O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

 
Diplomatiya  tashqi  siyosiy  vositalar  o’rtasida  asosiy  o’rinni  egallaydi. 
Diplomatiya tashqi siyosatdagi boshqa vositalarni tartibga solish va tuzatishning 
ustuvor dastagi bo’lib xizmat qiladi. Shu paytga qadar, diplomatik faoliyatning 
dunyo tajribasi asosida diplomatik professiyaning ma’lum bir parametrlari ishlab 
chiqilgan. Hozirda xalqaro munosabatlar va jahon siyosatida ro’y berayotgan har 
xil  chigalliklar  har  qanday  davlat  manfaatlari  uchun  xizmat  qiladigan 
diplomatlarni professional darajada tarbiyalashni talab etadi. Har qanday siyosat 
jamiyat  hayotida  hukmronlik  qiladigan  qonuniyatlarga  asoslangan  fanning 
rivojiga  bog’liq  bo’lgani  kabi,  siyosiy  faoliyat  ham  ma’lum  bir  fan 
qonuniyatlariga asoslanishi lozim.  
 
Fanni  o’qitish  maqsadi,  diplomatiya  xizmatining  jahon  tajribasi, 
shuningdek  diplomatik  munosabatlarning  umum  tan  olingan  xalqaro 
me’yorlarini chuqur o’rgatishdan iboratdir.  
 
Fanning  asosiy  vazifalari  bo’lib  talabalarni  professional  diplomatiya  sir-
asrorlari bilan tanishtirish; ularni diplomatik faoliyatni hurmat qilish va sevishga 
o’rgatish;  ularni  yuqori  malakali  mutaxassis  bo’lib  etishishiga  ko’maklashish 
hisoblanadi. 
 
“Diplomtik  munosabatlar  nazariyasi  va  amaliyoti”  fani  “Xalqaro 
munosabatlar  tarixi”,  “Dunyo  mamlakatlari  tarixi”,  “Jahon  iqtisodiyoti”, 
“Xalqaro  huquq”  singari  bir  qator  fanlar  bilan  o’zaro  bog’liqlikda  o’rganiladi. 
“Diplomtik  munosabatlar  nazariyasi  va  amaliyoti”  fanini  o’rganish  jarayonida 
o’qitishning  yangi  texnologiyalaridan  foydalaniladi.  O’quv  rejasidagi  2-mavzu 
“Davlat  suvereniteti  va  hozirgi  zamon  xalqaro  diplomatiyasi”  deb  nomlanib, 
undagi  ma’ruza  va  amaliy  (seminar)  mashg’ulotlarida  klaster,  insert,  aqliy 
hujum  usullari,    4-mavzu  “Diplomatik  protokol  va  steremonial”  deb  nomlanib, 

---

 
101 
 
undagi amaliy (seminar) mashg’ulotlarida “kichik guruhchalar” usuli yordamida 
ishbilarmonlik  o’yinlari,  qolgan  ma’ruza  va  amaliy  (seminar)  mashg’ulotlarida 
muammoli  ta’lim  texnologiyalari,  “Bumerang”  va  “Veer”  texnologiyalari, 
klaster usullari kabi ilg’or pedagogik texnologiyalardan foydalaniladi.