O’zbekiston respublikasi oliy va o’rta maxsus ta’lim vazirligi toshkent moliya instituti «Kasbiy ta’lim» kafedrasi

6. Kardlar tayyorlash haqidagi fikr-mulohazalar 
Bizning mamlakatimiz uchun kadrlar tayyorlash va yangi ta’lim 
ustuvorliklariga alohida e’tibor qaratib kelgan birinchi Prezidentimiz I.Karimov 
shunday degan edi: “Kadrlar tayyorlash sohasidagi davlat siyosatida insonni 
intellektual va ma’naviy-axloqiy tarbiyalash bilan jips bog‘liq uzluksiz ta’lim tizimi 
orqali fuqaro shaxsni har tomonlama rivojlangan bo‘lishi ko‘zda tutiladi”, shu bilan 
birga davlat boshlig‘i tomonidan xalqaro tajribani albatta hisobga olgan holda o‘zida 
ana’analarni mujassam etgan va takomillashgan jamiyat barpo etishga alohida e’tibor 
qaratiladi. 
Ayni paytda, “Ta’lim to‘g‘risida”gi Qonunda mustahkamlab qo‘yilganidek, 
ta’lim sohasidagi davlat siyosati ta’lim va tarbiyaning insonparvar, demokratik va 
dunyoviy xarakterini, uning uzluksizligi va izchilligi, ta’lim olishning hamma uchun 
ochiqligi, jinsi, tili, yoshi, irqi, milliy mansubligi, ijtimoiy kelib chiqishi va 
mavqeidan qat’i nazar, bilim olishda teng huquqlarni kafolatlash va ta’minlashdek 
prinsiplarga asoslangan holda rivoj topib borishi uning g‘oyaviy, tarbiya jarayonidagi 
o‘rni , mavqei va imkoniyatlari doirasi kengligini belgilab beradi”.
1
Ta’limning eng muhim vazifasi bo‘lib, jamiyatni zamonaviylashtirish, 
mamlakatni rivojlanishining oldingi o‘rinlariga olib chiqishga qodir mutaxassis 
xodimlar bilan mustahkamlash, sog‘lomlashtirish, yangilash va to‘ldirish hisoblanadi. 
Bunda zamonaviy bozor iqtisodiyoti mutaxassislar tayyorlashga yangi talablar 
1
Bаrkаmоl аvlоdl – O’zbеkistоn tаrаqqiyotining pоydеvоri. – T.: O’zbеkistоn, 1997. 20-21 bеtlаr. 

---

15 
qo‘ymoqda. Har bir ish o‘rnida ishlab chiqarishni rivojlantirishda ishtirok etish, o‘z 
tavsifi va texnologiyaviy jihatiga ko‘ra ancha murakkab mahsulotning tez 
o‘zgaradigan yuqori sifatliligini ta’minlash, ashyolar tannarxi oshib borishini iashlab 
chiqarish usullarini takomillashtirishi va sarflarni kamaytirish yo‘li bilan 
tizginlashdan iboratdir. 
Asosiy masala shundaki, bozor iqtisodiyoti sharoiti har bir ishtirokchiga faol 
iqtisodiy fikrlashga erishish talabini qo‘ymoqda. Innovatsiya strategiyasida bu 
ayniqsa yuqori ahamiyat kasb etadi. Gap shundaki, bozor iqtisodiyoti garchi 
yangilikka qulaylik bersa-da, lekin o‘zi bunga shart-sharoit yarata olmaydi. SHuning 
uchun bozor munosabatlariga jalb etilgan barcha mutaxassis xodimlarda strategik 
fikrlash, iqtisodiy rivojlanish qonunlarini tushunish, yangilikni baholay bilish, 
mustaqil qaror qabul qilish, yuzaga kelgan qiyinchilikni enga bilish, zarur bo‘lganda 
o‘z qarorini asoslab tushuntirib berish va isboti bilan ifodalash muhim sifat bo‘lib 
hisoblanadi. 
Xulosa qilib aytganda, O‘zbekistonda kasb ta’limi islohotlarini amalga 
oshirishdan asosiy maqsad ta’lim-tarbiya jarayonini yuqori cho‘qqilarga olib 
chiqishdir. Islohotlarni amalga oshirish zaruriyati kasb pedagogikasi fani oldiga 
ko‘proq ijodiy xarakterdagi ilmiy tadqiqot ishlarini yaratish vazifasini 
qo‘ymoqda. Hozirgi zamon har tomonlama etuk mutaxassis kadrlarni o‘qitish, 
ularni zamonaviy texnologiyalar bilan qurollantirishni talab etadi. Ko‘zlangan 
maqsadga erishish uchun ta’limning eski usullaridan voz kechish, faqat muayyan 
bilimlar majmuigagina ega bo‘lgan yosh kadrlarni tayyorlashdan o‘zining butun 
bilim va imkoniyatini namoyon etishga qodir, yuksak axloqli, har tomonlama etuk 
insonni tayyorlashga o‘tish kerak. Kasbiy pedagogikaning jahon miqyosida 
erishgan yutuqlari darajasini, axloqiy-estetik me’yorlar rivoji ustuvorligi hisobga 
oluvchi milliy ta’lim muassasasiga tayanuvchi, milliy madaniyat o‘chog‘i 
hisoblanuvchi, shu bilan birga madaniyatlarning oqilona dialogini olib borishga 
qodir uzluksiz ta’limni rivojlantirish strategiyasi haqidagi masala dolzarb bo‘lib 
qoldi. Bunday ta’lim umumiy o‘rta ta’lim, o‘rta maxsus, kasb-hunar ta’limi va 
oliy ta’lim muassasalarida rivojlantirilishi va mustahkamlanishi lozim.