O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

2.3. O’zbekiston Respublikasining diplomat xodimlari 
uchun diplomatik daraja va martabalar 
O’zbekiston  Respublikasi  diplomatik  vakolatxonalari  boshliqlarining  3 
darajasi belgilanadi: 

  chet  davlat  boshlig’i  huzurida  akkreditastiya  qilinadigan  Favqulodda  va 
Muxtor Elchi; 

  chet  davlat  boshlig’i  huzurida  akkreditastiya  qilinadigan  Favkulodda  va 
Muxtor Vakil; 

  chet davlat Tashqi ishlar vaziri huzurida akkreditastiya qilinadigan Ishonchli 
Vakil. 
O’zbekiston  Respublikasi  vakolatxonalarining  boshliqlari  mansub  bo’lishi 
loyiq  ko’rilgan  daraja,  diplomatiya  munosabatlari  o’rnatayotgan  davlatlar 
o’rtasidagi ahdlashuvda belgilab qo’yiladi. 
O’zbekiston  Respublikasida  quyidagi  diplomatiya  martabalari  – 
O’zbekiston  Respublikasining  chet  davlatlardagi  vakolatxonalari  diplomatiya 
xodimlariga beriladigan alohida xizmat unvonlari belgilanadi: 

  favqulodda va Muxtor Elchi; 

  favqulodda va Muxtor Vakil; 

  birinchi darajali Favqulodda va Muxtor Vakil; 

  ikkinchi darajali Favqulodda va Muxtor Vakil; 

---

 
16 
 

  birinchi Darajali maslahatchi; 

  ikkinchi darajali maslahatchi; 

  birinchi darajali birinchi kotib; 

  ikkinchi darajali birinchi kotib; 

  birinchi darajali ikkinchi kotib; 

  ikkinchi darajali ikkinchi kotib; 

  uchinchi kotib; 

  attashe. 
Favqulodda  va  Muxtor  Elchi,  birinchi  va  ikkinchi  darajali  Favqulodda  va 
Muxtor  Vakil  martabalari  O’zbekiston  Respublikasi  Prezidentining  Farmonlari 
bilan beriladi. 
Ana  shu  masalalar  yuzasidan  takliflarni  O’zbekiston  Respublikasi  Tashqi 
ishlar  vaziri  kiritadi.  Boshqa  diplomatiya  martabalari  vazirning  buyrug’i  bilan 
beriladi. 
Bu  martabalarni  berish  haqidagi  takliflarni  O’zbekiston  Respublikasi 
Tashqi ishlar vazirligining malaka komissiyasi kiritadi. Malaka komissiyasining 
tarkibi  va  u  haqdagi  nizomni  tasdiqlaydi.  Diplomatik  martabalar  vazirlikning 
rahbar va ma’sul xodimlariga ham berilishi mumkin. 
Birlamchi  diplomatiya  martabasi  –  attashe  diplomatiya  xizmatida  kamida 
bir yil ishlagan kishiga beriladi.  
Diplomatiya  vakolatxonalarining  xodimlariga  navbatdagi  uchinchi  kotib, 
ikkinchi  kotib  martabalari  malakasiga  hamda  xoh  markaziy  devonda,  xoh 
O’zbekiston Respublikasining chet ellaridagi vakolatxonalarida kamida 2-3 yil, 
birinchi  kotib,  maslaxatchi  martabalari  esa  kamida  3-4  yil  xizmatni 
muvaffaqiyatli  o’taganligiga  qarab  beriladi.  Ishdagi  katta  yutuqlari  uchun 
diplomatik  vakolatxona  xodimiga  belgilangan  muddatdan  oldin  yuqoriroq 
diplomatiya martabasi berish tavsiya etilishi mumkin. 
Favqulodda va Muxtor Elchi, Favqulodda va Muxtor Vakil martabalari bir 
umrga beriladi. 

---

 
17 
 
Boshqa  diplomatiya  martabasiga  ega  bo’lgan  shaxslar  vazirlik  tizimidan 
pensiyaga chiqqanlari taqdirda ham ularning bu martabalari saqlanib qoladi. 
Favqulodda  va  Muxtor  Elchi,  Favqulodda  va  Muxto  Vakil,  diplomatiya 
martabalaridan  vazirlikning  taqdimnomasiga  binoan  O’zbekiston  Respublikasi 
Prezidentining Farmonlari bilan mahrum etiladi. 
Diplomatiya  vakolatxonalarining  boshqa  a’zolari  xususida  bu  masala 
yuzasidan qarorni vazirlik malaka komissiyasining taqdimiga ko’ra Tashqi ishlar 
vaziri qabul qiladi.