O'zbekiston respublikasi oliy va o'rta maxsus ta'lim vazirligi toshkent temir yo'l muhandislari instituti

7. Yong’inni o’chirishning vositalari haqida ma`lumotlar.
Mexanizatsiyalashgan o’t o’chirish vositalari. Bularga o’t o’chiruvchi avtomobillar, ko’chma va statsionar o’t o’chirish uskunalari kiradi.

O’t o’chiruvchi avtomobillar 2 xil, suvni va ko’pik hosil qiluvchi qorishmani o’zi bilan olib boruvchi avtotsitsternalar, hamda o’t o’chirishning boshqa vositalari uchun maxsus xillariga bo’linadi.

Аvtomatlashgan o’t o’chirish vositalari. Bularga sprinkler va drencher sistemalari kiradi. Bular o’t o’chirishning statsionar vositalari bo’lib, kishining ishtirokisiz boshlang’ich yong’inlarni o’chiradi. Ular binolarning ichki qismida hamda binolar orasiga o’rnatiladi. O’t o’chiruvchi vosita turiga qarab suv bilan, ko’pik bilan, kukun bilan va bug’ bilan ishlaydi.

Sprinkler uskunalari. SNiP bo’yicha ( Qurilish norma va qoidalari), sprinkler uskunalari rekostruktsiya qilinayotgan yoki yangi qurilayotgan temir yo’l korxonalarining xomashyo va tayyor mahsulot omborlarida, yigiruv fabrikalarining titish savash tsexlarida hamda changli havoni tozalovchi filtrlar joylashgan xonalarda o’rnatiladi. Chunki bu tsexlarda yonuvchan material ko’p, mashinalar esa kam. Sprinkler uskunasida o’t o’chirish quyidagicha bo’ladi: tsexning shipiga ichida bosim ostida suv bo’lgan quvurlar o’rnatiladi. Bu quvurlarga ma`lum masofalarda sprinkler kallaklari o’rnatiladi. Har bir kallak 14 sm² joyga mo’ljallanadi. tsexda yong’in chiqishi bilan havo harorati oshib issiq sprinkler kallagining engil yonuvchi metaldan yasalgan qulfini eritib yuboradi va yo’li ochilgan suv quvurdan bosim ostida yong’in tepasiga quyila boshlaydi. Bunda bosim P=4 atm. bo’ladi.