O'zbekiston Respublikasi Oliy va o’rta-maxsus ta’lim Vazirligi Toshkent Davlat stomatologiya institute Buxoro filiali

Patologoanatomik
tekshirganda terisi va ichki a’zolar kamqon, terisida, 
tanglayda, og’iz bo’shligida, mindalinalarida va boshqa organlarda nekrotik 
yaralar, qon quyilishlar ko’rish mumkin. Limfa tugunlari, jigar, taloq kattalashgan 
gistologik tekshirganda bu a’zolar va suyak ko’migi punktatida blast hujayralar 
haddan ziyod ko’p bo’ladi. 
Klinika. 
Kasallik birdaniga gektik tipdagi isitma bilan boshlanib, 
bemorlar ko’p terlash, varaja, holsizlik, suyaklarda og’riqlar bezovta 
qiladi. Ko’pincha bemorlar tomoqdagi og’riqlarga, og’riq tufayli 
yutinishning qiyinligi kabi simptomlar bezovta qilib, nekrotik angina 
deb davolanadilar va ularni qonlari va suyak ko’migidan analiz olib 
tekshirilganidan keyingina leykoz hujayralar topilib tashxis aniqlanadi. 
Ko’p miqdorda blast hujayralarini o’lishi yoki parchalanishi munosabati 
bilan purin moddalar ajralib chiqadi, aynan shularni pirogen ta’siri 
bemorlarda isitma, ko’p terlash, varaja qilish kabi simptomlar keltirib 
chiqaradi. Ba’zi bir mualliflar isitmani ikkilamchi infeksiya bilan 
bog’laydi. Leykoz bilan kasallanganlar immuniteti susaygan bo’ladi, 
blast hujayralar o’z vazifasini bajara olmaydi. Ba’zan kasallik sekin asta 
umumiy holsizlik, ish qobiliyatini pasayishi, bosh og’riqlari holsizliklar 
bilan boshlanib, keyin birdaniga avj olib ketadi va boshqa simptomlar 
ham qo’shiladi. Suyak ko’migida giperplaziya (metaplaziya) jarayoni 
kechib anemiya (377-382 bet), trombotsitopeniya vujudga keladi va 
ularni ham klinik belgilari yuzaga chiqa boshlaydi. Bemorlarning 
terilarida, markaziy nerv sistemasida, tuxumdon, sut bezi va boshqa 
azolarida leykemik infiltratlar paydo bo’ladi. Bosh miyada leykemik 
infiltratsiya hosil bo’lishi bu bemorlarda insult yoki boshqa nevrologik 
simptomlarni hosil bo’lishiga sabab bo’ladi. Leykemik infiltratlar qaysi 
azoga paydo bo’lsa, shu azolar kasalliklari simptomatikasi yuzaga 
chiqadi. Ko’z tubidagi infiltrat ekzoftalmga olib keladi.