O’zbekiston respublikasi qishloq va suv xo’jaligi vazirligi. Toshkent davlat agrar universiteti

Prezidentimiz  I.A.Karimovning  fundamental  asarlaridan  hisoblangan 

“O’zbekiston  iqtisodiy  islohotlarni  chuqurlashtirish  yo’lida”  deb  nomlangan 

kitobida  “Butun  yangilanish  va  taraqqiyot  jarayoni  qonunlarga  asoslanmog’i  zarur.  

Iqtisodiy  o’zgarishlar  sinalgan,  amaliy  kuchga  ega  bo’lgan  qonuularga 

---

tayangandagina  bu  o’zgarishlar  muqarrar  bqlishi  va  sezilarli  natijalar  berishi 

mumkin”. Prezidentimizning ushbu fikrlaridan shuni anglab olishimiz lozimki  – har 

qanday tizim iqtisodiyoti va uning barcha tarmoqlari ularga tegishli bo’lgan qonuniy 

asoslarsiz samsarali faoliyat ko’rsata olmaydi. 

 

Shu sababli O’zbekistonda muhim bozor infratuzilmasi hisoblangan birjalar va 

ular  faoliyatining  mustahkam  va  jahon  andozalariga  javob  bera  oladigan  qonunuiy 

asoslarni  yaratishga  alohida  e’tibor  qaratib  kelinmoqda.  Birjalar  faoliyatiga  taalluqli 

bo’lgan qonunlar doimiy ravishda takomillashtirilib kelinmoqda. 

 

“Birjalar  va  Birja  ishi  to’g’risida”gi  O’zbekiston  Respublikasi  qonuni 

mustaqillikning dastlabki yillarida, ya’ni 1992 yilning 2 iyulida qabul qilingan bo’lib, 

uning  takomillashtirilgan  yangi  tahriri  2001  yilning  27  avgustida  qabul  qilingan. 

Shuningdek,  yana  bir  asosiy  qonunlardan  hisoblangan  “Qimmatli  qog’ozlar 

bozorining  faoliyat  ko’rsatish  mexanizmi  to’g’risida”gi  O’zbekiston  Respublikasi 

qonuni 1996 yilning 25 aprelida qabul qilingan. Bir so’z bilan aytganda hozirgi kunda 

bevosita birjalar faoliyatiga taalluqli bo’lgan alohida qonunlar tizimi shakllantirilgan. 

 

Alohida  e’tibor  berishimiz  lozimki,  bugungi  kunda  birjalar  faoliyatini  tashkil 

etish  va  rivojlantirishga  mamlakatimiz  rahbariyati  alohida  e’tibor  qaratib  kelmoqda. 

Misol  uchun  1998-2006  yillar  mobaynida  aynan  shu  masalaga  bag’ishlangan  ikkita 

Prezident  Farmoni,  o’ndan  ortiq  Vazirlar  Mahkamasining  qarorlari  qabul  qilingan. 

Shuningdek, Birja ishiga taalluqli bo’lgan yuzlab me’yoriy hujjatlar tegishli vazirlik 

va  idoralar  (Adliya  vazirligi,  Moliya  vazirligi,  Iqtisodiyot  vazirligi,  Davlat  Mulk 

qo’mitasi  kabilar...)  tomonidan  ishlab  chiqilgan  bo’lib,  ular  birjalarning  qonuniy  va 

samarali faoliyat ko’rsatishlarini ta’minlaydi.