O’zbekiston respublikasi oliy va o’rta maxsus vazirligi ’ samarqand davlat universeteti

15.1-jadval Asosiy hamkor davlatlar (2019 yil yakuniga ko’ra)

Importdagi yirik hamkor davlatlar

Davlatlar	mln.doll.		o’zgarish sur‘atlarda, %		o’rni
	2018 y.	2019 y.	2018 y.	2019 y.	2018 y.	2019 y.
ХХR	3 558	5 109	130,4	143,6	1	1
Rossiya	3 539	4 138	130,6	116,9	2	2
Koreya	2 051	2 665	164,8	130,0	3	3
Qozog’iston	1 567	1 942	157,0	123,9	4	4
Turkiya	1 113	1 326	164,9	119,2	5	5
Germaniya	725	928	123,4	127,9	6	6
AQSH	378	567	206,8	150,0	7	7

190
Eksportda yirik hamkor davlatlar

Davlatlar	mln.doll.		o’zgarish		o’rni
			sur‘atlarda, %
	2018 y.	2019 y.	2018 y.	2019 y.	2018 y.	2019 y.
Rossiya	2 117	2 532	104,9	119,6	2	1
ХХR	2 875	2 529	142,0	87,9	1	2
Qozog’iston	1 352	1 393	127,9	103,0	3	3
Turkiya	945	1 218	107,6	128,9	4	4
Qirg’isizton	270	670	151,3	248,3	6	5
Afg’oniston	603	617	97,9	102,4	5	6
Tojikiston	238	328	127,6	137,9	7	7

15.2-jadval O’zbekiston Respublikasining tashqi savdo aylanmasi

Tashqi savdo aylanmasi, dinamikasi va balansi (yanvar-aprel mld.doll)

2. 
   Tashqi savdo siyosatining mohiyati va vositalari Tashqi savdo siyosati – byudjet-soliq siyosatining tashqi savdo
   

hajmlarini soliqlar, subsidiyalar, valyuta nazorati va import yoki eksportni to’g’ridan-to’g’ri cheklashlar orqali tartibga solishni o’z ichiga olgan nisbatan mustaqil yo’nalishidir.
Tashqi savdoni cheklash borasida olib borilayotgan har qanday chora-tadbirlar qisqa muddatli samara beradi. Uzoq davrda esa, faqat

191
erkin savdogina iqtisodiy resurslarni samarali joylashtirish imkonini beradi

Tashqi savdoni cheklash usullarining 50 dan oshiqroq turi mavjud. Ularning ayrimlari davlat g’aznasini to’ldirishga yo’naltirilgan bo’lsa, ba‘zilari umuman importni cheklashga va yana boshqasi esa eksportni cheklashga yoki rag’batlantirishga yo’naltirilgan. Amaliyotda tashqi savdoni tartibga solishning ta‘rif va nota‘rif usullaridan foydalaniladi.
Ta‘rif usullariga import va eksport bojlarini joriy qilish kirsa, nota‘rif usullariga eksporterlar va ishlab chiqaruvchilarga subsidiyalar berish, kvotalash, lisenziyalash kabilar kiradi.
Bojxona bojlari avvalo import bojlari va eksport bojlariga ajraladi.
Import bojlari davlat byudjetini to’ldirish maqsadida va ichki bozorlarga tushadigan chet el tovarlari oqimini tartibga solish uchun belgilanadi. Mahalliy ishlab chiqaruvchilar bojxona tariflarini joriy qilishdan foyda ko’rishadi, chunki ularning tovarlari tariflarga bo’ysunmaydi, buning natijasida ular jahon bozoriga nisbatan yuqori narxlarda tovar ishlab chiqarishi mumkin. Davlat ham g’alaba qozonadi. Ushbu yutuq import qiymati mahsulotining tarif qiymati bo’yicha qiymati bilan belgilanadi. Bu xaridorlardan davlatga o’tkazmalarning bir turi.
Biroq, import tarifi ichki xaridorlarga zarar yetkazadi, chunki tarif joriy etilishi import qilinadigan tovarlarning milliy narxini jahon narxidan yuqori qiladi, ya'ni ichki xaridorlarga qo’shimcha soliq solinadi.
Eksport bojlari mamlakat ichida talab ko’p bo’lgan mahsulotlar taqchilligining oldini olish maqsadida belgilanadi. Eksport tarif stavkalari tovarlar turiga qarab belgilanadi.
Eksport boji ichki narxni jahon darajasidan past darajaga tushiradi, natijada mamlakat ichkarisida tovarlarni iste'mol qilish hajmi oshadi, eksporti kamayadi va milliy ishlab chiqarish ham kamayadi.
Eksport tarifining joriy etilishi mahalliy ishlab chiqaruvchilar uchun katta yo’qotishlarga olib keladi, ammo xaridorlar foyda ko’rishadi, chunki tovarlarning narxi jahon narxlaridan past bo’ladi. Bunday holda, davlat ham foyda ko’radi, chunki eksport qiluvchi
192
mamlakatning monopol holati import qiluvchi mamlakatlarni import qilinadigan tovarlarga ortiqcha to’lashga majbur qiladi.
Boj olinadigan mahsulotlar, boj olinmaydigan mahsulotlar, olib kelish va olib ketish taqiqlangan mahsulotlar, shuningdek, bojxona bojlari stavkasi, ya‘ni, ularning tartibga solingan ro’yxati bojxona tariflari deb ataladi.
Xalqaro savdoni tartibga solishda eng ko’p qo’llaniladigan usul bo’lib tarif, ya‘ni importga solinadigan bojxona boji hisoblanadi.
Aytaylik, import tarifining joriy etilishi tufayli narx tovarning Pw dan Pd ga ko’payishi, natijada tovarga talab Qd dan Qd decrease ga kamayadi va ichki taklif Qs dan Qs ′ gacha ko’tariladi. Importning umumiy hajmi kamayib, Qd ′ - Qs difference farqni hosil qiladi. Mamlakat iqtisodiyoti ochiq bo’lgani va importga cheklovlar yo’qligi tufayli milliy bozordagi narxlar jahon bozori narxlari Rw bilan bir xil. Importga tarif joriy qilinishi natijasida ichki baholar Rw dan Rd ga qadar ko’tariladi. Natijada:
Rd = Rw+( Rw× Tarif stavkasi)