O‗zbekiston respublikasi oliy va o‗rta maxsus ta‘lim vazirligi

 

---

264 
 XII.1. O‗zbekistonda davlat mustaqilligining qo‗lga kiritilishi. 
O‗zbekiston Respublikasi rahbariyatning O‗zbekistonning siyosiy suverenitetini 
ta‘minlashga qaratilgan qat‘iy pozitsiyasi oldin ta‘kidlab o‗tilganidek, o‗tgan asrning 
80-yillari oxiridan boshlab bir necha marta kun tartibiga qo‗yildi.
1991 yil avgust oyida Moskvada davlat to‗ntarishi sodir etish uchun bo‗lgan 
harakatlar sovet davlatining to‗liq inqirozidan dalolat berdi. Markaz va respublikalar 
o‗rtasidagi munosabatlar taranglashib, markaz boshqaruv qobiliyatini yo‗qotgan, har 
bir mintaqa, har bir jumhuriyat o‗z holiga tashlab qo‗yilgan bir sharoitda tarixiy 
vaziyatni to‗g‗ri baholay olgan Islom Karimov Oliy Kengash sessiyasini chaqirish va 
unda O‗zbekiston Mustaqiligi haqida Qonun qabul qilish tashabbusi bilan chiqdi.
Ayni shu maqsadlarni ko‗zlagan O‗zbekiston Oliy Kengashining XXII 
chaqiriq navbatdan tashqari sessiyasi 1991 yil 31 avgustda o‗z ishini boshladi. 
 O‗zbekistonning mustaqil davlat deb e‘lon qilinishida mazkur sessiya 
muhim tarixiy ahamiyat kasb etganligini alohida ta‘kidlash lozim. Unda 
―O‗zbekiston Respublikasining Davlat mustaqilligi asoslari to‗g‗risida‖gi Qonun 
kun tartibiga qo‗yilib, qizg‗in muhokama qilindi. 
Sessiyada O‗zbekiston Respublikasining Davlat mustaqilligi to‗g‗risida 
O‗zbekiston Respublikasi Birinchi Prezidenti I.Karimov ma‘ruza qildi va o‗z 
nutqida 1991 yil o‗rtalarida Markaziy hukumat olib borayotgan ichki siyosatni 
tahlil qilib, 19-21 avgust kunlari Favqulotda holat davlat komiteti a‘zolari 
respublikalar mustaqilligini kishanlamoqchi bo‗lganini xalqqa ro‗yi-rost ochib 
berdi. O‗zbekistonning o‗z yo‗li va aniq maqsadi borligi, xalq manfaatiga mos 
bu yo‗ldan qaytmasligini ta‘kidladi.