning yemirilishi yerlarni tabiiy ravishda cho’lga aylanishi XX asrning oxirlariga
kelib inqiroziy holatni namoyon etmoqda. Buning asosiy sababchisi Yer ichki qismi va yuzasida
bo’layotgan o’zgarishlar, harakatlar natijasi bo’lsada, ayrim davlatlar hududlarida tabiiy
tuproq
hosil bo’lish jarayonining juda sust borayotganligidadir. Olimlarning hisobi bo’yicha 1 sm
tuproq
hosil bo’lishi uchun kamida 100 yil vaqt kerak ekan. Boz ustiga, yuqorida qayd qilinganidek,
insonning iste’molchilik talabi bu jarayonni yanada kuchayib borishiga olib kelmoqda. Tabiiy
yemirilayotgan tuproqlar suv va shamol ta’sirida bo’lib, har ikki holatda ham bu jarayon sodir
bo’lgan joyda cho’llanish hodisasini ko’rishimiz mumkin. Lekin, yana bir sabab borki, uning
ta’sirida tuproq yemirilishi juda sust, deyarli sezilmagan holatda namoyon bo’ladi. Bu yer ichki
harakati ta’sirida relyefning ko’tarilishi yoki botiqlik hosil bo’lishi bilan uzviy boglangandir.
Bunday jarayon oqibatida tuproqdagi mahsuldorlik sekin-asta kamayib boradi va
rivojlanishning
ma’lum bosqichiga etganda shamol yoki suv ta’sirida insonning xo’jalik faoliyati jadallashib
ketadi.
Respublikamiz tog’ oldi adirlarida, tog’ etaklarida bunday hodisani ko’proq uchratishimiz
mumkin.
Masalan: Chotqol-Qurama (Toshkent viloyati), Nurota, Turkiston (Samarqand, Jizzah
viloyatlari),
Hisor, Boysun (Qashqadaryo, Surxondaryo), Talas - Farg’ona, Turkiston (Farg’ona vodiysi)
tog’lari
atrofida keng tarqalgan.
12.3. Tabiiy ofatlardan himoyalanish tadbirlari
Turar joy maskanlari tabiiy sharoiti, jinslarning fizik-kimyoviy xususiyati, binolarning
loyixa chizmalari qatiy hisob-kitoblar asosida chuqur o’rganib chiqilgandan so’ng qurilishga
ruxsat
beriladi.
Umumiy yashash binolari va uy-joylardan foydalanish qoidalarini, uy taqsimotidan oldin har
bir yashovchining yoshini va ijtimoiy saviyasini inobatga olgan holda tushuntirish ishlariga jalb
qilib, o’zbilarmonchilik bilan ish yuritishiga yo’l qo’ymaslik kerak.
Ko’p qavatli binolarning o’ziga yarasha xususiyati, seysmik belbog’lari, xavfsiz burchaklari
qayerda joylashganligi to’g’risidagi eslatmalarni har bir xonadon soxibiga etkazish zarur.
Tabiiy ofatlar to’g’risida, xususan, zilzila xaqida respublikamiz barcha aholisi elementar
tushunchaga ega bo’lishi va quyida keltirilgan talablarga rioya qilgan holda qo’shimcha
quyidagilarni bilish zarur:
- uydagi gaz, suv, elektr tarmoqlarini xavfsizlantiradigan joylarni bilishlari;
- uy tibbiy xaltasi, unda birinchi tibbiy yordam uchun zarur bo’lgan dori-darmonlar;
-noxush vaziyat yuzaga kelganda birinchi xizmat ko’rsatish tashkilotlarining telefon
PDF created with pdfFactory Pro trial version
www.pdffactory.com
raqamlari;
uy jihozlari, kitob javonlari, osma asboblarni mahkamligini nazorat qilish;
- maktab yoshidagi bolalarga zilzila vaqtida qanday harakat qilishlari tartiblarini uqtirish;
-ish joylarida xavfsizlik qoidalariga rioya qilish kabi xavfsizlik choralarini bilishlari shart.
Buning uchun mahalla-guzarlarda, ishxona-maktablarda, radio-televideniyeda ommabop
shaklda suhbatlar tashkillashtirilsa, qisqa metrajli filmlar, fojialarni aks ettirilgan lavhalar
berib
borilsa maqsadga muvofiq bo’ladi.
Zilzila sodir bo’lganda tebranish bir necha soniyadan bir necha daqiqagacha davom etishi
mumkin. Tebranishni sezgan vaqtingizda sekin - asta xavfsiz joyga harakat qilishingiz lozim,
asosiy
xavf binodagi osma anjomlardandir. Binoda bo’lsangiz xavfsiz joylardan: eshik oldilari,
devorning
ichki burchaklari, seysmik belbog’ ostilaridan birortasini egallang, boshqalarni ham shunday
qilishga chaqiring. Deraza va chayqaluvchi og’ir buyumlardan uzoqroqda turing, hech vaqt
yuqori
qavatdagi binodan chiqib ketishni o’ylamang. Aksincha tebranish o’tib ketguncha bino ichidan
panox qidiring. Kerak bo’lganda tebranish tugagandan so’ng binoni tark eting. Ko’p qavatli
uyda
tursangiz liftdan foydalanmang. Zinapoyadan foydalanishda qo’pol harakat qilmang,
boshqalarni
172
ham tinchlantiring.
Seysmik bardoshi kam bo’lgan, g’ishtli va xavfli binolarda bo’lsangiz, albatta tashqariga
zudlik bilan chiqing. Bunda elektr tarmoqlari, buyumlar harakatidan ogoh bo’ling. Ochiq joyda
bo’lsangiz binolarga, elektr tarmoqlariga yaqin turmang. Transportda bo’lsangiz ochiq joyda
to’xtating, tebranish o’tib ketguncha kuting. Tebranish qaytarilgudek bo’lsa, xayron bo’lmang.
Odatda birinchi zarbadan so’ng qayta zarbalar bo’lishi muqarrar. Ular xatto bir necha
kunlargacha
davom etadi. Ayrim holatda qayta tebranishlar ham bino va inshootlarga katta zarar etkazadi.
Eng
muhimi, turli ofat sodir bo’lganda asabingizni buzmang, osoyishtalik va xotirjamlik bilan ish
tuting.
Bu zilzila sodir bo’lganda qanday harakat qilishning asosiy qoidalari edi.
Ko’chkilarning halokatli xususiyatga ega ekanligini inobatga olib 1958 yilda O’zbekistonda
ularni maxsus kuzatadigan muhandis - geologik Davlat xizmati tashkil etilgan.
Yonbag’irlar maxsus temir-beton sinchlar yordamida yoki sun’iy o’rmonlashtirish ishlari
bilan mustahkamlanadi. Har bir tadbirda tabiatdagi manbalarning buzilishiga olib kelmaslik
yo’llari
e’tiborga olinishi shart. Bu borada AQSh, Yaponiya, Hindiston, Kanada va bir qancha
mamlakatlar
tajribasidan foydalanish maqsadga muvofiqdir.
Hozirgi vaqtda Davlat kuzatuv xizmati Vatanimiz hududi bo’yicha 7 hududiy kuzatuv
stantsiyasiga, 21 postlarga ega. Ularning kuzatuv maydonlarida 8 mingdan ortiq xo’jalik
ob’ekti,
144 sog’lomlashtirish kompleksi, 170 avtoyo’l maydoni, 20 dan ortiq tog’ - kon sanoati va
gidrotexnik inshootlari mavjud.
Aholi va hududlarni toshqin, sellardan muhofaza qilishning birinchi talabi daryo, soy
o’zanlari atrofini mustahkamlashdan iborat. Har bir aholi yashaydigan joylarda ma’lum
xavfsizlik
choralarini, aholini o’z vaqtida ogohlantirish, yashash sharoitida tahdid soluvchi har qanday
tabiiy
PDF created with pdfFactory Pro trial version
www.pdffactory.com
ofat to’g’risida tushuntirish ishlari bilan bir qatorda tabiiy ofatlarning sababi, tarqalishi
to’g’risida
ma’lumot berib, sodir bo’lgan taqdirda qanday harakatlar olib borish to’g’risida tushuntirish
ishlarini olib borish maqsadga muvofiqdir.
Sel xavfi bor joylardagi aholi o’n daqiqa mobaynida, ko’pi bilan 1-2 soat ichida
ogohlantirilishi kerak. Sel va boshqa joylarda ehtimoli yuqori bo’lgan xavflar to’g’risidagi
ma’lumotga aholining hamma tabaqasi ega bo’lishi shart. Xususan, sel xavfi bo’lishiga
me’yoridan
ortiq jala quyishi yoki mavsumga xos bo’lmagan haroratning birdan ko’tarilishi sababchi
bo’ladi.
Sodir bo’lgan sel to’g’risida, aholi yashash joylariga yaqinlashishidan quyidagi ko’rsatkichlar
dalolat beradi. Daryo va soy suvlarining oshib ketishi, ularning yuqori qismida barcha
shovqinlarni
qamrab oluvchi kuchli gumburlash, oqimdagi yirik toshlarni bir-biriga urilishi natijasida
vahimali
larza paydo bo’ladi.
Sel oqimlariga oldindan tayyorlanishning samarali usullaridan biri aholining barcha
tabaqalari bilan agrotexnik, gidrotexnik obodonlashtirish majmuasiga kiruvchi bir qancha
tashkiliy -
xo’jalik tadbirlarini amalga oshirishdan iboratdir. Bundan tashqari sel xavfi bor joylardagi
daryo
o’zanlari, suv omborlari, kanallar qirg’oqlarini mustahkamlash zarur, bunday inshootlar
bo’lmagan
joylarda sel oqimi tuzoqlari, oqimni aholiga zarari tegmaydigan joylarga yo’naltiruvchi
tarmoqlarni
qurish lozim.
Odatda sel oqimlarining davriyligi 3 - 5 soat davom etadi. Sel xavfi bor joylarda bo’lgan
tumanlarda yirik masshtabdagi, ayniqsa kichik xo’jaliklarda 1:5000 va 1:10000 masshtabdagi
xaritalar bo’lishi kerak. Topografik xaritalar orqali sel oqimlariga qarshi kurashish, oldini
olish,
bashoratlash va ular oqibatlarini bartaraf etish chora-tadbirlari ishlab chiqish va aholini
xamma
tabaqalari o’rtasida targ’ibot ishlarini yo’lga qo’yish zarur.
Toshqin xavfi bor joylarda har qanday qurilish inshootlari barpo etishga chek qo’yish kerak.
Toshqinning hosil bo’lish xususiyatiga ko’ra ehtiyot choralari-ya’ni oziq - ovqat, ichimlik suvi,
kiyim - kechak va boshqa maishiy - xo’jalik zaxiralariga ega bo’lish, ularni suv bosmaydigan
joylarda saqlash, shaxsiy xujjatlar, zarur mol- mulk bilan evakuatsiya qilishga tayyor bo’lishi
zarur.
Toshqin juda katta tezlik bilan avj olayotgan bo’lsa, zudlik bilan yaqin atrofdagi tepalikka
qarab yurish, bino sharoitida bo’lsangiz yuqori qavatlarga ko’tarilish, tomlarga chiqib olish
tadbirlarini amalga oshirish lozim. Ammo, barcha ehtiyot choralariga qaramasdan mobodo, suv
ichida qolsangiz, eng muhimi sarosima va vahimaga berilmasdan xotirjamlik bilan ustki va oyoq
173
kiyimlarni yechish, suv oqimi bo’ylab birorta balandroq yoki mustahkam asosga ega bo’lgan
predmetni tanlash, suv bilan birga harakat qilayotgan buyumlardan o’zingizni ehtiyot qilish
choralarini ko’rishingiz lozim.
Zaruratga ko’ra uylarni, xonalarni tark etayotganingizda suv, gaz, elektr tarmoqlarini xavfsiz
holatga keltirishni, yerto’lalarda oziq -ovqat zaxirasi mavjud bo’lgan taqdirda, ularni quruq
bo’lgan
joylarga, suv bosib zarar etkazmaydigan joylarga olib qo’ygan ma’qul.
Nazorat uchun savollar.
1. Tabiiy sabablar tufayli vujudga keladigan ofatlar turlarini aytib bering.
PDF created with pdfFactory Pro trial version
www.pdffactory.com
2. Respublikamizda uchrab turadigan xavfli halokat va jarayonlari deganda nimani tushunasiz?
3. Zilzila deganda nimani tushunasiz va u qanday ko’rinishda paydo bo’ladi?
4. Respublikamizda va boshqa mamlakatlarda sodir bo’lgan zilzila oqibalari to’g’risida nimani
bilasiz?
5. Zilzilani kuchi qanday aniqlanadi?
6. Rixter shkalasi nima va undan nima maqsadlarda foydalaniladi?
7. Yer ko’chish nima va qayerlarda sodir bo’ladi?
8. Sel nima va qanday vujudga keladi?
9. Toshqin qachon va qaysi kuchlar negizida sodir bo’ladi?
10. Tuproq yemirilish nima, uning oqibatlari va uni oldini olish chora tadbirlari deganda nimani
tushunasiz?
11. Tabiiy ofatlardan kishilar, moddiy boyliklar va atrof muhitni muhofazasi deganda nimani
tushunasiz?
174
Do'stlaringiz bilan baham: |