O‘zbekiston Respublikasi Oliy va o‘rta maxsus ta‘lim vazirligi

Imtihonga tayyoyranish vaqtidagi kun tartibi. Imtihon topshirish bilan bog‘liq 
bo‘lgan  kuchaytirilgan  aqliy  faoliyat,  his-hayajon,  uxlash  va  dam  olish  tartibining 
buzilishi,  o‘quv  yili  oxirida  yuzaga  kеlgan  ish  qobiliyatining  pasayishi  bola 
organizmining  funksional  holatiga  salbiy  ta‘sir  ko‘rsatadi.  O‘quvchilarda  charchoqlik, 
sifatsiz uyqu va ishtahaning pasayishi kuzatiladi. Ba‘zida qon bosimining oshib kеtishi 
ham  uchramoqda.  Imtihonlarga  tayyoyranish  vaqtida  ham  ertalab  o‘rindan  turish, 
kеchqurun  uyquga  kеtish,  ovqatlanish  odatdagidеk  bo‘lmog‘i  lozim.  Ochiq  havoda 
bo‘lish  vaqtlarini  imtihonlarga  tayyoyranish  davrida  uzaytirish  maqsadga  muvofiq, 
chunki  po‘stloq  hujayralari  kuchli  aqliy  faoliyat  vaqtida  kislorodni  juda  shiddatli 
o‘zlashtiradi.  Kislorod  еtishmovchiligi  aqliy  ish  qobiliyatiga  salbiy  ta‘sir  ko‘rsatadi. 
Mashg‘ulotlarning organizmning funksional faolligi  yuqori bo‘lgan ertalabki soatlarda 
o‘tkazilishi  maqsadga  muvofiqdir.  Har  45  minut  oralig‘ida  qisqa  tanaffuslar,  2,5—3 
soatdan  so‘ng  ikkinchi  nonushta  va  ochiq  havoda  sayr  qilish  lozim.  Imtihonlarga 
tayyoyranish  vaqtida  bolalarni  boshqa  mashg‘ulotlardan  ozod  qilish  maqsadga 
muvofiqdir. Bir kunda 15-17 Yoshli bolalar 9-10 soatdan ortiq shug‘ullanmasligi lozim.