O‗zbekiston respublikasi oliy va o‗rta maxsus ta‘lim vazirligi

Badan tarbiyasi (jismoniy tarbiya). Mashxur yunon donishmandi aflotun baxt xaqida zikr etib: 
«Inson  uchun  birinchi  baxt  uning  sog‗lig‗i,  ikkinchisi—go‗zallikdir»  degan  ekan.  Chindan  xam  sixat-
salomatlik  xamma  boyliklar  manbaidir.  Nasl-nasabi  sog‗lom  va  ma‘naviyati  yuksak  xalqning  avlodlari 
xam  sog‗lom-baquvvat,  iymon-e‘tiqodli  va  sadoqatli  bo‗ladiki,  bu  baxt  ona  Vatanning  shuxrati  va 
qudratining zo‗r omiliga aylanadi. Xalqning ana shunday baxt-saodati uchun sog‗lom avlod kerak. 
Sog‗lom  avlod  deganda  biz  xam  jismoniy,  xam  ma‘naviy  tomondan  yetuk,  bardam,  xar  ishga 
qodir,  ilg‗or  madaniyatli  kishilarni  ko‗zda  tutamiz.  Darxaqiqat,  shunday  noyob fazilatlarga  ega  avlodni 
tarbiyalab voyaga yetkazayotgan xalq kelajakka ochiq ko‗z, yorug‗ yuz, katta ishonch bilan qaraydi. 
Ona tabiat ato etgan oliy moxiyatga ko‗ra, biz o‗zbeklar xayotdaizning, umrimizning mazmunini 
farzandsiz tasavvur etolmaydigan xalqmiz. Dunyoga kelib farzand ko‗rish, imorat qurish, nixol ekib bog‗ 
yaratish  ota-bobolarimizdan  qolgan  nasliy  an‘ana,  ezgu  tilak  va  qutlug‗ insoniy  burchdir.  Shuni  aloxida 
shukronalik  bilan  ta‘kidlash  lozimki,  xalqimiz  tarixning  mashaqqatli  sinovlari  osha  o‗zining  ana  shu 
olijanob xislat fazilatli an‘analariga zavol yetkazmay saqlab kelmoqda. Ajdod-avlodlarimiz o‗z nasllarini 
umumbashariy tuyg‗ular, o‗lmas sharq falsafasi, milliy qadriyatlarimiz ruxida tarbiya qilib kelganlar. 
Insonning  kuch  va  qobiliyatlarini  taxlil  etganda,  u  uchga  bo‗linadi:  jismoniy,  aqliy  va  axloqiy. 
Shunga  binoan  insonning  bu  kuch-qobiliyatlarining  taraqqiysi  yuksalishini  ta‘min  etadigan  tarbiya  xam 
uch qismga ajraladi: bular badan tarbiyasi, aql tarbiyasi, axloq tarbiyasidir. 
Badan  tarbiyasi  inson  xayotida  katta  axamiyatga  ega.  Birinchidan,  xayotda  xar  kimning 
mukammal  sog‗-salomatlikka,  kuch-quvvatli  badanga  ega  bo‗lish  extiyoji  bor.  Ikkinchidan,  badan 
sog‗lig‗i  fikr  va  axloqning  xam  sog‗lig‗ini  ta‘min  etadi.  Quvvatli  badanning  fikr  va  axloq  uzra  ta‘siri 
oshkordir. Fikr va axloq bilan mijoz va sog‗lomlik uzviy bog‗liq. 
Badan  tarbiyasining  maqsadi  xar  tomonlama  jismonan  chiniqqan,  sof  fikrli,  mard,  sabotli, 
qat‘iyatli, Vatanni ximoya qila oladigan shaxslarni kamol toptirishdan iborat. 
O‗quvchilarni  jismoniy  tarbiyalash  jarayonida  quyidagi  asosiy  vazifalar  xal  etiladi.  Birinchi 
vazifa  —  sog‗lig‗ni  mustaxkamlash,  tana  a‘zolarini  chiniqtirish,  jismoniy  jixatdan  to‗g‗ri  rivojlanish 
xamda uning ishlash qobiliyatining oshishiga ta‘sir etishdir. 
Maktab  yoshidagi  bolalarning  qaddi-qomatini  to‗g‗ri-mutanosib  shakllantirish,  suyak-
bo‗g‗iinlarni  va  muskullarni  uyg‗unlashgan  tarzda  rivojlantirish,  yurak-tomir  xamda  nafas  olish 
a‘zolarining asab tolalari majmuasini mustaxkamlashtirish muxim. 
Tana-a‘zolarining  mo‗‘tadil  faoliyati  uchun  xarakat  juda  zaruriydir.  Buyuk  xakim  Abu  Ali  Ibn 
Sino:  «Badan  tarbiya  —  sog‗liqni  saqlashda  ulug‗vor  usuldir»,  deydiki,  bu  fikr:  «Kimki  qilsa  xarakat 
sog‗lig‗ida  barakat  bo‗ladi»  degan  naqlni  eslatadi.  Qadimda  xalqimiz  badan  tarbiyani  riyozat  deb 
atashgan. Abu Ali Ibn Sino «Tibbiy doston» («Ur-juza») asarida riyozat badan tarbiyasi xaqida to‗xtalib, 
uning  bir  necha  xillari  bo‗lishi,  bu  jismoniy  mashqlar  bilan  o‗rtacha  shug‗ullanish  sog‗liqqa  foydali 
ekanligini bunday ta‘riflaydi:  
Bilsang riyozat turlari necha-necha  
Sharofatli bo‗lur esa u o‗rtacha (1).  
To‗g‗ri va mo‗tadil bo‗lib o‗sgay badan,  
Kir-chir ila chiqindidan qutular tan». 
 
(1-bu o‗rinda Ibn Sino badan tarbiyami og‗ir yo yengilini emas, o‗rtachasini tanla demoqchi). 
Olim  yana,  jismoniy  mashqsiz  yurish  badanda  yomon  xulqlarning  yig‗ilishiga  sabab  bo‗lishini 
aloxida uqtirib bunday deb yozadi:  
«Riyozatsiz yotishdan ko‗p topma roxat,  
Bu roxatdan topolmassan xech manfaat.  
Jim yotsang iflos xult-la to‗lor badan,  
g‗izocha xech xozirlanmas biror maskan». 
 
Jismoniy  mashqlarning  sixat-salomatlikka  foydasi  cheksiz  ekanligini  D.Adisson  bunday 
tasvirlaydi:  «Mutolaa  aql  uchun  qancha  zarur  bo‗lsa,  jismoniy  mashqlar  xam  badan  uchun  shuncha 
zarur». 
Suqrot  xakim  esa  bunday  deydi:  «Gimnastika  yordami  ila  men  badanimning  muvozanatini 
to‗g‗rilab olaman». 
Olim Ivan Pavlov ta‘kidlaganidek bosh miya po‗stlog‗ini «kuchaytirish va mustaxkamlash» yo‗li 
bilan asab jarayonlarining faolligini yanada oshirish mumkin. 
Shuni  xam  aytish  kerakki,  o‗quvchilarning  sog‗lig‗ini  faqat  jismoniy  tarbiya  darslari  xamda 

---

 
maktab  rejimi  sharoitida  o‗tkaziladigan  maxsus  tadbirlar  xisobigagina  mustaxkamlash  qiyin.  Chunki  bu 
jarayon  ota-ona,  tarbiyachi,  butun  pedagoglar  jamoasining  ishi  bo‗lib,  sog‗lomlashtirish  bilan  bolalarni 
muntazam ravishda, butun yil davomida shug‗ullantirish kerak. 
Ikkinchi  vazifa  —  o‗quvchilarda  yangi  xarakat  turlariga  qiziqish,  ko‗nikma  va  malakalar  xosil 
qilish,  ularni  maxsus  bilimlar  bilan  qurollantirish  zarur.  O‗qitish  jarayonida  o‗quvchilar  xarakat, 
ko‗nikma  va  malakalarni  egallaydilar.  Bu  malaka  va  ko‗nikmalar  jismoniy  tarbiya  bo‗yicha  tuzilgan 
o‗quv dasturida nazarda tutilgan bo‗lib, ulardan ba‘zilari, masalan tez yurish, yugurish, sakrashlar amaliy 
mashqlardir. Shu bilan birga, bu mashqlar gimnastika anjom-asboblarida mashq qilish, akrobatika, badiiy 
gimnastika  xarakatlarini  koordinatsiya  qilishga,  shuningdek,  yangi  xarakatlarni  osonroq  va  qisqa  vaqt 
ichida o‗rganib olishga ko‗maklashadi, ko‗nikma va malakalar xosil qiladi. 
Uchinchi  vazifa  –  o‗quvchilarning  yoshiga,  jinsiga  muvofiq  keladigan  (kuch,  tezkorlik, 
chaqqonlik, chidamlilikni) asosiy  xarakat sifatlarini rivojlantirishdir.  Yuqorida aytilgan jismoniy sifatlar 
aloxida mavjud bo‗lmay, balki ulardan biri u yoki bu faoliyat turida yetakchi o‗rinni egaldaydi. Masalan, 
xarakatli  va  sport  o‗yinlarida  chaqqonlik,  qisqa  masofaga  yugurishda  —  tezkorlikni  aytish  mumkin. 
Maktab  dasturi  o‗quvchilarning  xarakatlari,  sifatlarini  xar  tomonlama  rivojlantirish  xamda  ularning 
jismoniy  rivojlanishlari  va  umumiy  ishlash  qobiliyatlarining  ortishi  uchun  kerakli  sharoitni  yaratadi, 
albatta.  Shu  bilan  birga,  o‗quvchilarda  axloqiy-irodaviy  sifatlarni  tarbiyalash,  xulq-atvor  madaniyati 
ko‗nikmalarini tarkib toptirish kerak. 
To‗rtinchi  vazifa  —  o‗quvchilarda  o‗z  sog‗lig‗iga  ongli  munosabatni  tarbiyalash  bo‗lib,  bu 
ularning  ozoda-sarishtalik  tartibida,  gigiena  qoidalariga  rioya  qilishlarida,  ertalabki  gimnastika  bilan 
shug‗ullanishlarida  xamda  sport  mashg‗ulotlarida  muntazam  qatnashishlarida  namoyon  bo‗ladi.  Badan 
tarbiyaning sixat-salomatlikka foydasini o‗quvchi qanchalik yaxshi bilib olsa, qiziqish shunchalik ortadi. 
Mo‗tadil ravishda, o‗z vaqtida badan tarbiya bilan shug‗ullanuvchi odam kasalliklarning davosiga 
muxtoj bo‗lmasligini chuqur anglab olishi kerak. 
Olim va shifokorlarning kuzatishlaricha, badan tarbiya tug‗ma issiqlikni oshiradi, tanaga yengillik 
beradi. Chunki, bular yengilgina issiqlik paydo qiladi, a‘zolarda to‗planuvchi chiqindilarni yo‗qotadi. 
Badan  tarbiya  mashqlari  tartibli  va  yo‗li  bilan  bo‗lsa,  fikrni  uyg‗unlashtiradi,  qon  yurishiga 
yordam beradi, xazmni yaxshilaydi, asabni quvvatlantiradi, tan xaroratini orttiradi, zexnni ochadi.  
Inson jismoniy sog‗lom, va bardam-baquvvat bo‗lsa, xayot go‗zalliklarini yaxshi idrok etadi, aql-
zakovati yuksala boradi, atrof-muxitni ziyrak bo‗lib kuzatadi. Shu nuqtai nazardan aytganda, inson bolasi 
sog‗lom-baquvvat bo‗lishda badan tarbiya muxim omil ekani aniq. Demak, bu tarbiya aqliy, axloqiy va 
estetik  tarbiyaning  zamini  ekan.  Ta‘bir  joiz  bo‗lsa,  bir  yerda  turib  qolgan  suv  ko‗lmak  xolda  xech 
foydasiz  deyilsa,  xarakatsiz  odam  xam  ko‗lmak  kabidir,  sharqirab  oqqan  suv  o‗zi  go‗zal,  xam  dala-
bog‗larni  yashnatgani  kabi,  serxarakat,  jismoniy  mashqlar  bilan  shug‗ullanadigan  odamning  xam  o‗zi 
(jismonan) go‗zal, xam aqli go‗zal, xam odob-axloqi go‗zal bo‗ladi. 
Badan  tarbiya  insonni  xar  tomonlama  tetik,  xushyor,  qobiliyatli  tarzda  kamolga  yetkazadiki, 
donolar jismniy tarbiya-go‗zallik tarbiyasidir, deb bejiz aytishmagan. 
Inson  jismoniy  sog‗lom,  xar  tomonlama  yetuk  rivojlanishi  uchun  ma‘lum  maqsadni  ko‗zlagan 
xolda  tejamli  xarakat  qilishi,  tabiat  qo‗ynida  yoki  ozoda-shinam  sport  zalida  xarakatli  mashqlar  bilan 
shug‗ullanishi  —  bularning  xammasi  unda  nafosat  xis-tuyg‗usini,  aqliy  tushunchasini  va  didini 
tarbiyalaydi.  Shubxa  yo‗qki  xilma-xil,  aniq,  ifodali  bajarilgan  jismoniy  mashqlar  estetik  kechinma, 
xislarni yuzaga keltiradi. Jismoniy mashqlarni bajarish jarayonida xarakatlar maqsadining xam shakl, xam 
mazmun jixatidan bir-biriga mos kelishi esa uning go‗zalligini ta‘minlaydi. 
Go‗zallik – bu avvalo xarakatlarning sodda, yengil, izchil va tugal bo‗lishidirki, o‗qituvchi xam, 
o‗quvchi  xam  bunga  intilsalar,  nafosatga  erishiladi.  Albatta  jismoniy  tarbiyaning  vazifasi  o‗quvchida 
faqat go‗zallikni idrok etishnigina shakllantirish bo‗lib qolmay, balki ularni kishi xarakatidagi chinakam 
go‗zallikni baxolay bilishga xam o‗rgatishdir. 
Odatda,  uzoq  muddatli  aqliy  mexnatdan  so‗ng  o‗quvchilarda  ishlash  qobiliyati  sekin-asta 
pasayadi.  Bu  xolat  boshlang‗ich  sinf  o‗quvchilarida  tezda  seziladi.  Bolalar  dars  vaqtida  betoqat  bo‗lib, 
xaddan  tashqari  ko‗p  xarakat  qilishlari,  o‗tirgan  joylaridan  tez-tez  turib  ketishlari,  bir-birlari  bilan 
gapirishishlari,  orqayu  yonlariga  qarab  o‗tirishlari,  shovqin-suron  ko‗tarishlari  mumkin  va  xokazo. 
Ayniqsa  darsning  25-30  minutlarida  o‗quvchilar  diqqati  sezilarli  pasayadi,  tushuntirilayotgan  mavzuni 
o‗zlashtirish  qiyinlashadi,  ishda  ayrim  xatoliklar  uchraydi.  O‗quvchilar  o‗rganayotgan  mavzularni  bir 
necha  martadan  qayta-qayta  takrorlashlariga  to‗g‗ri  keladi.  O‗quvchilarda  aqliy  charchash  bilan  birga, 
qomatni tutib turuvchi bel, yelka, bo‗yin muskullari xam toliqadi. Toliqish natijasida bel egilib, yelkalar 
pastga  tushib,  bosh  oldinga  egiladi,  qomat  muvozanati  buziladi.  Agar  bu  xolat  takrorlanaversa 
o‗quvchilarning  ishlash  qobiliyati  pasayib,  qomati  buzilib  salomatligiga  xam  salbiy  ta‘sir  etadi.  Aqliy 

---

 
mexnatni  jismoniy  mexnatga  almashtirish  asosida  bunday  toliqishning  oldi  olinadi.  «Fizkultminut»lar 
(jismoniy mashq daqiqalari) o‗quvchilarda faollikni oshiradi, susaygan ish qobiliyatini tiklaydi, kayfiyatni 
yaxshilaydi. 
«Fizkultminut»lar darsning 25-30 daqiqalarida (4-8 tadan iborat bo‗lgan mashqlarni) 2-3 daqiqa 
davomida bajariladi. Bu chog‗da bajarilishi oson, o‗tirib yoki o‗rindan turib panjalarga, bo‗yin, yelka, bel 
va qomatning pastki qismiga ta‘sir etadigan mashqlarni tanlash lozim. 
Yozuv  darslarida  o‗quvchilarning  panjalari,  qo‗l  muskullari  tez  toliqadi.  Natijada  yozuv  tezligi 
pasayadi, xusnixati  buziladi.  Bunday  xollarda panjalarni  bukib-yozish,  qo‗llarni bukish,  yonga,  oldinga, 
yuqoriga ko‗tarib bajariladigan  mashqlar beriladi.  Uzoq o‗tirish natijasida gavdaning pastki qismi qattiq 
toliqadi.  Bu  toliqishni  tarqatish  uchun  tik  turib  bajariladigan,  oldinga,  yonga  egilish,  o‗tirib-turiladigan 
mashqlarni tanlash lozim. 
Sog‗liqni  mustaxkamlash,  a‘zoni,  tanani  chiniqtirish,  bolalarning  jismoniy  rivojlanish  darajasini 
ko‗tarishga tabiatning sog‗lomlashtiruvchi kuchlari - quyosh, xavo va suv ta‘siri orqali erishiladi. Tabiat 
omillaridan jismoniy mashg‗ulotlar o‗tkazish xamda mustaqil shug‗ullanish uchun muxim vosita sifatida 
foydalaniladi. 
Maktab  sharoitida  jismoniy  tarbiya  vositalari  orasida  eng  ko‗p  jismoniy  mashqlar  qo‗llanadi. 
Jismoniy  mashqlar  gavda  muskullarining  o‗sishi  va  mustaxkamlanishiga,  yurak-qon  tomir  tizimi 
faoliyatining va nafas olish a‘zolarining yaxshilanishiga samarali ta‘sir ko‗rsatadi. 
Jismoniy  mashqlar  asablar  majmuasining  faoliyatiga  xam,  xususan  bosh  miya  qobig‗idagi 
xarakatlantiruvchi  qismga  xam  ta‘sir  etadi,  natijada  xarakatlarning  bir-biriga  uyg‗unligi  yaxshilanadi; 
xarakatlarda  muvofiqliq,  aniqlik  zaruriy  kuch  va  ritm  xosil  bo‗ladi.  O‗quvchi  aynan  shu  ta‘sirlar 
natijasida tuzilishi jixatidan murakkab bo‗lgan xarakatlarni, katta tezlikdagi xarakatlarni oson o‗zlashtirib 
oladi, bu esa jismoniy mexnat mashg‗ulotlari uchun muximdir. 
Jismoniy tarbiya vositalari orasida asosiy gimnastika, xarakatli o‗yinlar, badan tarbiya daqiqalari 
(fizkutminutlar), xalq an‘analari va sport turlari yetakchi xisoblanadi.