O‘zbekiston respublikasi oliy va o‘rta maxsus ta’limi vazirligi denov tadbirkorlik va pedagogika instituti

5. ILOVALAR
5.1. FAN DASTURI

Fan dasturi Toshkent davlat iqtisodiyot universitetida ishlab chiqildi.

Tuzuvchilar:

Aliev Ya.	– Toshkent davlat iqtisodiyot universiteti “Canoat iqtisodiyot” kafedrasi dotsenti
Qosimov S.	– Toshkent davlat iqtisodiyot universiteti “Canoat iqtisodiyot” kafedrasi dotsenti

Taqrizchilar:

To‘laboev A	TIQXMMI “Menejment” kafedrasi mudiri, iqtisod fanlari nomzodi
Ashurmetova N	TDAU “Agrologistika” kafedrasi dotsenti, iqtisod fanlari nomzodi

I. O‘quv fanining dolzarbligi va oliy kasbiy ta’limdagi o‘rni
Ushbu fan mamlakatimizda milliy iqtisodiyotni innovatsion taraqqiyot dasturini amalga oshirishdagi roli, innovatsion rivojlanishini belgilovchi omillari, innovatsion faoliyatni boshqarishning muhim muammolari, sanoat korxonalarida ilmiy loyihalarning mohiyati va ularni ishlab chiqarishga joriy etish, innovatsion taraqqiyotni ta’minlovchi omillar, sanoatda innovatsion taraqqiyotni harakatga keltiruvchi kuchlar, barqaror iqtisodiy yuksalishini ta’minlovchi omillar, zamonaviy iqtisodiyotda innovatsion jarayonlarni rivojlantirishning prinsipial xususiyatlari va yo‘nalishlari kabi masalalarni qamrab oladi.
Sanoatni innovatsion rivojlanishida mavjud iqtisodiy qonunlarni bilish va ularning amal qilishiga ongli munosabatda bo‘lishda, mamlakatni demokratlashtirish va iqtisodiyotni bozor tamoyillari asosida isloh qilish jarayonlarining mohiyatini tushunishda talabalarni zarur bo‘lgan bilimlar bilan qurollantiradi. Mehnatni bilimlar bilan almashtirish talabalarga mehnat faoliyatini ijodkorlik, innovatsiyalar, g‘oyalarni ishlab chiqish bo‘yicha ajralib turadigan yangi faollik turiga almashtirish orqali ma’naviy yo‘naltirilgan faoliyat – intellektual faollikni oshirishga xizmat qiladi.
«Innovatsion iqtisodiyot» fani umumkasbiy fani hisoblanib, V va VI semestrlarda o‘qitilishi maqsadga muvofiq. Bu dasturni amalda bajarish uchun talabalar “Statistika”, “Mikroiqtisodiyot”, “Iqtisodiy matematik modellar”, “Marketing”, “Menejment” fanlaridan yetarlicha ma’lumotga ega bo‘lishlari lozim. “Industrial iqtisodiyot” fani “Biznes rejalashtirish” fanlarini o‘rganishda asos bo‘lib xizmat qiladi.