O’zbekiston respublikasi oliy va o`rta maxsus ta`lim vazirligi

8.Ўқитувчининг актѐрлик ва режиссѐрлик малакалари. Ўқитиш самарадорлигини ошириш ва ижобий тарбиявий таъсир кўрсатиш учун ўқитувчи педагогик техникаси тизимидан ўрин олган яна бир малака – бу ўқитувчининг актѐрлик ва режиссѐрлик малакасидир. Хусусан, адабиѐт, одобнома, маънивият асослари, тарих ўқитувчилари учун актѐрлик малакаси ниҳоятда зарур. Маълум мавзулар, образлар, тарихий қаҳрамонларни
тавсифлаѐтганда актѐрлик, ўқув маълумотларини сўраш, ўқувчи-талабалар фаолиятини ташкил этишда эса, ўқитувчига режиссѐрлик малакалари зарур. Бу малакалар ўқитувчига ѐшлар билан муомала қилишда тарбияланувчи - талабаларнинг ақл - идроккина эмас, балки уларнинг ҳис-туйғуларига таъсир кўрсатиш, уларга оламга нисбатан ҳиссий - қадриятли муносабатда бўлиш тажрибасини ўзлаштиришга ѐрдамлашади.
Шундай қилиб, ўқитувчида юқорида қайд этиб ўтилган педагогик техника кўникмаларини тарбияланган бўлса, у ѐшларни ўқитиш, тарбиялаш, ва уларни шахс сифатида камол топтириш соҳасида муваффақиятга эришади.
Таъкидланганидек шахсий-касбий малакалар ўқитувчининг ижтимоий –гуманитар, ихтисослик ҳамда махсус фанлар бўйича билимларини бойитади педагогик маҳоратни эгаллашга интилишни кучайтиради, ўз касбига қизиқиш ва бурч, ҳамда масъулиятни ҳис қилишни ривожлантиради. Ва бу малакалар ѐшларни ўқитиш, тарбиялаш, ташкил қилиш, тарғибот қилиш, мустақил билим олиш ишларига ѐрдам беради.
Кийимнинг вазифаси – бу нафақат инсонни иссиқдан, совуқдан ҳимоя қилиш, балки ўзига жалб этишни ҳам уддалаши керак. Кийимга қараб инсонга баҳо берилади албатта, озода, ярашган ва сипо кийим кишининг ишига талабчанлиги ва ички камтарлиги ҳақида маълумот беради. Педагогнинг ижобий қиѐфаси ва жозибаси, ўқувчиларга психотерапевтик таъсир ўтказади ҳамда таълим самарадорлигини оширади.
Назорат саволлари
1. Педагогнинг ижтимоий ҳаѐтда тутган ўрни қандай?
2.“Компетентлик” тушунчаси қандай маънони англатади?
3. Касбий компетентлик нима ва у қандай ҳолатларда намоѐн бўлади?
4. Касбий компетентлик негизида қандай сифатлар акс этади?
5.“Маҳорат” ва “педагогик маҳорат” тушунчалари қандай маъно англатади?
6. Педагогнинг компетенциявий хусусиятларини сананг?
7. Самимийлик ва инсонпарварлик туйғуларини изоҳланг?
8. Педагогик назокат тушунчасини изоҳланг.
9. Педагогик маҳорат қандай муҳим таркибий қисмлардан иборат?
11. Педагогик билимдонлик ва педагогик одобнинг асосий шакллари нима?
12.“Маҳорат” ва “педагогик маҳорат” тушунчалари қандай маъно англатади?
13. Педагогик маҳорат қандай муҳим таркибий қисмлардан иборат?
14. Педагогик билимдонлик ва педагогик одобнинг асосий шакллари?
15.“Мимика”, “Пантамимика” тушунчаларини қандай изоҳлайсиз?
16. Имидж ва педагог имиджни таърифини келтиринг?