O‘zbekiston respublikasi oliy va o‘rta maxsus ta’lim vazirligi toshkent to‘qimachilik va engil sanoat instituti

жун, ипак ва тошпахта толаларининг олиниши, тузилиши ва хоссалари
Жун толасининг олиниши. Тўқимачилик саноатида 3 хил жун толаси ишлатилади.
1. Табиий жун толаси (молларни жунини қирқиш усули билан олинади ёки моллар туллаганда олинади).
2. Заводда олинадиган жун толаси (сўйилган молларни терисидан олинган жун толаси).
3. Тикланган жун (қийқим, лахталарни махсус машиналарда титиб толага айлантирилган жун).
Одатда табиий жуннинг 97 фоизи қўйлардан, 2 фоизи эчкилардан, қолган 1 фоизи эса бошқа моллардан олинади (туя, қуён, ва бошқа).
Тўқимачилик саноатида 97 фоиз табиий жун ишлатилади, 2-3 фоиз тикланган жун.
Қўй жунининг таркибида 4 хил тола бўлади: тибит, оралиқ толa, ўзак тола, ўлик тола.
Жун толаси кератин оқсил моддасидан ташкил топган. Кератин 20-30 хил аминокислота қолдиқларидан ташкил топган.

/
R
R-радикал, бошқа гуруҳ атомларини ифодалайди. Кератин молекуласида асосий қолдиқлари: гилицин, аланин, валин, цистин ва ҳ.к.
Жун толаси йўғонлигига нисбаган 4 гуруҳга бўлинади.

1. 
   Ингичка толали жун d=25 мкмгача.
   
2. 
   Ўрта йўғонликдаги жун d=25-31 мкм.
   
3. 
   Чала дағал жун d=31-40 мкм.
   
4. 
   Дағал жун d=40 мкмдан катта.
   

Ингичка толали жунни узунлиги 50-100 мм.
Қўйнинг устидан жун қатлами бутунлай қирқиладн уни «руно» деб аталади.
Рунонинг таркибидаги жун толасининг сифати ҳар хил бўлади. Шунинг учун рунони яхшилаб саралаб, ҳар бир қисмига алохида дастлабки ишлов берилади.


Рунони дастлабки ишлаш схемаси:

1. 
   Рунони саралаш
   
2. 
   Назорат саралаш
   
3. 
   Титиб юмшатиш
   
4. 
   Ювиб тозалаш
   
5. 
   Қуритиш
   

6. Пресслаш.
Ингичка толали жунни ювиб тозалангандан кейин 35-45 фоиз тоза жун чиқади. Дағал жуядан эса 55-75 фоиз жун чиқади. Жун толаси асосан газлама, трикотаж маҳсулотларини шклаб чиқариш учун фойдаланилади. Дағал жун толаси техник материалларини ишлаб чиқаришда кенг фойдаланилади (кигиз, фильтр, изоляцион материаллар).