Oʻzbekiston respublikasi oliy va oʻrta maxsus

5-bob. Yakunlovchi qoidalar 
33. Ushbu Nizomni qo‘llashda yuzaga keladigan nizolar qonunchilik 
hujjatlarida belgilangan tartibda hal etiladi. 
34. Mazkur Nizom talablarining buzilishida aybdor bo‘lgan shaxslar 
qonunchilik hujjatlarida belgilangan tartibda javob beradilar. 
O‘zbekiston Respublikasi Moliya vazirligi huzuridagi Ta’lim kreditini 
moliyalashtirish jamg‘armasi hisobidan oliy, o‘rta maxsus va professional 
ta’lim tashkilotlarida xotin-qizlarning to‘lov-kontrakt asosida o‘qishi uchun 
ta’lim kreditlarini ajratish tartibi to‘g‘risida 
NIZOM 
1-bob. Umumiy qoidalar 
1. Ushbu Nizom O‘zbekiston Respublikasi Moliya vazirligi huzuridagi 
Ta’lim kreditini moliyalashtirish jamg‘armasi (keyingi o‘rinlarda – Jamg‘arma) 
hisobidan oliy, o‘rta maxsus va professional ta’lim tashkilotlarida xotin-qizlarning 
to‘lov-kontrakt asosida o‘qishi uchun ta’lim kreditlarini ajratish tartibini belgilaydi. 
Ushbu Nizom qoidalari tijorat banklari tomonidan Jamg‘arma mablag‘laridan 
tashqari boshqa manbalar hisobidan beriladigan ta’lim kreditlariga, shu jumladan, 
tabaqalashtirilgan to‘lov-kontraktni va tabaqalashtirilgan to‘lov-kontraktning 
minimal miqdoriga teng bo‘lgan bir martalik boshqa to‘lovlarni amalga oshirish 
uchun ajratiladigan ta’lim kreditlariga nisbatan tatbiq etilmaydi. 
2. Ta’lim kreditlarini berish tijorat banklari tomonidan ularning qaytarilishi, 
to‘lovliligi, muddatliligi va ulardan maqsadli foydalanish shartlari asosida 
belgilangan talablarga muvofiq amalga oshiriladi. 
3. Ta’lim kreditlari tijorat banklari tomonidan respublikadagi barcha oliy, 
o‘rta maxsus va professional ta’lim tashkilotlarida (O‘zbekiston Respublikasi 
hududidagi xorijiy, davlat, nodavlat, oliy, o‘rta maxsus va professional ta’lim 
tashkilotlari hamda ularning filiallarida) (keyingi o‘rinlarda – ta’lim tashkiloti) 
hamda qo‘shma ta’lim dasturlari bo‘yicha bakalavriat, shuningdek, 
magistraturaning kunduzgi, sirtqi va kechki ta’lim shaklida to‘lov-kontrakt asosida 
o‘qishga tavsiya etilgan yoki qabul qilingan, shuningdek, o‘qishini ko‘chirgan 
O‘zbekiston Respublikasi fuqarosi bo‘lgan talaba xotin-qizlarga (keyingi o‘rinlarda 
– kredit oluvchi) beriladi. 

---

31 
Bunda kredit oluvchining doimiy daromad manbaiga ega bo‘lgan oila a’zolari 
(ota-onasi, aka-ukasi, opa-singlisi, turmush o‘rtog‘i) yoki uchinchi shaxs birgalikda 
qarz oluvchi sifatida ta’lim krediti shartnomasida qatnashishlari mumkin. 
4. Ta’lim kreditining asosiy qarzi kredit oluvchi tomonidan ta’lim tashkilotida 
ta’limning tegishli turi bo‘yicha rasmiy o‘qish muddati tugagandan so‘ng yettinchi 
oydan boshlab 7 yil davomida qaytariladi. 
5. Qarz oluvchiga ta’lim krediti 14 foiz stavkasida ajratiladi va kredit foiz 
stavkalarini qoplash Jamg‘arma mablag‘lari hisobidan tijorat banklarining 
talabnomasiga muvofiq har uch oyda amalga oshiriladi.