O`zbekiston respublikasi oliy va o`rta maxsus ta’lim vazirligi urganch davlat universiteti turizm va Iqtisodiyot fakulteti 181-Turizm guruhi talabasi Salayev Yashinning Turizmda ekskursiya xizmatlarini tashkil qilish fanidan

b) bilimliligi obro‘yi, ekskursiya mavzusini ekskursantlardan ko‘ra chuqurroq

bilishi gid obro‘yini mustahkamlaydi;

d)malakaviylik obro‘yi, ekskursiyalarnio‘tkazish tajribasining mavjudligi

malakaviylik obro‘yini shakllantiradi (ekskursiyani o‘tkazishning uslubi va

texnikasini qo‘llash ko‘nikmasi);

e) gid obro‘yining muhim negizi bu- uning nutq madaniyati va noverbal

vositalarniqo‘llay olishidir;

g) ekskursantlar bilan o‘zaro munosabati, guruhda zaruriy muhitni yaratish.

Bunda uning o‘zini tutishi madaniyati va nutqi gid obro‘yining negizi hisoblanadi.Gid kasbiy mahoratining asosini uning malaka va ko‘nikmasi tashkil etadi.Gid ko‘nikmalarini bir necha guruhlarga ajratish mumkin:

• 
  yangi ekskursiya mavzusini tayyorlash ko‘nikmasi;
  
• 
  ekskursiyada ob’ektlarni ko‘rsatish ko‘nikmasi;
  
• 
  ekskursiya ob’ektlarini hikoya qilish ko‘nikmasi;
  
• 
  ekskursiyani o‘tkazish texnikasi ko‘nikmasi;
  
• 
  «gid portfeli»dagi ko‘rgazmali vositalarni namoyish etish ko‘nikmasi;
  
• 
  ekskursantlar bilan ishlash ko‘nikmasi;
  
• 
  nutq madaniyati ko‘nikmasi;
  
• 
  kitob bilan, muzeyda, ko‘rgazmada, arxivda ishlash ko‘nikmasi;
  
• 
  ekskursiyani o‘tkazishda tayyorgarlik ko‘nikmasi;
  
• 
  ekskursiyani reklama qilish ko‘nikmasi;
  
• 
  ekskursiyadan keyingi ishlar ko‘nikmasi.
  

Gid ekskursiya guruhi qatnashuvisiz o‘ziga xos repetitsiyalarda ekskursiyaning texnikasini(ob’ektlarni ko‘rsatishning qulay nuqtalarini tanlash, hikoya qilishning usullarini qo‘llash, «gid portfeli»dagi ko‘rgazmali vositalardan

foydalanish, guruhni to‘g‘ri joylashtirish) takrorlab olishi maqsadga muvofiqdir.

Xulosa

Xulosa o‘rnida aytish joizki, Buyuk Iрak yo‘lining O‘zbekiston hududlaridan o‘tishi tarixiy jihatdan muhim ahamiyatga ega. Bunda millatimizning jahon xalqlari orasidagi obro‘yi, shon-shuhratining oshishi, tarixiy  yodgorliklarimiz, buyuk  allomalarimizning so‘nmas faoliyatlarini o‘rganishda yurtimiz aholisi va xorijiy sayyohlarning tashrif buyurishlari muhim o‘rin egallaydi.O‘zbekiston zamini qadimdan Buyuk ipak yo‘li chorrahasidagi ulkan salohiyatga, tabiiy, tarixiy va madaniy boyliklarga, go‘zal an’ana va urf-odatlarga ega hudud sifatida butun dunyo e’tibori va e’tirofiga sazovor bo‘lgan. Bugungi kunda mamlakatimiz nafaqat siyosiy, iqtisodiy-ijtimoiy, madaniy sohalarda, balki turizmda ham yangi rivojlanish bosqichiga qadam qo‘ydi. Davlatimiz rahbarining 2016-yil 6-dekabrdagi “O‘zbekiston Respublikasining turizm sohasini jadal rivojlantirishni ta’minlash chora-tadbirlari to‘g‘risida”gi, 2018-yil 5-fevraldagi “O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida”gi farmonlari mamlakat iqtisodiyotining strategik tarmog‘i sifatida turizmni jadal rivojlantirish uchun qulay iqtisodiy va tashkiliy-huquqiy sharoitlar yaratish, hududlarning ulkan turizm salohiyatidan yanada to‘liq va samarali foydalanish, turizm tarmog‘ini boshqarishni tubdan takomillashtirish, milliy turizm mahsulotlarini yaratish va ularni jahon bozorida keng targ‘ib etish, turizm sohasida O‘zbekistonning ijobiy qiyofasini shakllantirish, sohaga investitsiyalarni faol jalb qilish, innovatsion g‘oya va texnologiyalarni joriy etish, mamlakatning madaniy-tarixiy merosi va tabiiy boyliklari targ‘ibotini yangi bosqichga ko‘tarish, yurtimizga kelayotgan turistlar oqimini ko‘paytirishda muhim dasturi amal bo‘lmoqda. Hozirgi kunda davlatimiz tomonidan turizm infratuzilmasini rivojlantirish borasida amalga oshirilayotgan islohotlar o‘zining ijobiy natijalarini berib kelmoqda. Hozirgi vaqtda butun dunyoda, jumladan, O‘zbekistonda ham iqtisodiyotining noishlab chiqarish sohalaridan biri xususan turizm sohasiga katta e’tibor kuchayib bormoqda. Insonlar borgan sari o‘zlarining bo‘sh vaqtlarini samarali o‘tkazishga, dam olishga, sog‘ligini tiklashga, dunyoni, xalqlarning urf odatlarini, qadriyatlarini bilishga intilmoqda. Bundan tashqari, insoniyat har doim o‘zining harakat doirasini o‘zgartirib, yangi erlarni kashf qilishga intilgan. XX asrga kelib bunday intilishlar kuchaydi va turizm industriyasining rivojlanishiga katta turtki bo‘ldi. O‘tgan 2008 - yilda dunyo aholisining har to‘rtinchisi sayohat qilgan. Ayrim mamlakatlarda turizm sohasi juda ham barqaror rivojlanib bormoqda va ularning har yillik o‘sish sur’ati 8 -10 % gacha boradi. Bu davlatlarga Ispaniya, Italiya, Fransiya, AQSh va boshqa mamlakatlarni kiritish mumkin. Shunisi qiziqki turizm rivojlanishi bilan bir qatorda transport, bozor infratuzilmasi, savdo - sotiq, oziq-ovqat tarmoqlari, qurilish, hunarmandchilik hamda boshqa xizmat ko‘rsatish sohalari rivojlanib ketadi. Respublikamiz xalqaro turizmni rivojlantirish uchun juda boy imkoniyatlarga ega. Bularga «Buyuk Ipak yo‘li»ning shoh tomiri respublikamizdan o‘tganligi, butun dunyoga mashhur tarixiy va madaniy shaharlarimiz Samarqand, Buxoro, Xiva, Shaxrisabz, Qo‘qon, Toshkent va boshqa shaharlar, tabiiy va sog‘lomlashtirish resurslariga boy mintaqalarimiz Chimyon, Shohimardon, Zomin, Boysun, Sherobod va boshqa shaharlar kiradi. Bu imkoniyatlardan samarali foydalangan holda “Buyuk Ipak” yo’lida turizmni rivojlantirish,ekskursiya xizmatlarioni sifatli tashkil etish uchun zarur chora tadbirlarni ko’rish lozim.Bunday chora tadbirlarga “Buyuk Ipak ” yo’lida sayyohlarga xizmat ko’rsatuvchi muassasalar sonini ko’paytirish va sifatini yaxshilash,jahon talablariga mos keladigan gid kadrlarni tayyorlash va ularning chet elda o’z malakalarini oshirishiga shart-sharoit yaratish,yo’llar sifatini yanada yaxshilash,qulay avtatransport vositalari qatnovini ko’paytirish kabi ishlarni taklif qilsa bo’ladi.