OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGI
TOSHKENT DAVLAT IQTISODIYOT UNIVERSITETI
SAMARQAND FILIALI
“OZIQ-OVQAT VA QISHLOQ XOʻJALIK IQTISODIYOTI” KAFEDRASI
IQTISODIYOT NAZARIYASI FANIDAN
Sirtqi boʻlim 1-bosqich 60410100 – “Buxgalteriya hisobi va audit”, 60410200 – “Soliqlar va soliqqa tortish”, 60410500 – Bank ishi va 60410600 – “Sugʻurta ishi” ta’lim yoʻnalishlari talabalari uchun
NAZORAT ISHLARINI
bajarish boʻyicha
USLUBIY KOʻRSATMA
Samarqand-2021
Tuzuvchilar:
Muydinov O. – “Oziq-ovqat va qishloq xoʻjalik iqtisodiyoti” kafedrasi assistenti
Yuldashev Gʻ. – “Oziq-ovqat va qishloq xoʻjalik iqtisodiyoti” kafedrasi assistenti
Taqrizchilar:
Gʻaniyev I.M. – “Oziq-ovqat va qishloq xoʻjalik iqtisodiyoti” kafedrasi dotsenti
Pardayeva O.M.- “Oziq-ovqat va qishloq xoʻjalik iqtisodiyoti” kafedrasi mudiri
Nazorat ishlarini bajarish boʻyicha uslubiy koʻrsatma kafedra (2021 yil ___ avgustdagi ____-sonli) majlisida muhokama qilingan va tasdiqlash uchun filial oʻquv-uslubiy Kengashiga tavsiya etilgan.
Kafedra mudiri O.Pardayeva
Nazorat ishlarini bajarish boʻyicha uslubiy koʻrsatma filial oʻquv-uslubiy Kengashining 2021 yil ___ avgustdagi ___-sonli yigʻilishida koʻrib chiqilgan va tasdiqlangan.
Oʻquv ishlari boʻyicha direktor oʻrinbosari F.B.Axrorov
KIRISH
Har tomonlama kamol topgan yuksak ma’naviyatli shaxsni tarbiyalab yetishtirishda, uning dunyoqarashini shakllantirishda muhim rol oʻynovchi fan iqtisodiyot nazariyasi fanining ushbu dasturi jamiyatning iqtisodiy negizi, uning tarkibiy qismlari, umumiqtisodiy qonunlar va kategoriyalar, iqtisodiy hodisa va jarayonlarning mohiyati, ijtimoiy-iqtisodiy tizimlar va ularning amal qilish qonuniyatlari, bozor iqtisodiyotining tarkib topish xususiyatlari, oʻtish davridagi ijtimoiy-iqtisodiy islohotlar va ularning natijalari, iqtisodiy oʻsish va unga ta’sir etuvchi omillar, jahon iqtisodiyoti rivojlanishining asosiy tendensiyalari kabi masalalarni qamrab olgan.
“Iqtisodiyot nazariyasi” fani talabalarni jamiyatda roʻy beradigan iqtisodiy qonunlarni bilish va ularning amal qilishiga ongli munosabatda boʻlishda, mamlakarni demokratlashtirish va iqtisodiyotni bozor tamoyillari asosida isloh qilish jarayonlarining mohiyatini tushunishda zarur boʻlgan bilimlar bilan qurollantiradi. Shuningdek, bu fan jamiyatning har bir a’zosini gʻoyaviy jihatdan yoʻnaltirish, ma’naviy dunyoqarashini kengaytirish, iqtisodiy madaniyatini oshirishga ahamiyatli ta’sir koʻrsatadi.
Fanni o‘zlashtirish natijasida talaba:
- iqtisodiyot nazariyasi asoslari; iqtisodiy kategoriyalar; iqtisodiy jarayonlarning amal qilish xususiyatlari; ishlab chiqarish omillari; bozor iqtisodiyoti sub’ektlari; zamonaviy bozor iqtisodiyotining ishlashi va rivojlanishining nazariy asoslari; milliy iqtisodiyotning amal qilishi va rivojlanishi qonuniyatlari; makroiqtisodiy darajadagi vaziyatlar haqida tasavvur va bilimga ega bo‘lishi;
- iqtisodiy hodisa va jarayonlarni tahlil qilish usullarini qo‘llash; iqtisodiy muammolar bo‘yicha yechimlar qabul qilish ko‘nikmalariga ega bo‘lishi;
- iqtisodiy jarayonlarni tahlil qilish va xulosa chiqarish; iqtisodiy muammolarini hal etish uchun zarur bo‘lgan ma’lumotlar to‘plash va ulardan foydalana olish malakalariga ega bo‘lishi kerak.
Ma’lumki, axborot va bilimlar doirasi tez sur’atlar bilan kengayib borayotgan hozirgi sharoitda barcha ma’lumotlarni faqat dars mashgʻulotlari paytida talabalarga yetkazish qiyin.
Tajribalar shuni koʻrsatadiki, talaba mustaqil ravishda shugʻullansa va oʻz ustida tinimsiz ishlasagina bilimlarni chuqur oʻzlashtirishi mumkin. Talabalarning asosiy bilim, koʻnikma va malakalari mustaqil oʻzlashtirish jarayonidagina shakllanadi, mustaqil faoliyat koʻrsatish qobiliyati rivojlanadi va ularda ijodiy ishlashga qiziqish paydo boʻladi.
Shuning uchun talabalarning nazorat ishlarini bajarish boʻyicha mustaqil ta’lim olishlarini rejalashtirish, tashkil qilish va buning uchun barcha zaruriy shart-sharoitlarni yaratish, dars mashgʻulotlarida talabalarni oʻqitish bilan bir qatorda ularni koʻproq oʻqishga oʻrgatish, bilim olish yoʻllarini koʻrsatish, nazorat ishlarini yozish hamda oʻzlashtirish uchun yoʻl yoʻriq berish oliy ta’lim muassasasining asosiy vazifalaridan biri hisoblanadi.
Do'stlaringiz bilan baham: |