Oʻzbekiston respublikasi oliy va oʻrta maxsus ta’lim vazirligi

KIRISH


1. TALABA MUSTAQIL ISHI MAZMUNI

Talaba mustaqil ishi (TMI) - muayyan fandan oʻquv dasturida belgilangan bilim, koʻnikma va malakaning ma’lum bir qismini talaba toionidan fan oʻqituvchisi maslahati va tavsiyalari asosida auditoriya va auditoriyadan tashqari oʻzlashtirilishiga yoʻnaltirilgan tizimli faoliyatidir.

“Maktabgacha pedagogika” va “Maktabgacha ta’lim menejmenti” fanlaridan talabalar tomonidan ishni bajarishi “Talabalar bilimini nazorat qilish va baholashning reyting tizimi Nizomi” talablari asosida nazorat qilinadi. Shuning uchun har bir professor-oʻqituvchi dastlab talabada oʻz qobiliyati va aqliy imkoniyatlariga ishonch uygʻotish, ularni sabr-toqat bilan, bosqichma-bosqich mustaqil bilim olishini toʻgʻri tashkil qilishga oʻrgatib borishi lozim boʻladi.
Talabalar tomonidan mustaqil ravishda oʻzlashtiradigan bilim va koʻnikmalarning kursdan-kursga murakkablashib, kengayib borishini hisobga olgan holda ularning tashabbuskorligini oshirib borish zarur. Shunda mustaqil ta’limga koʻnika boshlagan talaba faqat oʻqituvchi tomonidan belgilab berilgan ishlarni bajaribgina qolmay, oʻzining ehtiyoji, qiziqishi va qobiliyatiga qarab, oʻzi zarur deb hisoblagan qoʻshimcha bilimlarni ham mustaqil ravishda tanlab oʻzlashtirishga oʻrganib boradi.
Talabalar “Maktabgacha pedagogika” va “Maktabgacha ta’lim menejmenti” fanlaridan mustaqil ishlarining shakli va hajmini belgilashda quyidagi jihatlar e’tiborga olindi:
- oʻqish bosqichi;
- fanning oʻziga xos xususiyati va oʻzlashtirishdagi qiyinchilik darajasi;
- talabaning qobiliyati hamda nazariy va amaliy tayyorgarlik darajasi (tayanch bilimi);
- fanning axborot manbalari bilan ta’minlanganlik darajasi;
- talabaning axborot manbalari bilan ishlay olish darajasi.

TMI ni tashkil etishda talabaning akademik oʻzlashtirish darajasi va qobiliyatini hisobga olgan holda quyidagi shakllardan foydalanish mumkin:

- fanning ayrim mavzularini oʻquv adabiyotlari yordamida mustaqil oʻzlashtirish, oʻquv manbalari bilan ishlash;
- amaliy, seminar va laboratoriya mashgʻulotlariga tayyorgarlik koʻrib kelish;
- ma’lum mavzu boʻyicha referat tayyorlash;
- kurs ishi (loyihalari)ni bajarish;
- bitiruv malakaviy ish va magistrlik dissertatsiyasi uchun materiallar toʻplash;
- maket, model va badiiy asar ustida ishlash;
- amaliyotdagi mavjud muammoning yechimini topish, test, munozarali savollar va topshiriqlar tayyorlash;
- ilmiy maqola, tezislar va ma’ruza tayyorlash;
- uy vazifalarini bajarish va boshqalar.