O'zbekiston respublikasi oliy va o'rta

Ta'lim usullarini tanlash.

O'qituvchilarni dars jarayonida turli uslublarni o'quv topshiriqlarni qo'llab, o'z talabalarida bilim olishga intilish, ishtiyoq uyg'otishlari nihoyatda muhim ahamiyatga ega.
Ko'pchilik pedagoglarning ishonchi komilki, talabalarning qobiliyatini, ularning individualligini hisobga olgan holda turli uslublarni qo'llash, albatta o'zlashtirish natijasini ko'taradi.
Dars o'tish uslublari turlicha bo'lib, ulardan eng ko'p qo'llaniladigan asosiy metodlar quyidagilar:
Amerikancha munozara (debatlar). Bunday tarzda dars o'tishda ikki talaba belgilangan qat'iy tartib bo'yicha, munozaraga raislik qiluvchining rahbarligi ostida berilgan savol yoki muammo bo'yicha munozara olib boradilar. Ularning bildirgan fikrlarini arbitrlar kollegiyasi baholaydi. Arbitrlar talabalardan belgilanadi.
Inglizcha munozara (debatlar). Munozaraning bu shaklida muhokama qilinayotgan muammo echimiga etkaziladi.
Ochiq munozara. Qo'yilgan muammoni belgilangan qoida bo'yicha muhokama qilib, echimini qabul qilish yoki qilmaslikni plenumga topshirish bilan yakunlanadi.
Sirtqi uslub (masofadan o'qitish). O'quv materialini xatlar, topshiriqlar yoki audiovizual vositalar orqali mustaqil o'rganish. Internetning hayotga kirib kelishi va borgan sari keng qo'llanilishi bilan bu uslub asosida dars berish ham rivojlanib, keng yoyilmoqda.
To'g'ridan-to'g'ri bayon qilish uslubi. Bu model (uslub) yangi tushunchalar, navbatma-navbat, asta-sekinlik bilan mantiqiy izchillikberib boriladi. Bu uslub ko'proq ma'ruza o'qiganda qo'llaniladi.
Guruhlarda juftlik yoki kichik guruhlarga bo'linib ishlash. Bu usulda juftlik yoki kichik guruh bilan birgalikda aniq qo'yilgan u yoki bu masalani ma'lum belgilangan vaqt ichida o'zaro fikr almashish, muloqot qilish orqali echish ko'zda tutiladi.
Intervyu bir yoki bir necha kishilardan axborot olish uchun aniq maqsadga qaratilgan so'rov (savol-javob) o'tkaziladi.
Darsni aniq yo'naltirilgan (mo'ljallangan) savollar asosida olib borish. Bu uslubda mavzu bo'yicha aniq yo'naltirilgan savollar bilan mavzu muhokama qilinadi. O'qituvchi savol-javob, suhbatni boshqarib turadi.