O‘zbekiston Respublikasi Oliy va o‘rta maxsus ta‘lim vazirligi

2.4. Bolalarning jismoniy rivojlanishini baholash 
Jismoniy  rivojlanish  nafaqat  yosh  davrini  balki  salomatligini  ifodalovchi  juda 
aniq ko‘rsatkich. Jismoniy rivojlanish bo‘y uzunligi, tana massasi (vazn), bosh aylanasi, 
ko‘krak qafasining aylanasi, muskul kuchi, chaqqonligi va boshqa ko‘rsatkichlar asosida 
baxolanadi.  Odatda  jismoniy  rivojlanishni  baholash  uchun  maxsus  me‘yorlar  asosida 
tuzilgan  jadvallardan  foydalaniladi.  Jadvallarda  bolaning  yoshi  va  jinsiga  qarab,  tana 
vazni, bo‘y uzunligi, ko‘krak qafasi uzunligi o‘rtacha qilib olingan holda bеrilgan va bu 
ko‘rsatqichlar bolalardan olingan sonlar bilan taqqoslanib, xulosa chiqariladi. 
Jismoniy rivojlanish o‘sib kеlayotgan organizm sog‘lig‘ining muhim ko‘rsatkichi 
hisoblanadi.  Uning  asosida  organizmning  yеtilishi,  shakllanishi  va  biologik  yoshga 
mosligini  hamda  har  qaysi  yosh  davrda  bolaning  morfo-funksional  holatini  bilish 
mumkin.