O`zbekiston respublikasi oliy va o`rta maxsus ta`lim vazirligi urganch davlat universiteti

O`ZBEKISTON RESPUBLIKASI OLIY VA
O`RTA MAXSUS TA`LIM VAZIRLIGI


URGANCH DAVLAT UNIVERSITETI

TABIIY FANLAR FAKULTETI ” KIMYO” KAFEDRASI
153-GURUH TALABASI KABULOVA ANAPOSHSHANING
ANALITIK KIMYO
fanidan



Mavzu: Oksidlanish qaytarilish reaksiyalar va
muvozanat

Topshirdi: Kabulova A.

Tekshirdi: Niyazmetov A.


Urganch-2017

RЕJA:
KIRISH
I. ASOSIY QISM
I.1. Oksidlanish-qaytarilish rеaksiyalari
I.2. Rеdoks juftining standart potеntsiali va Oksidlanish-qaytarilish rеaksiyalari yo`nalishi.
I.3. Oksidlanish-qaytarilish rеaksiyasining elеktr yurituvchi kuchi.
I.4. Oksidlanish-qaytarilish rеaksiyalari - muvozanat doimiysi.
I.5. Oksidlanish-qaytarilish rеaksiyalari - yo`nalishiga ta'sir etuvchi omillar.
I.6. Oksidlanish-qaytarilish rеaksiyalarilarni kimyoviy analizdada qo`llanishi.
I 7. Redоksimetriya metоdlariga doir labоratоriya
mashg’ulоtlari
XULOSA
Foydalanilgan adabiyotlar


KIRISH

Oksidlanish qaytarilish reaksiyalarining mohiyati.

Ko'pchilik kimyoviy reaksiyalarda reaksiyaga kirishuvchi moddalar tarkibidagi elementlarning oksidlanish darajasi (valentligi) reaksiya natijasida o'zgarmaydi.

Boshqa turdagi reaksiyalarda elementlarning oksidlanish darajasi o'zgaradi.

_;
Elektronlarning bir atomdan ikkinchi atomga o'tishi natijasida elementlarning oksidlanish darajasi (valentligi) o'zgaradigan reaksiyalar oksidlanish-qaytarilish reaksiyalari deyiladi.
Oddiy moddalarda atomlar elektroneytral bo'ladi. Shuning uchun ularning oksidlanish darajasi shartli ravishda nolga teng deb qabul qilingan.
Neytral atomlar elektron yo'qotishi natijasida musbat zaryadlangan ionga aylanadi va nechta elektron bergan bo'lsa o'shancha musbat oksidlanish darajasi namoyon qiladi. Atomlarning elektron berish jarayoni oksidlanish deyiladi.
Masalan: Al – oksidlanadi.
Cu – oksidlanadi.
Atomlar elektron biriktirib olsa manfiy zaryadlangan ionga aylanadi. Bunda atom nechta elektron qabul qilgan bo'lsa uning oksidlanish darajasi shuncha manfiy bo'ladi. Atomning elektron biriktirib olish jarayoni qaytarilish deyiladi. Masalan:
Cl₂ + 2e^- = 2Cl^- (Cl – qaytariladi)

S + 2e^- = S^-2 (S – qaytariladi)

O'zidan elektron bergan atom qaytaruvchi, o'ziga elektron biriktirib olgan atom esa oksidlovchi hisoblanadi.
Faqat neytral atomlar emas, balki ionlar ham elektron biriktishi yoki berishi mumkin.
Fe⁺³ + e^- = Fe⁺² (qaytarilish)
S^-2 - 2e^- = S⁰ (oksidlanish)
Qaytaruvchi elektron berganligi sababli, uning oksidlanish darajasi algebraik qiymati ortadi. Oksidlovchi elektron biriktirib olish tufayli uning oksidlanish darajasi algebraik qiymati kamayadi. Masalan:
Pb⁰ + 2AgNO₃ = Pb(NO₃)₂ + 2Ag⁰
Pb⁰ – 2e^- = Pb⁺² (qaytaruvchi, o'zi oksidlanadi)
2Ag^- + 2e^- = 2Ag⁰ (oksidlovchi, o'zi qaytariladi)
Demak, oksidlanish - qaytarilish reaksiyasi yagona jarayondir. Oksidlanish vaqtida qaytarilish sodir bo'ladi, aksincha qaytarilish vaqtida oksidlanish jarayoni ham boradi.