O‘zbekiston respublikasi qishloq va suv xo‘jaligi vazirligi

3.4.Sug’orish kanali qurilishini kompleks mexanizatsiyalash.
Kanal qazilmada o’tadigan uchastkasini qurish quyidagi asosiy operatsiyalarni amalga oshirishni talab etadi: trassa bo’ylab og’ir gruntlarni yumshatish, gruntni kanal ko’ndalang kesimidan qazib olish va kavalerga yotqizish (surish), kanal yonlari va tubini tekislash, kavalerga yotqizilgan gruntni tekislash va profillash (shakl berish). Ayrim hollarda texnologik sxemalardan, ayrim operastiyalar chiqarib tashlanishi mumkin. Masalan: ETR-206A markali kanalqazgich ekskavatorlar bilan qazilganda, kanal yonlari va tubini tekislash talab etilmaydi.
Odatda, kanaldan gruntni qazish olish va kavalerga yotqizish, bir turdagi mashina bilan (ekskavator, skreper, buldozer) bilan amalga oshiriladi. qazib olingan grunt bir tomonlama yoki ikki tomonlama kavalerga joylashtiriladi. Kavalerlar trapestiyasimon shaklda, uzoq muddatga turғunligini ta’minlash maqsadida, yonlarining qiyaliklari 1:1 dan 1:3 gacha qilib hosil qilinadi. Kanallarni draglayn ekskavatorlari bilan qazishda kavalerlarining balandligi uning to’kish balandligi bilan aniqlanadi va 5m.dan baland bo’lmaydi. Kanal ko’ndalang kesimini skreperlar bilan qaziganda kavalerning optimal balandligi skreperning eng yuqori ish unumiga bog’liq ravishda belgilanadi.
Kanal qazilmasi yuqorigi cheti (brovkasi) bilan kavaler yonining chekka nuqtasi o’rtasida berma qoldiriladi, bermaning eni 2m. dan kam bo’lmasligi kerak. Kanal qazilmasi otkosi turғunligini ta’minlash sharti hamda kanal qurilishi va undan foydalanishda oғir mashina va mexanizmlar o’tishni hisobga olgan holda qoldiriladigan berma eni 6 m gacha bo’lishi mumkin. Qazilmada, I-II guruhga mansub, tabiy namlikdagi qumloq va qumoqlarda o’tgan kanallarni kompleks mexanizatsiyalashgan usulda qurish texnologiyasi 3.2-jadvalda keltirilgan.
3.2-jadval

Bajariladigan ishlar